فرامل الكورولا الجنوب افريقى

**aliyosef** · 12-07-2014 08:13 AM

كل سنه وانتم بالف خير ياساده وربنا يتقبل منا ومنكم صالح الاعمال
السؤال ببساطه للساده ملاك الكورولا الجنوب افريقى عربيتى 2009
اخبار الفرامل معاكم ايه وياترى ال abs بيتلكك علشان يشتغل لما تدوس فرامل خفيف على اسفلت فيه شويه رمله والعربيه تسحف ولا ايه النظام مع العلم ان الكاوتش عندى كونتيننتال المانى والتماسك بتاعه . 3a
,وتاريخ انتاجه جديد 22/13
والتوكيل كان رده عليا فى الموضوع ده نغير الطمابير والتيل ب 6000 ج وان شاء الله ان شاء الله (ان شاء الله ) تتظبط يعنى مفيش تأكبد
لأنى عملت بسبب الفرامل اللى بتسحف دى حادث على كوبرى العامريه
فا هل ياترى العيب فى عربيتى ولا ده عيب عام
ولا تكون كمان الفرامل عايزه طريقه تعامل خاصه ذى الفتيس
ارجوا التوضيح

**sonaeg** · 12-07-2014 11:11 AM

هو الطبيعي لو كل شئ تمام ال abs بيشتغل مع الدوسة الجامدة او لو فيه رملة كتيرة طبيعي حيشتغل بدري. وال abs كاتبين ف لكتالوج انه ممكن يزود مسافة الفرملة في بعض الاحيان لان وظيفته عدم التزحيف عشان تقدر تناور شئ ف الطريق.

عموما خد راي مركز محترم في حالة الطنابير عندك هل فيها ريجة ولا لا او ناعمة بزيادة. ممكن تخلي ال abs يشتغل بدري رغم ان الكاوتش تمام. والله اعلم

**k m** · 14-07-2014 03:07 AM

العربيه معانا ومغيره طنابير فى التوكيل فى الضمان قبل كده والفرامل روعه وهقلك حاجه جرب حط زيت فرامل بس يكون dot 4 ويكون اصلى وشوف فى فرق ولا لا لانى وانا بغير التيل حطيت dot 3 وحسيت الفرامل مش زى الاول غيرته وحطيت dot 4 الفرامل ما شاء الله عليها وعامه عشان تبقى عارف ومن تجربه لاكتر عربيه فرامل التويوتا الجنوب افريقيى روعه ومن احلى فرامل العربيات اللى ركبتها

**aliyosef** · 15-07-2014 06:33 PM

ومين تانى ممكن فيدنى من ملا ك الكورولا الجنوب

**hanosh** · 15-07-2014 09:29 PM

المشاركة الأصلية كتبت بواسطة aliyosef

ومين تانى ممكن فيدنى من ملا ك الكورولا الجنوب

السلام عليكم
الفرامل عندى بسم الله ما شاء الله وااسعفتنى اكثر من مرة والحمد لله وال abs ممتاز وبيشتغل على طوول وتحس بيه اكتر لما لا قدر الله تواجه مشكله وتدوس جامد على الفرامل
لو الوضع مختلف عندك شيك على الحساسات

**midnightman_74** · 15-07-2014 10:08 PM

المشاركة الأصلية كتبت بواسطة aliyosef

لأنى عملت بسبب الفرامل اللى بتسحف دى حادث على كوبرى العامريه
ارجوا التوضيح

المفروض لو abs شغال العربية متسحفش ..

**aliyosef** · 25-07-2014 08:54 PM

المشاركة الأصلية كتبت بواسطة midnightman_74

المفروض لو abs شغال العربية متسحفش ..

شغال وبتسحف

**aliyosef** · 25-07-2014 08:56 PM

المشاركة الأصلية كتبت بواسطة hanosh

السلام عليكم
الفرامل عندى بسم الله ما شاء الله وااسعفتنى اكثر من مرة والحمد لله وال abs ممتاز وبيشتغل على طوول وتحس بيه اكتر لما لا قدر الله تواجه مشكله وتدوس جامد على الفرامل
لو الوضع مختلف عندك شيك على الحساسات

اشيك عليها فين غير التوكيل