مسامير مفوتة في وش المكنة

**msaeedsoliman** · 22-07-2014 06:15 PM

السلام عليكم،
انا معايا فيفوريت 94. كنت عند الميكانيكي بغير جوان وش السلندر عشان الطحينة.
المهم لقينا مسمارين من اللي رابطن وش السلندر بالبلوكة مفوتين. الميكانيكي قال هيعماهم جاب نحاس و بعدين قال لازم اسقط المكنة عشان لازم الحم الجزء المكسور في مكان احد المسامير.
حد حصله المشكلة دي قبل كده و حلها ازاي.
رجاء المساعدة العاجلة.
شكرا.

**sakr_skoda** · 22-07-2014 07:27 PM

الله يكون فى عونك بجد مشكلة الميكانيكى حيسقط جلب نحاس ويلحمها فى البلوكة ويمشطها بسن ويربط المسمار بس دى عملية مسكنة اعمل حسابك على شورط بلوك وريح دماغك***

**sakr_skoda** · 25-07-2014 09:00 AM

المشاركة الأصلية كتبت بواسطة msaeedsoliman

تم عمل الاتي،
انزال الماكينة ثم لحامها لحام المونيوم بالليزر عند المخرطة بحيث امتلأ المكان المكسور بالامونيوم و تم ثقب مكان الخرم القديم بالعمق اللازم كالمسمار اللي جنبه. ثم عمل سن قلاووظ بالمقاس المطلوب اللي هو 12 و نصف علي ما اتذكر.
ثم تم تركيب الماكينة و الحمد لله الوش مسك في البلوكة و تم التربيط بالعزم المطلوب (50 نيوتن متر) و تم التجربة و الحمد لله مفيش طحينة. ارجو نصحي ما الذي يجب عمله بعد تغيير جوان وش السلندر.
شكرإ جزيلا استاذ صبحي.

ربنا يديم الاستقرار وسكون الحرارة اللى حضرتك تعملة خلى عينك على العدادات وبالاخص عداد الحرارة انا باقول العربية 40%موتور وصاج و 60%عدادات التى تنقل لنا حالة الموتور باستمرار ويجعلنا نتابع حلة الموتور واى تغيير يحدث يمكن تلافية قبل تفاكم المشكلة***

**sakr_skoda** · 25-07-2014 09:22 PM

المشاركة الأصلية كتبت بواسطة msaeedsoliman

هل يجب انزال الزيت و تفييره بعد مدة قصيرة من تغيير جوان وش السلندر و هل يجب اعادة التربيط عبي المسامير . و هل يؤثر جوان وش سلندر جديد علي ضبط التاكيهات.
انا ناوي احط ميه خضرة من االمركزة اللي يتتباع في علبة شبه الكانز مخخفة بمية تكييف . هل ده وضع كويس؟
اسف علي كثرة الاسئلة.

طبعا انتا بعد تغيير جوان الوش بتحط زيت ال1000 وبتنزلة بعد 500 كيلو وبعد كدا تحط الزيت اللى انتا عاوزة ونصيحة حط زيت كاسترول ال3000 ونزلة على 2500**

احذر موضوع التحريق على الوش دا ممكن يبهدل الجوان لانة بكدا بيبكى حمص واى حركة ممكن تقطعه فبلاش الافكار القدية الخاطئه***

طبعا لابد من اعادة ضبط التاكيهات بعد تغيير جوان الوش دا شيئ اساسى خلية يظبط التاكيهات على 0.25***

بلاش تحط مية خضراء بتركيز عالى ممكن تخففها بماء مقطر واو مية تكييف انا عنفسى بحط مية تكييف والحمد لله تمام الماء الملون المركز يحتوى على مركبات كيماوية ممكن تسبب اضرار لمتور السيارة ووصلات التبريد والريداتير خاصة وانها موديل قديم **

ايوه تمام مية تكييف وعلبة كانز امريكانى وإن شاء الله كلة حيبقى تمام***

**المنسي** · 29-07-2014 05:28 AM

لابد من التحريق على مسامير وش السلندر بعد اسبوع من التحرك بالعربية لمنع اى تسريب جديد
يفضل تحط مية توتال تركيز 33 لدورة التبريد
ظبط التاكيهات بعد التقريط على وش السلندر
تغيير الزيت
بالتوفيق وتقبل تحياتى