ماشي على 3 مسامير

**tawama** · 06-04-2010 12:57 PM

رحت عند بتاع الفرامل اغير تيل فرامل العجلتين الخلفيتين لانهم اتاكلوا وبعد ماغيرت التيل الراجل قالي امشي بيها اسبوع لغاية ماتطبع وتعالى نرجلشهم وفعلا روحتله ورجلشهم ومن بعدها لقيت الفرامل الحمد لله كويسة احسن من الاول بكتير لكن قالي فية مسمار حلق والعيب مش من المسمار ولكن من الصرة فقالي امشي بيها كدة على 3 مسامير ياما نغير الصرة لان الخراط هياخد 40 جنية ويمشط مكان المسمار وهتجيب مسمار جديد والصرة الجديد ب 65 جنية اية رايكم في الموضوع دة ؟ كمان انا سامع زي مايكون صوت حكة في العجلة الخلفية هل دة لية علاقة بالمسمار اللي ناقص
اسف اني طولت عليكم بس انا معلوماتي ضعيفة جدا في السيارات يدوب باسوق بالعافية واشكركم على مساعدتكم ومشورتكم

**samirayad** · 06-04-2010 01:12 PM

ماشي على 3 مسامير

من غير تفاصيل
خليهم أربعه بتغيير الصره بواحده جديده بدل من معالجة القديمه ( وده مش حيبقى معاك زى الجديد )

وجرب

**tawama** · 06-04-2010 01:18 PM

مش عارف اشكرك ازاي يابشمهندس ربنا يجازيك كل خير بس استفسار صغير فية مشكلة لوغيرت صرة واحدة والثانية القديمة موجودة ؟ ولا هما بيتباعوا الاثنين مع بعض ؟ وفية انواع منها ولا كلة زي بعض؟

**samirayad** · 06-04-2010 01:21 PM

عادى ياباشا

وطالما الصره بتاعة الفرده التانيه تمام ومساميرها مبتلقش وماسكه كويس فى الصره

يبقى نوكل على الله وغير البايظه دى فقط

وحتنتهى مشاكلك كلها إن شاء الله

والصرة الجديد ب 65 جنية

وكده السعر كويس أوى ورخيصه كمان

ربنا يخليلنا الدايو