استفسار سريع -- ارجو الرد بسرعة

**Mohamed Bander** · 08-08-2014 05:53 PM

انا روحت غيرت الزيت امبارح ،، بصيت فى الكتالوج كاتبين بتاخد 4.5 و جركن الزيت التوتال 4 لتر ،، حطيت الجركن بعد ما شفط الزيت و غير الفلتر و شفت المقاس لقيته اعلى من النقطة اللى من فوق ،، الراجل قالى عادى علشان الفلتر لسه متملاش ،، زود ربع كيلو شل على الزيت،، النهاردة ببص على المقاس لقته اعلى بكتير من اعلامة اللى فوق،، ممكن تقولولى ايه الموضوع ده و اعمل ايه؟

**Adnfalcon** · 08-08-2014 06:36 PM

الجهاز اللي شفط الزيت فيه مدرج كدا بيقيس الكميه اللي اتسحبت
خدت بالك من الرقم ؟

**midoabokhadra** · 08-08-2014 06:43 PM

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

**Mohamed Bander** · 08-08-2014 06:49 PM

المشاركة الأصلية كتبت بواسطة adnfalcon

الجهاز اللي شفط الزيت فيه مدرج كدا بيقيس الكميه اللي اتسحبت
خدت بالك من الرقم ؟

ايوة تقريبا 4 و اكتر شوية

**Mohamed Bander** · 08-08-2014 06:52 PM

المشاركة الأصلية كتبت بواسطة midoabokhadra

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

المشكلة فى المصفحة تقريبا لازم تتفك و انا قلقت من فك الطبة ده
انا غيرت الفلتر و حطيت الجركن كله و شوية صغيرين زياده تقريبا اقل من ربع ،، يعنى المفروض مظبوط،، المشكلة فين بقى؟

**mohamedbook** · 08-08-2014 07:07 PM

شيل المصفحة امر عادي جدا جدا يعني الموضوع مش مستاهل مسامير هتشلها وهترجعها من مكنها تاني
انا مش بستريح من موضوع الشفط اعتقد انه مش بيشيل كل كمية الزيت
ممكن تسحب الزيادة من البنزينة يشفطلك منها شوية وبعدين تاني يوم الصبح تشوف مقاس الزيت لو لقيتة تمام خلاص لقيتة اقل زوده سنة سنة لحد متيجي لحد العلامة لو حابب تخلي المقاس علي الشعره زي ما بيقولوا

**Adnfalcon** · 08-08-2014 07:10 PM

المشاركة الأصلية كتبت بواسطة Mohamed Bander

المشكلة فى المصفحة تقريبا لازم تتفك و انا قلقت من فك الطبة ده
انا غيرت الفلتر و حطيت الجركن كله و شوية صغيرين زياده تقريبا اقل من ربع ،، يعنى المفروض مظبوط،، المشكلة فين بقى؟

عربيتي a5 بتاخد جركن كامل 4 لتر و شويه زيت بس أقل من لتر عشان الفلتر بس تقريبا الكميه دي أقل من نص لتر وانت حطيت نص لتر و هي دي المشكله
المفروض اصلا اللي غيرلك الزيت يقيس بعد التغيير ولما يلاقيه زياده يشفط شويه لحد مايظبط

**Adnfalcon** · 08-08-2014 07:13 PM

المشاركة الأصلية كتبت بواسطة midoabokhadra

اولا تغيير الزيت بالشفط دة مبحبوش لانه مش بيسحب كل الزيت فك الطبة احسن
ثانيا هي بتاخد 4 فقط بدون الفلتر وبتاخد 4 ونص لو بتغير الفلتر
وكون انه ازيد من العلامة دة غلط جدا

معظم دول اوروبا حاليا بتستخدم جهاز الشفط زي ألمانيا و فعلا بيسحب كل الزيت وعن تجربه لأن الجهاز مرقم وبشوف بعيني كميه الزيت اللي اتسحبت

**Mohamed Bander** · 08-08-2014 08:32 PM

المشاركة الأصلية كتبت بواسطة adnfalcon

عربيتي a5 بتاخد جركن كامل 4 لتر و شويه زيت بس أقل من لتر عشان الفلتر بس تقريبا الكميه دي أقل من نص لتر وانت حطيت نص لتر و هي دي المشكله
المفروض اصلا اللي غيرلك الزيت يقيس بعد التغيير ولما يلاقيه زياده يشفط شويه لحد مايظبط

فعلا هو ده بالضبط اللى حصل معايا ،، الجركن + كوباية صغيرة متحصلش ربع لتر ،، مش عارف بقى،، و الجهاز بين اكتر من 4 لتر و شوية اتسحبوا،، مش عارف بقى فيه ايه.

انا اللى شايفة على المقاس ان فيه يت متنتور فوق العلامة ،، مش كده زيادة ولا بيتهيالى؟؟

طول عمرى بمشى مع التوكيلو بريح نفسى من الصداع ده بس المشكلة اني بعيد عنه علشان كدة اضطريت اغير الزيت :(

**Mohamed Bander** · 08-08-2014 08:34 PM

المشاركة الأصلية كتبت بواسطة mohamedbook

شيل المصفحة امر عادي جدا جدا يعني الموضوع مش مستاهل مسامير هتشلها وهترجعها من مكنها تاني
انا مش بستريح من موضوع الشفط اعتقد انه مش بيشيل كل كمية الزيت
ممكن تسحب الزيادة من البنزينة يشفطلك منها شوية وبعدين تاني يوم الصبح تشوف مقاس الزيت لو لقيتة تمام خلاص لقيتة اقل زوده سنة سنة لحد متيجي لحد العلامة لو حابب تخلي المقاس علي الشعره زي ما بيقولوا

معرفش ليه كنت قلقلن اصلى مبحبش الفك و التركيب برة التوكيل بس مضطر لموضوع غيار الزيت المرة دى

الموضوع: استفسار سريع -- ارجو الرد بسرعة

LinkBack

أدوات الموضوع

عرض

استفسار سريع -- ارجو الرد بسرعة - انشر الموضوع فى :

-

-

-

-

-

-

-

-

المواضيع المتشابهه

استفسار مهم عن كاست symphony و adrian ارجو الرد بسرعة

استفسار سريع ارجو الرد بسرعه

استفسار بخصوص البيع ارجو الرد بسرعة

استفسار بسيط عن السيراتو , ارجو الرد بسرعة.

الكلمات الدلالية لهذا الموضوع

المفضلات

المفضلات

ضوابط المشاركة