تحذير .. سرقة السيارات من داخل باركينج كارفور الاسكندرية

**svneleven** · 08-08-2014 09:56 AM

المشكلة مش مشكلة كارفور ديه مشكلة الشرطة. كارفور عامل الجراج ببلاش خدمة للناس و كاتب أنه مش مسؤل عن السيارات تماما.

**samehrty** · 09-08-2014 09:33 AM

لا كلام حضرتك غلط المشكلة مشكلة كارفور والا مكنش يفتش العربيات اللي داخلة ويوقفها ويفتح شنطها

**عمرو بندق** · 09-08-2014 01:44 PM

مع أحترامى للجميع فيه فرق بين أمن كارفور و أمن سيتى سنتر و المسئول عن الباركينج هو أمن سيتى سنتر
و ربنا يسترها مع الجميع

**Mohamedjetta** · 09-08-2014 03:52 PM

المشاركة الأصلية كتبت بواسطة محمد يوسف

بيفكوا الكاوتش المتكلبش وبيطلعوا الاستبن من الشنطة يركبوه مكانه

مش مهم بس اي حاجه تأخر الحرامي

**Y a r i s** · 09-08-2014 04:17 PM

مشكلة بلدنا ان فعلاً مفهاش نجدة تنجدك
بالكم انتوا لو قفشتوا الحرامي حتى ومسكتوا ضربتوه واتصلت على النجدة قلتلهم يا جماعه ده. انا مسكت الحرامي. تعالوا خودوه ... هيقولولك طيب هاتوا وتعاله :) ... ومش ناقص. غير يقولولك وانتا جي ابقى عدي على اي مكتبه هات ورقتين فلوسكاب معاك وقلم علشان نكتبلك المحضر !!!!

**svneleven** · 10-08-2014 05:10 AM

المشاركة الأصلية كتبت بواسطة أيمن كور

- طيب المسئول عن الباركينج هو أمن سيتى سنتر تمام
نفترض و ده مجرد فرض ... انه مش مسئول عن السيارات اللى فى الباركينج الخاص به
أولا .. انت بتفتش ليه اللى داخل ؟ علشان يأمن السنتر اللى البارك جزء منه .. تمام بالتالى تبعية الباركينج ترجع لأمن سيتى سنتر .. معايا

ثانيا .. أمن السنتر مش مسئول عن السيارات و عندك كاميرات مراقبة بتراقب السنتر من الخارج
الباركينج يعنى .. ليه حاططها و لزمتها ايه ؟!!!

ثالثا ... هانفترض تالت ان الامن مش مسئول عن السيارات دى .. طيب حصلت حادثة فى المنطقة اللى انت مسئول عنها مش فيه اجراءات ممكن تعملها ؟!! تساعد الناس اللى فى المشكلة زى مثلا تاخد نمر العربيات و نمر موبايلات اصحابها .. تتصل بالشرطة تأثيرك كاسنتر كبير ممكن يحركهم اسرع !!! تهدى الناس دى و تقولهم انشالله بالكذب انك هاتتصرف و تحاول تعمل حاجة و لو ان ده صميم شغلك ..
لكن تسيبنا بمنتهى العجرفة و قلة الادب مش الذوق و زى مايكون بيقولنا اخبطوا دماغكم فى الحيط ... يبقى لازم يكون فى وقفة و يعرف ان الناس مش لازم تكون فلان باشا او ابن فلان بيه علشان يهتم .. و لا ايه ؟!!

YouTube
ده رابط للفيديو اللى انا مصوره لعربيتى و العربية التانية

طبعا كلام حضرتك صح مليون ال مية. أضعف الايمان يتعاونو مع الناس. لكن أنا بقول أن الغلط الأكبر يقع علي عاتق الشرطة اللي سايبة الحرامية و البلطجية في الشوارع و مش فاضية غير لقمع المظاهرات و لم الأطفال بتوع المدارس (بغض النظر عن أن المظاهرات تعبر عن رأي صح و الا غلط)

**svneleven** · 10-08-2014 05:17 AM

المشاركة الأصلية كتبت بواسطة samehrty

لا كلام حضرتك غلط المشكلة مشكلة كارفور والا مكنش يفتش العربيات اللي داخلة ويوقفها ويفتح شنطها

أولا هو حضرتك مين عشان تقول كلامي صح و الا غلط؟ المفروض يكون أسلوبك أحسن من كده. ممكن تقولي أنك غير متفق معايا لكن غلط ديه مش بتاعتك. يا ريت بلاش نعمل مشاحنات علي الفاضي بينا و بين بعض.
و مش معني أنه بيفتش يبقي مسؤل. لأ ده معناه أنه بيحاول يمنع المصايب الكبيرة زي الانفجارات و ما الي ذلك و حضرتك عارف أن الكلام ده حصل بعد الثورة و قبل كده ما كانش فيه تفتيش غير في حاجات قليلة زي سيتي ستارز في مدينة نصر مثلا.
و أكبر دليل أنه مش مسؤل أنه كاتب في كل مكان أن الحاجات اللي في العربية مسؤلية صاحبها. ده معناه ايه؟