الموضوع: إحترت فى فتيس الياريس ال1500 " مش فاهمنى"!!!

اوتوماتك ولا عادى

اعمل الاتى لو عايز تنهى المشكلة
اولا اخر غيار لزيت الفتيس

حط منظف انجكشن
وحط منظف ووقود ولو البوجيهات مغيرتاهاش فى معادها غيرها

اسباب عدم السحب :.
1 طرمبة البنزين فيها رواسب او المصفى اللى فى التانك تكون اتسدت

2 فلترالبنزين

3- دورة الوقود عايزا تتنظف

4البوجيهات ليها قترة متغيرتش

[quote=عبدالله برعى;3875672878]اعمل الاتى لو عايز تنهى المشكلة
اولا اخر غيار لزيت الفتيس

حط منظف انجكشن
وحط منظف ووقود ولو البوجيهات مغيرتاهاش فى معادها غيرها

اسباب عدم السحب :.
1 طرمبة البنزين فيها رواسب او المصفى اللى فى التانك تكون اتسدت

2 فلترالبنزين

3- دورة الوقود عايزا تتنظف

4البوجيهات ليها قترة متغيرتش[/

عربيتو 2015 اية اللي بتقولو دة بص في البروفايل بتاعو

السادة الافاضل واضح ان الصيام مأثر جامد ....ههههههههه
عموما شكرا على الردود و محاولة المساعدة .. بس لو نقرا الكلام هانجاوب صح و حضراتكم أكيد خبراتكم اكتر منى

انا كاتب الياريس ال1500 يعنى العربية زيرو !!!
هوة كان بينزل 1500 فى الموديلات القديمة ؟؟ انا ماعنديش فكرة و بالتالى مش هافتى
و الفتيس الاوتو طبعا لانى بقول لحضراتكم بدوس بنزين و الدوسة خفيفة و بيسحب مع نفسه و هوة اللى سايق و كل الكلام ده ما أعتقدش انه ينطبق على المانوال

ممكن حد يفيدنى و العربية عاملة الى الان 600 كم

و شكرا مرة اخرى لسرعتكم فى محاولة المساعدة

هو كده الفتيس بيهزر شوف اقرب ميعاد صيانة امتى لو على 1000 يبقى جميل روحلهم ومتمشيش غير لما يحطوا العربية على الجهاز ويشوفوا الدنيا فيها ايه ومتعملش حاجة فى العربية بره مدام انت فى الضمان

كلامك دا.. له علاقة بشكوي البعض من فتيس الياريس عموما..؟؟

انا لردو تقريبا عامل بعربيتي حوالي 600 ك.. لكن انا مش ملاحظ تغيير ف أداء الفتيس.. بس عامة وجب التنويه إنك عندك 3 أوضاع للـ D و هم L & 2 & 3

و رقم 3 نفسه ف وضعين.. وضع يمين Eco mode و وضع شمال و دا وضع القيادة العادية..

كل وضع من دول بيختلف ف سحب العربية و السرعة القصوى اللي توصل بالعربية بيه و حتى كمان صوت الماتور بيختلف من وضع للتانى..

لكن باختصار.. D3 من غير الـ Eco mode أفضل وضع للقيادة العادية و التسارع بشكل انسيابي و أفضل خرج للموتور و خاصة إن وضع L & 2 ماينفعش أساسا تحاول تمشي بيهم علي سرعات عالية لأن صوت المتور هيعلي أوي و مش هتوصل لسرعة كبيرة و هتجهد الموتور ع الفاضي..

أنا متابع لمشكلة سيادتك و يا ريت تتابع معانا عملت أيه.....