مشكلة في تكييف الاوبترا 2011

**ellhosam** · 20-08-2014 12:59 PM

العربية عندي بقلها 3 سنين وعاملة 40000 ك ومن اول مجبتها مفيش مشاكل في التكييف ولم اقم بشحنه فريون او عمل اي شيء في التكييف من ساعت ما اشتريت العربية لحد امبارح بس كنت رايح مشوار شغلت التكييف اشتغل ذي الفل الصبح علي درجه 2وانا راجع اخر النهار حسيت ان التكييف مكتوم او ان الهواء الخارج من فتحات التكييف ضعيف جدا مع اني كنت مشغل علي 3 والصبح مكنتش مستحمله علي درجة 2 المهم روحت مبطل التكييف علي كدة وشوية ولقيت في مية كتير علي الدواسة في الارضية الكرسي الامامي بجانب كرسي السائق ارجو من السادة العضاء الافادة عن سبب المشكلة حيث انني ابيض في موضوع التكييف وشكرا

**sonaeg** · 20-08-2014 04:21 PM

غالبا الترموستات اللي بتخلي المكيف يفصل لما يسقع مش شغالة ودي موجودة تحت الطابلوه جوه التلاجة. ف بالتالي المكيف يفضل شغال لحد ما يعمل تلج علي التلاجة فبالتالي اندفاع الهوا جوها يقل مهما عليت المروحة. وده يفسر الميا الكتير اللي نزلت وفاضت عن خرطوم الفايظ بعد ما التلج ساح. لو فعلا الترموستات بتبقي بسيطة ومش بتحتاج تشحن لانها بين ريش التلاجة.

وبرده شيك علي خرطوم الفايظ يمكن مسدود كمان عشان المية الكتيرة بس احتمال ضعيف.

والله اعلم