كورولا 2015 انطباع سريع

**mahmoud bakr** · 15-07-2014 02:57 AM

بسم الله والصلاة والسلام على اشرف الانبياء والمرسلين سيدنا محمد وعلى اله وصحبه اجمعين اما بعد
كل سنة وحضرتكم طيبين بشهر رمضان الكريم اعاده الله عليكم بالخير والبركة
ماذا اقول واي شئ يقال بعد ما قيل وهل قول يقال مثل قولا قيل قبل ذاك انا مش هزود حجة خالص عن طبعا كلام الاعضاء المخترمة في تقريراتهم عن الكورولا .
استلمت العربية الحمد لله امبارح الاحد من المعرض لون فبراني الفئة الفل اوبشن
الشكل الخارجي للعربية جميل جدا من الامام تشعر بشراسة مقدمة السيارة مع الليدات تحس كده انها النمر الاسود بس من الخلف حلو بس كان ممكن يكون فيه احسن من كده ويضعوا ليدات في الخلف
نيجي بقى للشكل الداخلي اكثر من رائع مع الأضاءة الزرقاء في الكاسيت والعدادات مع الطارة حاجة فخيمة بس زراير المالتي ناشفة شوية والاضواء اللي في مقصورة السيارة كتير
التكيف بسم الله ما شاء الله تلاجة بمعني الكلمة ومأسرش خالص على سحب العربية وماتور العربية هادي والعزل حلو جدا والفتيس سلس والتبترونك ده اكثر من رائع
انا لحد دلوقتي معدتش ال 80 ولسة مجربتش ال زرار السبورت العربية من الخارج يبدوا عليها انها عليت وتم تجربتها في جميع المطبات ونجحت بامتياز بس كنت انا واخويا بس في العربية
كان نفسي يكون في العربية ديه شيفتات في الطارة زي الياريس عيب كده
وبردوا مساحات للزجاج الخلفي
ملاحظات
1-انا عملت الظغط على 32 وبحس بكل نقرة في الشارع زي شخللة كده مش عارف ده عيب ايه بقى ممكن تكون محتاجة تربيط عفشة ولا حضرتكم ايه رائيكم
2- الفرامل بتك تكة بسيطة كده بحس كأني مدوستش فبزود شويه الاقي العربية كلبشت جامد في الارض ممكن اكون عشان متعود علي فرامل الماتركس
متأسف على التقرير السريع والممل ده ان شاء الله هعملكم تقرير احسن من كده بالصور بس لما انا وهي ناخد شوية على بعض