الموضوع: إحترت فى فتيس الياريس ال1500 " مش فاهمنى"!!!

http://www.nilemotors.net/Nile/209530-a.html

دا موضوع من المنتدى عن فرامل المحرك.. انا مش هعملها غالبا.. لكن بيثبت كلامى إنك المفروض تبقي علي وضع D مش علي L أو 2 أو 3 هذا و الله أعلم :)

أولا شكرا على التوضيح و المعلومات القيمة
لكن أعتقد حضرتك تقصد العكس بالنسبة للD و ال3 زى ما فى الصور من المانوال كده





اليمين لل D و الشمال يبقى على ال 3

بالنسبة لصيانة الألف انا من الاسكندرية و قدامى إختيارين كلاهما مر زى ما بيقولوا

الاول انى اروح مركز الرزق - ده اللى انا شارى منه - و ناس كتير اشتكت ده غير انى مش بثق فيهم بعد تجربة الشراء و المماطلة و الفلوس اللى إضربت منى من غير ما أعرف - زبون غشيم-
و ماحدش بيتعلم بالساهل

الثانى إنى أروح التوكيل فى محرم بك و زى ما الاستاذ العزيز الوشاحى حاكلنا عن التجربة اللى مر بيها هناك

لكن ماعنديش إختيارات تانية و ربنا يستر

بالنسبة لوضع الECO إزاى أقدر الغيه علشان أجرب الفرق ؟

العربيه ع ال d بتبقى شغاله ع ال eco mode. لو ضغط بنزين جامد بيفصل و تلاقى ال rpm على و صوت الموتور طبعا هيعلي جامد . ال eco بيخلي تسارع العربيه بطئ حبه بس بيوفر في البنزين.

أيمن باشا اعذرني.. انا داخل مخصوص عشان اقولك اني فعلا اتلخبط ف ال D و 3
و فعلا D هي اللي على اليمين..
بخصوص ال Economic المفروض الزوار اللي ع اليمين اللي بتغير المود بتاع العداء هو اللي بيتكلم ف النقطة دي... هجربها النهاردة و اقولك

موقف كوميدي جدا.. عمال سايق العربية على 3 طول الوقت دا و أقول يا ربي مال صوت الموتور عالي ليه كده.. و سحب العربية مش قد كده ليه.. يمكن عشان بتلين.. ههههههههه صحيح انا بجد محتاج علاج للتركيز.. فيه حاجات بتحصل كتير مابنتبهش ليها.. انا قولت اجرب النهاردة السياقة على اليمين لقيت فرق شاسع ف السحب و غيار الفتيس بقي ييجي أسرع و الفرامل حتى بقت أقوى.. مع أن المفروض أن الوضع 3 فيه فرامل محرك يعني العربية سهل تقف.. الحمد لله

يا باشا ولا يهمك المهم ان المعلومة توصل صح و الكل يستفيد

معايا ياريس 2014 1300سى سى وزى متكون بتتكلم على عربيتى نفس المشكلة
بس تقريبا المشكلة ان العربية بالنهار مع الحر صوت الماتور بيعلى والسحب بيقل
بالعكس بالليل العربية بتسحب والماتور صوتوا بيبقى هادى وفى التوكيل فى صيانة 5000ك
قولتلهم على الكلام ده وبعد الصيانة يقولى العربية مفيهاش حاجه وكله تمام وغير فلتر الزيت
و الزيت بس حسيت انهم ظبطوا الموضوع بس بعد الصيانة بيومين لقيت الموضوع بيرجع زى ماكان
نفس المشكلة بالنهار سحب ضعيف وصوت الماتور بيعلى معايا ولازم ادوس بنزين اكتر
بس مش عارف ازاى ال1500 فيها نفس المشكلة اللى عندى واكيد العربية لما بتسخن مع الحر
هو ده اللى بيعمل المشكلة دى وياريت تقولى لما توصل لحل عشان انا اتخنقت من العربية !!!!

عن تجربة 5 شهور لياريس 1300 وسفر رايح جاى مع الحمولة الكاملة وتشغيل تكيييف فى كافة الظروف ابتدى اقول راى بأذن الله فى العربية .
1- الماتور : 1300cc متوسط الاداء خاصة مع التكييف و الركاب صوتة بيعلى وسحب بيقل مع الحر يعنى 1500cc احسن كتيررر على الياريس.
2- الفتيس : جيد جدا مفيش فى اى مشكلة مع النقلات بس الوضع D ونظام Eco بياثر على السحب
اما التبترونك بيحسن السحب وبيفصل نظام Eco بفرق واضح على وضع 2 و 3 بحس بفرق سحب جامد
انا بقيت احب الجرى وتسقيط الغيار بتحس العربية بتفوق وبتجرى .
3-التكييف : جيد جدا وتاثيرة على السحب قليل بس مع الوزن و السفر سحب ضعيف من 0 لسرعة 60
تقييمى للياريس 1300cc عربية جيدة مع اداء متوسط .

ياريت اعرف منكم اداء ال 1500cc عامل اية معاكم ..........................................