قطع غيار كورولا 2007 بين الجديد والاستيراد

**ghostmido** · 15-07-2014 02:30 AM

السلام عليكم يا شباب.
انا كنت عايز اعمل شوية شغل فى عربية كورولا 2007 و محتار مش عارف اشترى جديد ولا استيراد .قولت اشارككم واعرف من الناس اللى عملت الشغل ده قبل كده.
انا عندى السحب بقى اضعف من الاول والعربية بترجرج فى الطلعة تقريبا كده ديسك واسطوانة.
انا سالت على الجديد الكورى عامل 360 جنيه (ديسك واسطوانة كورى وبلية يابانى)
والطقم اليابانى كله عامل 550 جنيه(ديسك واسطوانة وبلية يابانى)
كمان عايز اغير مساعدين لقيتهم عاملين 850 جنيه (يابانى)
وعندى كوبلن عايز يتغير لقيت الجوز اليابانى عاملين 600 جنيه وفى نوع تانى عاملين 250 جنيه مش عارف ده كورى ولا صينى.
وجلب المقص الصينى عاملين 50 جنيه.
ياريت لو حد غير الحاجات دى جديدة او استيراد يتكرم بالافادة.
وياريت برده اسعار الفوانيس الخلفية والامامية والاكصدامين.

**blazer** · 15-07-2014 04:18 AM

انصحك اوعى تشترى غير الاصلى

خصوصا فى طقم الدبرياج لان دا من القطع المعمره فى العربيه ومش كل يوم هتغيره
وكمان جلب المقصات جيب نوع كويس عشان بتفرق جدا فى ثبات العربيه ولو نوع الجلب وحشه ممكن زوايا العربيه مش تتزبط