تحذير .. سرقة السيارات من داخل باركينج كارفور الاسكندرية

**أيمن كور** · 07-08-2014 07:35 AM

السلام عليكم
السادة الافاضل
زى العنوان مابيقول بالظبط امبارح دهخل الباركينج بتاع كارفور سيتى سنتر اسكندرية كان فى محاولة لسرقة سيارتى عن طريق كسر زجاج الجانبى و لقيت ناس تانية فى نفس الباركينج بس بعيد عنى و برضه الزجاج الجانبى مكسور و محاولة سرقة السيارة

طلبنا مسئول الامن بتاع كارفور جه الباشا أسمه ( أحمد سرحان ) و قال انا مش مسئول عن العربيات اللى فى الباركينج الشرطة هية اللى بتأمن ؟؟؟؟؟
طيب فين الشرطة يا عم ؟؟ قال مافيش حد موجود طبعا خد اللى فيه النصيب بس كلام المهم من الاخر زى ما بيقولوا اضربوا دماغكم فى الحيط !!!!
المهم و احنا بنتكلم جه واحد بيقولنا ان عربيته حصل لها نفس الموضوع امبارح و مافيش فايدة
قولتله طيب مش فيه كاميرات مراقبة ما تشوفها .. قالى تجيب تصريح نيابة الاول

دخلت كارفور و عملت فضيحة و لا حياة لمن تنادى طلبت حد من الادارة مافيش حد حضر
شكلهم مطبخينها مع بعض و اللى بيسرق منهم
اتصلنا بالنجدة قالوا هايبعتوا حد من قسم محرم بك علشان يعاين الواقعة و يعمل محضر
ساعتين و نص و ما فيش حد جه و فى الاخر لقينا بوكس معدى المهم افتكرناه جاى لينا
روحتله لقيت عسكرى واقف بقوله انت معاك ظابط ؟
قاللى انا جاى مع ابن الباشا نائب المأمور علشان يغير الموبايل !!!!

الناس اللى واقفة و عربياتها اتكسرت ماكانوش من اسكندرية المهم بعد كل المحاولات دى و لا حد حضر و لا حد هايهتم
و بقينا نحذر العربيات اللى داخلة لقينا ناس داخلة بعربة بيقولوا احنا روحنا عملنا محضر علشان عربية زميلهم اتسرقت من كارفور لقينا اكتر من 150 محضر زى اللى بتقول عليه مابين كسر سيارة و سرقة سيارة و فى الاخر دفعوا 22 الف للناس اللى سرقوا العربية علشان ترجع

....... لا تعليق !!!!

**amr011111** · 07-08-2014 07:54 AM

لا تعليق فعلاً يعنى لو عينوا موظفين امن حراسه للباركينج هيخسروا ايه

**ahmedsehimy** · 07-08-2014 07:57 AM

حسبي الله و نعم الوكيل

**hany63** · 07-08-2014 08:45 AM

هوا الملاحظ من زمان انهم بينقوا العربيات اللي من القاهره او من خارج الاسكندريه عموما عشان يسرقوها و ده حصل معايا زمان لما كسروا القزاز و سرقوا الكاسيت و عملت محضر ولا الهوا طبعا
و من ساعتها لما اركن في اي حته هناك اغطي العربيه عشان النمره ما تبنش

**hesham fawzy h** · 07-08-2014 09:06 AM

ربنا يهديهم

**Mohamedjetta** · 07-08-2014 11:22 AM

حصل معايا اول امبارح في عربيتي الالنترا وانا برضو عايش في الاسكندريه
بس كسرولي الكالون بتاع الباب ودخلو العربيه بس مدرتش معاهم لان فيها امبلايزر
اللي خلاني اعرف غرضهم سرقه العربيه مش سرقه اغراض ... ان لما فتحوا العربيه مخدوش منها حاجه ومخدوش الفلاشه 16gb ولا aux ولا الكمبوريسور بتاع الكوتش
لاسف سمعت الانذار بتاع العربيه تحت البيت بس فكرت اني بحلم
ربنا يستر
علي فكره انا سمعت من واحد بتاع كوتش ان الحرامية دلوقت مش بتفرق معاهم امبلايزر وبقي بيعملو واصله تانيه عشان تدور العربيه
الحل كله يشتري كلبش

**أيمن كور** · 07-08-2014 10:08 PM

المشاركة الأصلية كتبت بواسطة amr011111

لا تعليق فعلاً يعنى لو عينوا موظفين امن حراسه للباركينج هيخسروا ايه

ما هى المصيبة إن فى أمن و موظفين أمن ده اللى خلانى اتجنيت عليهم اكتر و غير كده فى كاميرات مغطية المكان كله نعمل ايه تانى !!!

**S O P H O S** · 08-08-2014 01:24 AM

المشاركة الأصلية كتبت بواسطة mohamedjetta

حصل معايا اول امبارح في عربيتي الالنترا وانا برضو عايش في الاسكندريه
بس كسرولي الكالون بتاع الباب ودخلو العربيه بس مدرتش معاهم لان فيها امبلايزر
اللي خلاني اعرف غرضهم سرقه العربيه مش سرقه اغراض ... ان لما فتحوا العربيه مخدوش منها حاجه ومخدوش الفلاشه 16gb ولا aux ولا الكمبوريسور بتاع الكوتش
لاسف سمعت الانذار بتاع العربيه تحت البيت بس فكرت اني بحلم
ربنا يستر
علي فكره انا سمعت من واحد بتاع كوتش ان الحرامية دلوقت مش بتفرق معاهم امبلايزر وبقي بيعملو واصله تانيه عشان تدور العربيه
الحل كله يشتري كلبش

الحمد الله انهم معرفوش

**محمد يوسف** · 08-08-2014 01:46 AM

المشاركة الأصلية كتبت بواسطة mohamedjetta

الحل كله يشتري كلبش

بيفكوا الكاوتش المتكلبش وبيطلعوا الاستبن من الشنطة يركبوه مكانه

**Mostafa.Mahran** · 08-08-2014 05:07 AM

العربية لو نايم و واخدها فى حضنك ممكن تتسرق برضه ازاى معرفش

حسبى الله و نعمة الوكيل فى الى كان السبب و الى سايبهم يعملو فى الناس كده و يربولهم الرعب

الموضوع: تحذير .. سرقة السيارات من داخل باركينج كارفور الاسكندرية

LinkBack

أدوات الموضوع

عرض

-

-

-

المواضيع المتشابهه

تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)

تحذير :سرقة بالإكراه وتحرش داخل عربة السيدات بمترو الأنفاق(حدث وقد يتكرر بشدة)

عملية نصب جديدة من نوعها داخل كارفور

تحذير: خلي بالك رادار علي الدائري بعد كارفور المعادي

كارفور الاسكندرية و حديقة الحيوان

الكلمات الدلالية لهذا الموضوع

المفضلات

المفضلات

ضوابط المشاركة