ازى اظبط tps للانشيا ديدرا

**M_OSMAN88** · 21-07-2014 04:29 PM

مبدئيا هنتكلم على ال TPS

فى الصورة دى باين فيها الهاف انجيكشن كامل وهو من نوع
Weber-Marelli. Centrajet 2 SPI MIWOL 2.
أحادى الحقن يعنى فية رشاش واحد فقط يغذى الأربع سلندرات
TPS مقياس موضع فتحة البوابة وعلى اساسة الكمبيوتر هيحلل باقى البيانات من الحساسات التانية ويبدء يضخ وقود .

بالنسبة لحساس الديدرا بيبقى مربوط بمسمارين وفية مسار انة يتحرك بس لازم يتظبط عند وضع معين وهو دة افضل داء للمحرك ويكون الخليط متناسب يعنى كمية الهواء مقابل كمية البنزين مظبوطة
الحساس فية 3 سلوك كما بالصورة المفروض فى حاله الأيديل يكون خرج الحساس 500 ملى فولت .
علشان تقيس الخرج هيبقة مابين 1 و3 بس هقيس ازى والفيشة راكبة فى الحساس بص يا سيدى بتجيب دبوسين بتوع التحجيبة وتدخلهم فى السلكين علشان متعريش السلك وبعدين ممكن يبفى عرضة انة يتقطع تحط طرف الفوميتر على اطراف الدبوسين على وضع mvDC وقبل ما تدور العربية هتهوى مسمارين الحساس وتجيبة على اقصى حركة عكس عقارب الساعة وتدور العربية وتبداء تلف الحساس بشويش مع عقارب الساعة لحد ما قراءة الأفوميتر توصل ل500 ملى فولت وتبقة فى الحالة دى عند احسن اداء للموتور .
ويارب اكون افدتكم

**mr.moustafa** · 21-07-2014 05:48 PM

مشكوووووور والله يعطيك الف عافيه

**khaled_k21** · 22-07-2014 08:04 AM

مشكور يا باشا علي المجهود

و نتمني ان ترفع لنا السيرفيس مانيوال لو امكن

**eng_volto** · 30-07-2014 09:13 PM

جزاك الله خيراا
ممكن ترفع السيرفيس مانيوال

**M_OSMAN88** · 01-08-2014 11:26 AM

المشكلة فى رفع المانيوال ان سيرفر المنتدى مبيرفعش ملفات pdf ودى صور اخدتها برينت سكرين علشان ارفعها صورة والمشكلة التانية ان حجم السيرفيس مانيوال حوالى 193 ميجا

**eng_volto** · 02-08-2014 10:32 AM

ممكن حضرتك ترفعه على اي موقع ابلود mediafire or rapidshare
وتنزل اللينك التحميل :)

**khaled_k21** · 03-08-2014 06:33 AM

الاخ الكريم / أ محمد

احب اضيف صوتي للاخ أ/ فولتو

ممكن حضرتك تجزأ الملف بالـ winrar او بالـ winzip ليكون حجم الملف 40 ميجا مثلا و يتم رفعهم علي احد المواقع كما اشار الاخ الكريم مثل :

megashare
ziddu
fileshare
4share

و هناك العشرات من هذة المواقع و التي تستطيع ان ترفع عليها ما تريد

و لك جزيل الشكر

**M_OSMAN88** · 03-08-2014 08:44 AM

المشاركة الأصلية كتبت بواسطة khaled_k21

الاخ الكريم / أ محمد

احب اضيف صوتي للاخ أ/ فولتو

ممكن حضرتك تجزأ الملف بالـ winrar او بالـ winzip ليكون حجم الملف 40 ميجا مثلا و يتم رفعهم علي احد المواقع كما اشار الاخ الكريم مثل :

Megashare
ziddu
fileshare
4share

و هناك العشرات من هذة المواقع و التي تستطيع ان ترفع عليها ما تريد

و لك جزيل الشكر

ان شاء الله هرفع المانيوال كلة بس انا عندى مشكلة فى الشغل ان فيه حماية على النت مش بيفتح مواقع الأبلود وفى البيت الكمبيوتر مش شغال فمكتفى بالنت على الموبيل بس ان شاء اللة انتظرو منى عن قريب المانيوال كامل