ضرورى مشكله نقص الميه

**f0lf0l** · 12-07-2014 04:25 PM

السلام عليكم

اولا كل سنه وانتم طيبين بمناسبه رمضان وربنا يتقبل منا ومنكم صالح الأعمال

كان عندى استفسار ضرورى انا عندى الميه بتنقص فى القربه بشكل غير طبيعى

علما ان كان فيه تسريب وصلحته وبرضه بتنقص مع كل مشوار حتى لو المشوار ده 10 كيلو بس !!

قلت يمكن عشان انا بحط مايه عاديه وبتتبخر بسرعه حطيت مايه خضرا 40% سعودى وبرضه

مفيش فايده انا المشكله عندى مش فى الحراره لان المروحه شغاله تمام المشكله

انى هضطر كل اما اروح مشوار انزل ابص ع القربه وازودها عشان الحراره مترفعش منى

مستنى ارائكم فى المشكله دى ..

**MoustafaElfaek** · 12-07-2014 04:30 PM

المشاركة الأصلية كتبت بواسطة f0lf0l

السلام عليكم

اولا كل سنه وانتم طيبين بمناسبه رمضان وربنا يتقبل منا ومنكم صالح الأعمال

كان عندى استفسار ضرورى انا عندى الميه بتنقص فى القربه بشكل غير طبيعى

علما ان كان فيه تسريب وصلحته وبرضه بتنقص مع كل مشوار حتى لو المشوار ده 10 كيلو بس !!

قلت يمكن عشان انا بحط مايه عاديه وبتتبخر بسرعه حطيت مايه خضرا 40% سعودى وبرضه

مفيش فايده انا المشكله عندى مش فى الحراره لان المروحه شغاله تمام المشكله

انى هضطر كل اما اروح مشوار انزل ابص ع القربه وازودها عشان الحراره مترفعش منى

مستنى ارائكم فى المشكله دى ..

حجم النقص قد ايه؟

**f0lf0l** · 12-07-2014 04:53 PM

المشاركة الأصلية كتبت بواسطة moustafaelfaek

حجم النقص قد ايه؟

كتير ممكن نص القربه وممكن كلها الاقى فى اخرها شويه صغيرين كده

**f0lf0l** · 12-07-2014 04:55 PM

بجد انا هتجنن ومش لاقى سبب خالص لان مفيش اى تسريب دلوقتى
ممكن يكون الريداتير مخروم ؟؟؟؟؟

**sakr_skoda** · 12-07-2014 07:28 PM

وعليكم السلام ورحمة الله وبركاته

واضح ان فى عندك تسريب مية من دورة التبريد ودى احملات تكون من الاتى :

الخراطيم جميعا

كوعة المية

الريداتير

القربة

غطاء القربة

وعلشان نقدر نحدد عاوزك تفتح الكبود وتدور العربية وترفع عدد لفات الوتور من الاكسرتير وانتا بترفع بص على كل الحجات اللى انا قلت عليها اكيد حتلاقى فى صاروخ مية خارج من اى مكان وفى الغالب حتكون القربة الملعونة ممكن تكون مشرخة شرخ خفى مبيظهرش الا مع سخونة المية وارتفاع الضغط فى دورة البريد فان عاوزك بعد ما ترجع من المشوار والعربية سخنة تعمل الموضوع اللى انا شرحتهولك دا***

**المنسي** · 13-07-2014 11:06 AM

الاخوة الزملاء ردو على سيادتك ردود وافية فحضرتك تابع زى ماهم وضحوا ليك وان شاء الله توصل لمكان التسريب
تقبل تحياتى

**sakr_skoda** · 13-07-2014 07:37 PM

المشاركة الأصلية كتبت بواسطة f0lf0l

شكرا جزيلا يا رجاله بس ازاى ارفع لفات الموتور
من الاكسرتير يا استاذ صقر معلش تاعبكم معايا

اتفضل ياسيدى دى صورة واضح فيها زراع الاكسرتير اللى بنرفع بيها عدد لفات الموتور بتزويد البنزين فيه ناس بتقول اجزب واير البنزين بس دا انا محبذهوش لأن ممكن يعمل مشكلة فى الواير وممكن كمان تزود بنزين بانك من عند نهاية الواير بتلف القطعة النصف دائرة بتزود البنزين بس برضو دى على اقصى الشمال فممكن يصعب عليك ترقب دورة المياة اما المكان الوضح بسور دا بتكون واقف امام السيارة فى المنتصف وبكد تقدر تراقب دورة التبريد اثناء رفع لفات الموتور بتزويد البنزين**