سؤال بخصوص تعديل ارتفاع الكورولا 2014

**maxidizer** · 19-07-2014 03:29 PM

بسم الله الرحمن الرحيم

يا جماعة انا متضايق جدا وقلقان جدا ومش متفائل نهائى

كلنا عشنا مع بعض مأساة التأخير فى استلام العربية، لدرجة اننا حفظنا بعض من تكرار اسئلتنا ومتابعتنا للاخبار وكثرة اتصالنا بالتوكيل علشان نعرف ميعاد الاستلام امتى....

نفس الاحساس ده انا بحس بيه دالوقتى مع انتظارى لتعديل ارتقاع العربية... لكن مع الفارق انى قبل ما نستلم العربية كان عندى يقين بنسبة عالية جدا ان اللى حجز الاول هايستلم الاول
لكن دالوقتى انا عندى شك عالى جدا جدا ان موضوع تعديل الارتفاع ماشي بالوسايط وبالمعارف، لدرجة انى حاسس انهم هايخلصوا الكمية اللى موجودة من قطع الغيار المستخدمة فى التعديل بدون ما يبعتولى !!

وانا بعمل صيانة الالف طلبت من مهندس الاستقبال انى اكتب شكوى فى ارتقاع العربية وقال لى مالهش لازمة احنا كده كده هانعدل لكم الارتفاع ان شاء الله بعد موافقة شركة تويوتا العالمية، ولو التعديل جه هايبقى على كل الناس ولو مجاش يبقى الشكوى هاتعمل ايه ؟؟؟... لانى كنت متوتر بنسبة - اول عربية زيرو لى واول تعامل مع توكيل فى صيانة دورية وغيره... - .. سمعت الكلام وسكت ،،، وبعد ما الكلام كتر على المنتدى هنا فى موضوع الشكاوى علشان تعديل الارتفاع تانى ،، وانا بعمل صيانة ال 5000 كم طلبت تانى انى اعمل شكوى... وبكل زوق وتثبيت قال لى مهندس الاستقبال ان الشكوى مش هاتعمل حاجة لاننا بنعمل التعديل حسب السيريال نامبر بتاع بيع العربيات للزبائن.. يعنى اللى استلم قبلك هايعدل قبلك والشكوى مش هاتفرق فى تقديم او تأخير الميعاد !!! وكالعاااااااااااااااااااا اااادة سكت وماعملتش شكوى....

وتغيبت فترة طويلة لاسباب شخصية عن المنتدى وانقطعت عنى تماما اخبار تويوتا... وبعد ما رجعت اتفاجئت بمفاجئة سارة ان تم التعديل بالفعل .... ولكن ظلت المفاجئة لما عرفت ان احد اعضاء المنتدى المتميزين أكرمه الله بالتعديل - ربنا يبارك له فى عربيته ويحفظها له - وكان مستلم معايا العربية فى نفس الاسبوع .. وفهمت انى لازم اتصل بالتوكيل احجز ميعاد ... وبالفعل عملت كده.... ومرت اسابيع والى الان لم يتحدث معى احد من التوكيل !! وحتى عند اتصالى بيهم كان رد خدمة العملاء غير مقنع بالنسبة لى... فلم يسألونى عن اى شئ خاص بالعربية كعادة التوكيل... فقط اسمى ورقم موبيلى !

من الاخر يا جماعة وبدون تحيز ولا مجاملة ولا ردود دبلوماسية ولا مسكنات.... التعديل ماشى بالواسطة ؟

**bassem.naguib** · 19-07-2014 05:04 PM

اتصل بالرقم المختصر كتير (16550) كل يوم أو مرتين في اليوم .. وأعمل ليهم قلق ووجع دماغ لغاية ما يقولولك تعالى .. وقولهم أعرف ناس استلمت بعدي وعدلت .. وعلي من نبره كلامك في أن العربية كدة بقى المشي بيها مستحيل في المنطقة اللي أنت عايش فيها وووو إلخ .. وربنا يتملك موضوع التعديل على خير إن شاء الله .

**abofandy** · 19-07-2014 09:21 PM

اه بالواسطه والكوسة والمهلبية

وهو دة حال البلد بتاعتنا وعمر ما حالها هيتصلح طالما احنا كدة
وانا زى ما قولتلك قبل كدة الى له ظهر فى التوكيل بيعمل الى هو عايزة

ربنا معاك ويوفقك
ومتابع معاك ع الخاص

**abofandy** · 20-07-2014 05:15 AM

انا عامل التعديل فى فرع التجمع الخامس
والاستاذ باسم نجيب عامل التعديل فى التجمع الخامس

**saikoproff** · 21-07-2014 05:26 AM

المشاركة الأصلية كتبت بواسطة abofandy

انا عامل التعديل فى فرع التجمع الخامس
والاستاذ باسم نجيب عامل التعديل فى التجمع الخامس

اسف يا دكتور انا ماخدتش بالى. يبقى انا اللى مش متابع كويس

و معلش يا جماعة اعذرونى لو فى مشاركتى اى اساءة او لهجة مش كويسة انا بس اكيد كلكم عارفين احساس العربية لما تحك فى مطب رخم و لا لما الواحد يتجنب يركب ناس معاه عشان العربية ما تهبطش.

و السلام عليكم و رحمة الله و بركاته.

**maxidizer** · 21-07-2014 06:41 PM

المشاركة الأصلية كتبت بواسطة bassem.naguib

اتصل بالرقم المختصر كتير (16550) كل يوم أو مرتين في اليوم .. وأعمل ليهم قلق ووجع دماغ لغاية ما يقولولك تعالى .. وقولهم أعرف ناس استلمت بعدي وعدلت .. وعلي من نبره كلامك في أن العربية كدة بقى المشي بيها مستحيل في المنطقة اللي أنت عايش فيها وووو إلخ .. وربنا يتملك موضوع التعديل على خير إن شاء الله .

Already Done ya kabeer.

**maxidizer** · 21-07-2014 06:43 PM

المشاركة الأصلية كتبت بواسطة abofandy

اه بالواسطه والكوسة والمهلبية

وهو دة حال البلد بتاعتنا وعمر ما حالها هيتصلح طالما احنا كدة
وانا زى ما قولتلك قبل كدة الى له ظهر فى التوكيل بيعمل الى هو عايزة

ربنا معاك ويوفقك
ومتابع معاك ع الخاص

جارى البحث عن ظهر فى التوكيل يا دكتور والله المستعان.

الموضوع: سؤال بخصوص تعديل ارتفاع الكورولا 2014

LinkBack

أدوات الموضوع

عرض

سؤال بخصوص تعديل ارتفاع الكورولا 2014 - انشر الموضوع فى :

-

-

-

-

-

المواضيع المتشابهه

خشونة في البيرسونا واضحة

ارجو إجابة واضحة و صريحة

ًصعوبه الرؤيا الخلفيه والجانبيه فى الالتو

الكلمات الدلالية لهذا الموضوع

المفضلات

المفضلات

ضوابط المشاركة