كورولا 2010 أدفانسد

**Ahmedology** · 25-07-2014 04:51 PM

السلام عليكم..

بقالي فترة كبيرة بدور على تويوتا كورولا 2010 أوتوماتيك جنوب أفريقي أدفانسد (اللي فيها عدادات أوبتيترون)، ومش لاقي..!

العربية دي كانت عند أخويا وللأسف اتعرضنا لأزمة مالية واضطر يبيعها السنة اللي فاتت، وده سبب تمسكي بالموديل ده، لأني عارف إمكانياته كويس أوي وعارف إنها عربية فيها كل حاجة وبلا مشاكل تقريبا..!

بس الغريب فعلاً إني مش لاقي أي حد بيبيعها خالص، وكمان دورت في كذا معرض وكله بيقولي مفيش بس أشوفلك.. ونزلت السوق النهاردة بلا أي فائدة تذكر..!

كل الموجود خليجي (موتور أضعف، ومفهوش الأوبشنز بتاعة الجنوب أفريقي الأدفانسد)، وكمان أسعار مبالغ فيها وصلت في بعض الأحيان لـ 150 ألف جنيه

حد يقدر يساعدني..؟!

**وائل محمد نبيل** · 25-07-2014 06:52 PM

الخليجى برقبتها حتى لو اوبشن اقل وموتور اضعف

**kokowasfy** · 25-07-2014 06:56 PM

دى ثقافة شعب ان التويوتا فى سكرة فا فى اقبال عالى و ناس اشترت باسعار عالية اوى عشان كدا الناس بقت تعرض باسعار اكتر من ما كانت زيرو !!!!!!!! دا مافيش بلد فى العالم بتعمل كدا !!!!!

**mido_soliman** · 26-07-2014 04:56 AM

المشاركة الأصلية كتبت بواسطة وائل محمد نبيل

الخليجى برقبتها حتى لو اوبشن اقل وموتور اضعف

**Fady.magdy** · 26-07-2014 08:32 AM

انا معروض عليا ٢٠١٠ a افريفي مش عارف ادفان ولا لا
.. انا خايف من جيربوكس mmt عندك فكرة ده كزيس ولا لا

**Ahmedology** · 26-07-2014 03:18 PM

المشاركة الأصلية كتبت بواسطة وائل محمد نبيل

الخليجى برقبتها حتى لو اوبشن اقل وموتور اضعف

رأيك يحترم يا أ/وائل مع إختلافي معه بالكلية :)

**Ahmedology** · 26-07-2014 03:36 PM

المشاركة الأصلية كتبت بواسطة Fady.magdy

انا معروض عليا ٢٠١٠ a افريفي مش عارف ادفان ولا لا
.. انا خايف من جيربوكس mmt عندك فكرة ده كزيس ولا لا

حضرتك لو موديل 2010 تبقى مستحيل تكون إم إم تي.. عشان السنة دي الكورولا نزلت فيها بجير أوتوماتيك عادي سواء الجنوب أفريقي أو الياباني (الخليجي)..

بس طبعا زي ما قلت الجنوب أفريقي ليها الأفضلية من حيث الموتور الأقوى بحوالي 20 حصان وحزمة الأوبشنز بنت اللذينة اللي بتنزل معاها.. سنسورات وبخاخات وتكييف تاتش وعدادات رياضية و و و و.. وتبص على الخليجي تلاقيهم فرحانين بحتة تابلوه أبانوس مش متناسق أساسا مع بقيت الإنتريور ويقولك هاي لاين..!

تقدر تفرق اللي معروضة عليك برو (بيزلاين) وللا أدفانسد (هايلاين) من التكييف، بكر في البرو.. تاتش في الأدفانسد.. والعدادات، عادية في البرو.. أوبتيترون في الأدفانسد.. ودي صورتها:

**Ahmedology** · 26-07-2014 03:40 PM

المشاركة الأصلية كتبت بواسطة mido_soliman

هههههههههههههههههه.. معاك حق.. ده بالظبط أول انطباع جالي لما قريت الرد ده :)

**وائل محمد نبيل** · 27-07-2014 01:46 PM

المشاركة الأصلية كتبت بواسطة mido_soliman

اعتقد انى لما قلت رائي كنت باقول نصيحه لازلت شايفها ولازالت مقتنع بيها انها لوجه الله اولا وثانيا انها الصحيحه ويكفى سبب واحد لكده حضرتك يا استاذ ميدو انت والاستاذ احمد مش عارف بقيه الاسم ايه ان حضرتك لو من ملاك العربيه دة ورحت تشترى ليها اى قطعه غيار من الحرفيين هايردوا عليك ويقوللك على سبيل المثال ان بودى العربيه الجنوب والخليجى شكل واحد لكن ابعاد مختلفه تماما فمالهاش اى قطع غيار نهائى وسبب اخر ان العربيه ده اعاده بيعها بمجرد انك تقول انها جنوب زى الزفت حتى لو الفيتيس مش ام ام تى ودة حاجه مهمه جدا فى التويوتا لان من سمات تويوتا الرئيسيه سرعه اعاده بيعها فا الموديل الجنوب عموما موديل فكسان اما بالنسبه لموضوع الكومنت بتاعكو فردى عليه اللهم ما انى صايم واعتقد انه يرجع فى الاساس لخلل فى طريقة التربيه

**Ahmedology** · 27-07-2014 08:09 PM

أعصابك يا فندم، الموضوع مش مستاهل.. وأظن كتبت لحضرتك فوق رأيك يحترم.. فمفيش أي داعي للغلط وذكر التربية وكدة.. على العموم شكرا جزيلا على مشاركتك وكل سنة وإنت طيب :)