انا واجهنى نفس الموضوع كنا بنكشف على ضغط الفريون فعلق البلف وخرج زيت كتير من الدورة
مش حاتلاقى غير 3 انواع
الاول معدنى انتاج التعاون للبترول جركن تقريبا 1 لتر تمنه حوالى 20 جنيه اوعى تجيبه ده بتاع التلاجات مش تكييف العربيه
الثانى معدنى عبوة نص لتر تمنها حوالى 20 جنيه انتاج اخوان رزق ده مش للتكيفات 134 وانما للتكيفات 12
الثالث تخليقى اسمه بوليول ايستر هو ده الصالح لمكيف السيارة 134 انتاج اخوان رزق عبوة نص لتر تمنها 55 جنيه
هو ده انسب حاجه موجوده فى مصر و التوكيلات و الورش المحترمه بس هى اللى بتشتغل بيه متوافق مع pag 46 وpag 150 وpag 100 و sp20
استخدامك لنوع غيره يعنى دمار على المدى البعيد للكمبريسور وسدد فى الدورة
انت مش حاتحتاج اكتر من 150 - 200 مللى من العبوة ده لو انت مفضى الدورة كلها من الزيت ومغير كمبريسور
فى العادى كفاية جدا 100 مللى لو ماكنتش بتغير الكمبريسور
طبعا لازم تفضى شحنة الفريون الاول علشان تضيف الزيت وده بيتعمل مع عمل فاكيوم للدورة
ولو حبيت نتشارك فى علبة مناصفة
مكان البيع نجيب الريحانى اخوان رزق
ومرفق صورة للمنتج
:::::RIZK BROTHERS::::
المفضلات