ما هو تقييم الكورولا الجنوب افريقى؟

**Ramy.Gamal** · 05-07-2008 02:15 AM

بسم الله الرحمن الرحيم
كنت اود من ملاك الكورولا الجديده الجنوب افريقى تقييم السياره بعيدا عن مشكله الفيتيس والنتش وكدة وكل الناس عاوزة تعرف هل السياره فى بقيه الامكانيات والكماليات جيده وممكن مقارنتها بالكورولا الشكل القديم وخصوصا 1600 ونفس سيارات فئتها سواء السيفيك والمازدا واللانسر الجديده وما هو تقييم كمالياتها سواء قوه وكفائه التكييف وهل بنفس قوة الكورولا اليابانى والباور ستيرنج هل بنفس نعومه الكورولا القديمه والثبات هل مثل الكورولا القديمه ولا احسن ولا اسوء بمعنى اخر ما هو تقييم ملاك السياره لكل شئ فيها ما عدا الفيتيس.ولكم جزيل الشكر

**Ramy.Gamal** · 06-07-2008 02:11 AM

ايه يا جماعه فين ملاك السياره يقولولنا على مميزات العربيه ولا هما قفشوا منها علشان خاطر الفيتيس

**hn_kamal** · 06-07-2008 11:04 AM

أعتقد ان الجنوب افريقي أحسن من اليابانى فى الكماليات - وفيه حاجة تانية مهمة جدا ان الموتور جديد واستهلاكه للبنزين أوفر - ومشكلة النتشة دى ممكن تتغلب عليها بطريقة السواقة والضغط على دواسة البنزين - يبقى كده باقى مشكلة واحدة وهى زي ما قولنا قبل كده أن الفتيس احيانا بيعلق يعنى العربية ماتنقلش من الاول للتانى حتى تصل لسرعة 40 كم / الساعة وده طبع بيعلى الRPM وصوت العربية والتوكيل بيقولوا ان ده عادى ويمكن التغلب عليه بالنقل من الـ Stake Shifts اللى ورا الدركسيون واحنا متابعين مع التوكيل يمكن يلاقوا حل تانى أحسن للمشكلة دى
ارجو انى اكون وضحت
ولزيادة المعلومات ممكن تلاقى فى التوكيل مقارنة توضيحية بين اليابانى والجنوب أفريقى

**Ramy.Gamal** · 06-07-2008 04:32 PM

وايه اخبار التكييف هل هو بنفس قوة وبروده الكورولا اليابانى .لان كلنا عارفين ان تكييف العربيات اليابانى عامه والكورولا خاصه لا يعلى عليه و الباور والثبات .احنا كلنا عارفين الجنوب افريقى كمالياتها اكتر بكتير انما هل بنفس كفاءة وجوده واليابانى ولا هناك فرق

**SAbuhashem** · 06-07-2008 05:09 PM

وأنا بتفرج عليها في معرض أوتوماك الأخير لقيت عتب الباب مخلوع نهائي من مكانه
و كل أسلاك العربيه باينة تحته
والكفر بتاع القائم الشمال واقع من مكانه

وعندي الصور
السيل مان كان مبلول وأنا بصورها

فتحت الشنطة وجيت اقفلها
٣ أو ٤ مرات رزع علشان تتقفل!

معجبنيش الكلام دة خالص بصراحة

Thanks
Eng.Sherif Shaker

**hn_kamal** · 07-07-2008 09:42 AM

المشاركة الأصلية كتبت بواسطة ramylancer

وايه اخبار التكييف هل هو بنفس قوة وبروده الكورولا اليابانى .لان كلنا عارفين ان تكييف العربيات اليابانى عامه والكورولا خاصه لا يعلى عليه و الباور والثبات .احنا كلنا عارفين الجنوب افريقى كمالياتها اكتر بكتير انما هل بنفس كفاءة وجوده واليابانى ولا هناك فرق

التكييف ممتاز لانه يابانى (مش جنوب افريقي) والثبات اعتقد انه احسن من موديل 2007 اليابانى
أما بالنسبة للتقفيل وقفل الشنطة والعتب دى حاجات ممكن تتأكد بفحصك للسيارة فى أى معرض أو ممكن تروح التوكيل وتتاكد ان الشنطة بتقفل كويس ولا لأ
وعلى فكرة معلوماتى ان عتب الجنوب افريقي صاج وعتب اليابانى فيبر

**hn_kamal** · 07-07-2008 09:46 AM

[QUOTE=hn_kamal;337075]- وفيه حاجة تانية مهمة جدا ان الموتور جديد والفتيس MMT استهلاكه للبنزين أوفر -
ولزيادة التوضيح والتاكيد ممكن تفتح الينك ده بتاع ملاك التويوتا فى اوروبا وهى هناك اسمها AURIS مش Corolla
http://toyotaownersclub.com/forums/i...howtopic=83287

**mexmarine** · 25-07-2008 10:27 PM

يا جماعه العربيه كويسه جدا و من تجربه لى اخدتها من الاسكندريه لمطروح و قعدت بها هناك 5 ايام ووصلت بها لسرعة 180 كيلو من غير اى تعويم و ثبات.. روعه فى الملفات بسرعه عاليه و سحبها بعد الـ 100 كيلو عالى جدا (فى وجود 5 ركاب) هايل طبعا .
تكييف تلاجه من الوضع تلاته تسمع الصوت القوى و يكفى على وضع 2 فى وجود الخمسة ركاب لتكييف العربيه .
شنطة العربيه تفتح و تغلق بدون اى مشاكل .. تقفيل رائع .. sound system قوى جدا
مشكلة الفتيس بسيطه ولو انى واجهت فى الاول مشكله تراكم السيارات خلفى داخل المدينه و لكن بعد ذلك كنت أحول لليدوى و بعد ما العربيه تشد احول للاتوماتيك تانى

العربيه فى مجملها رائعه و اتمنى اقتنائها فى المستقبل سواء مانيوال او اتوماتيك

العربيه مش اخرها الـ 180 لأ دى كانت مرتاحه على السرعه دى بس انا خفت اذود اكتر لان استجابتها كانت عاليه جدا

**abuanas** · 26-07-2008 06:56 PM

المشاركة الأصلية كتبت بواسطة mexmarine

يا جماعه العربيه كويسه جدا و من تجربه لى اخدتها من الاسكندريه لمطروح و قعدت بها هناك 5 ايام ووصلت بها لسرعة 180 كيلو من غير اى تعويم و ثبات.. روعه فى الملفات بسرعه عاليه و سحبها بعد الـ 100 كيلو عالى جدا (فى وجود 5 ركاب) هايل طبعا .
تكييف تلاجه من الوضع تلاته تسمع الصوت القوى و يكفى على وضع 2 فى وجود الخمسة ركاب لتكييف العربيه .
شنطة العربيه تفتح و تغلق بدون اى مشاكل .. تقفيل رائع .. sound system قوى جدا
مشكلة الفتيس بسيطه ولو انى واجهت فى الاول مشكله تراكم السيارات خلفى داخل المدينه و لكن بعد ذلك كنت أحول لليدوى و بعد ما العربيه تشد احول للاتوماتيك تانى

العربيه فى مجملها رائعه و اتمنى اقتنائها فى المستقبل سواء مانيوال او اتوماتيك

العربيه مش اخرها الـ 180 لأ دى كانت مرتاحه على السرعه دى بس انا خفت اذود اكتر لان استجابتها كانت عاليه جدا

+1000000000000000000000000000000