الموضوع: نقص في الميه

المشاركة الأصلية كتبت بواسطة ehab mobarak

السادة الزملاء عندي مشكلة في الميه دايما تنقص بس مش كتير راجعت علي الخراطيم كلها ومش شايف تسريب وغيرت غطيان قربة كتير من كل نوع ولما بفتح الغطا والعربية باردة بيكون بيكون فيه ضغط محبوس ومش عارف المشكلة فين وازاي اعرف اذا كان الغطا سليم وشكرا

راجع على موضوع غطاء القربة اللى فى الرابط دا:http://www.nilemotors.net/Nile/41792...post3875540082

ثم احنا عاوزين نعرف مقدر النقص كد ايه وهل انتا بتستعمل مية الحنفية ولا مية خضرا ؟؟؟

المشاركة الأصلية كتبت بواسطة ehab mobarak

انا حاليا باستخدم ميه التكييف بعد ما كسحت دورة المياه بالكامل وبحط الebro علبة كانز خضراء لمعالجة المياه امريكي والنقص في المياه حوالي 1/2 كباية ميه او اكتر بشوية ودايما فيه ضغط في القربة

1/2 كوبية ميه كل يوم ؟؟؟؟

طيب بعد ما تقف بالعربية اضغط كدا على غطاء القربة بابهامل اطغط على الغطاء من اعلى لو عمل فس فس فس مع الضغط يبقة الغطاء يحتاج الى تغيير ***

شوية اسئلة للاستفسار
الرادياتير عندك جديد ولا الأصلى بالقميص ولامن غيره ؟
مروحه التبريد 4 ريشة ولا 6ريشة
1/2 كوباية ميه كل كام يوم ؟
الترموستات عندك الواطية ولا العالية 62/86 ولا 90/80 ؟
ظابط التكايات على كام ؟
هل فية هباب فى الجكمان ؟

المشاركة الأصلية كتبت بواسطة ehab mobarak

الزميل العزيز شكرا لاهتمامك
الردياتير جديد من النوع فيكا الصيني وانروحة 6 ريشة بقميالثرموستات اسباني 62/82 تقريبا النوع الواطي ملاحظةالعربية بتمشي حوالي 54 كيلو يومياضابط التاكيهات علي 0.2 مفيش هباب في الشكمان الا في بداية الدوارة الصبح مية بكربون اسود
امبارح كنت طالع بالعربية والمية علي الماكسمم النهارده الصبح ببص علب الميه للاقيتها بين الماكسمم والمينمم فتحت غطا القربه عشان اهرب الضغط الميه زادت شويه بس تحت المكسمم
اسف علي الاطالة وشكرا

كده يبقى دى مقدمات جوان الوش بيعمل ضغط هواء فى دورة المية اللى بتنفخ القربة والخراطيم وده بيخلى المروحة بتدور بعدم انتظام حسب كمية الهواء اللى فى دورة التبريد وتسخن العربية خصوصا فى الطوالى سيبه لما الزيت يطحن معاك وبعدين غير جوان الوش بس خلى الميكانيكى يراجع على الوش ممكن يكون العيب منه وربنا معاك !!

المشاركة الأصلية كتبت بواسطة ahmedelsawi

انا متابع المنتدي من زماااااااااااان بس بصراحه انا لسه مشترك جديد
واحب الاول اشكر صاحب الفكره العظيمه دي
انا كمان عندي نفس المشكله وغيرت الرياداتير والاربه والمروحه بس الاربه عندي كل يوم بلاقيها ناقصه النص ومافيش تسريب خاااااااالص
وغيرت طلمبة المياه كمان
ولما بفتح الاربه الصبح بيبقي كاني بفتح زجاجة بيبسي
جوان وش السيلندر سليم
غيرت علبة الشكمان
وللعلم انا لسه شاري العربيه فلفوريت 94
بتسخن واللي اشتريتها منه عامل مفتاح للمروحه خارجي لما بشغلها دايركت مبتسخنش ياتري دا يبقي ايه

كده يبقى انت عندك جوان الوش بايظ هو اللى بينقص المية دون تسريب ظاهر وممكن يكون الوش نفسه خلى الميكانيكى يكشف علية !!