مشكلة تكييف السيراتو 2011 بيبرد وانا ماشي ولما اهدي مش بيبرد

**medooo115** · 07-06-2012 04:14 PM

انا عربيت كيا سيراتو 2011 ومشكلتي الاولي مع التكييف ظهرت مؤخرااااا
وهي اني لما اكون مهدي السرعة يعني ماشي في زحمة وانا مشغل التكييف التكييف مش بيبرد
يعني بيجيب هواء بدرجة حرارة الجو
ولما افتح سرعة او ادوس بنزين يبدأ التبريد
رحت التوكيل
خد العربية وقالي هنفحص التكييف وخبط 25 جنيه وبعدين جه قالي نضفنا فلتر الهواء ونضفنا السربنتينة وهو كده تمام كانو فيهم تراب كتيير
قلتله :: تمام
وبعد التجربة ::: حسيت ان فيه فرق في التبريد علي شوية ولكن برضه نفس المشكله موجودة طول ما انا ماشي تمام شغال كويس لما العربية تقف وهي دايرة يجيب هواء بدرجة حرارة الجو بعد دقيقتين ثلاثة كده
رجعتلهم في التوكيل ... وركبت المهندس جنبي وشغلنا التكييف واشتغل ميه ميه و3 دقائق كده وبطل تبريد وبعدين عشان احسسه بالفرق دوست بنزين كام مرة بدأ يبرد تاني
قلته حسيت بالفرق قالي اه تمام ... وقالي في النهاية مش عارف والله يا استاذ دا طبيعي ولا لأ عالعموم اول ماتيجي عربية سيراتو هنا هجرب الموضوع ده واقولك
وبعدين بعد يوم كلمني في التليفون وقالي جربت وقالي المشكلة عندك انت وفيه حاجة في التكييف
تعالي بوم السبت وهنشوف الكمبيروسور ونشوف الفريون ناخده نحقنه تاني وهنشوف ايه المشكلة

انا قلت اقلكوا تفيدوني بأرائكم القيمة

**ramy_gamal** · 08-06-2012 11:48 PM

اعتقد الفريون ناقص.... عربيتى كانت كدة وزودت الفريون وكله بقى تمام

**kar!m** · 09-06-2012 12:16 AM

ممكن فعلا يكون الفريون ناقص .. بلف بيسرب مثلا.

هي الأعراض دي أعراض كباس ضعيف .. بس معتقدش لحق يضعف يعني .. عموما شوف التوكيل هيقول لك ايه.

**wesam_salom** · 10-06-2012 01:47 PM

كباس ضعيييف
عندى نفس المشكله فى الصنى بس مش بالدرجه دى
يعنى بيجيب ساقع برده بس مش بدرجه التكييف على الطريق وناس قالت لى ده عادى وناس نصحونى اغير الكباس

**azaz_egy** · 21-06-2012 01:36 AM

ياباشا انا معايا بردو سيراتو ٢٠١١ هاى لاين خليجى ، وعندى نفس المشكلة ومش عارف اوصل لحل ، ياريت لو وصلت او عرفت السبب تعرفنى

**ahmedsabbah** · 11-09-2012 02:16 AM

انا معاية لانسر 2011 بومة اتوماتيك و نفس المشكلة التبريد و انا واقف او في سرعة بطيئة ضعيف جدا و على السريع او بليل تمام روحت التوكيل عمل نفس الكلام نضف فلتر و راجع دورة التكييف و قالي بقيت تمام بعد ما مشيت لاقيتها زي ما هي مع العلم ان المروحة بحسها اضعف من الطبيعي بس هو قالي لا طبيعية