الموضوع: استفسار بخصوص c4

وعليكم السلام ورحمه الله وبركاته ..
انا هحاول افيدك باكبر قدر عندي ويارب ينفعك بس اكيد في ناس هتفديك احسن مني ان شاء الله ^_^
الستروين c4 كانت مع قريبي وجربتها و كانت كويسه جدا والرفاهيه فيها عاليه ماشاء الله والضوضاء نسبتها قليله من الداخل ومتحسش بتعب خالص وانت سايقها بالعكس تحب المشاوير تطول عشان تستمع اكتر بسواقتها سرعتها وتجميعها كويس .. الباور ملوش حل والتلاجه الداخليه والتكييف والعداد والشكل الانسيابي والشنطه السينسور كلها مميزات بصراحه .. نيجي لمشاكلها واللي خلاها متقعدش مع قريبي كتير وسوقها قليل في مصر وهي ان سحبها للبنزين عالي جدا .. مصاريف قطع الغيار غير متوافرة بسهوله وبالتالي سعرها غالي عن العادي وخصوصا لان الراجل دا مكنش بيخرج بره الدايو ف كانت بالنسباله مكلفه جدا .. تالت حاجة وتعتبر الاخيره الكمبيوتر بتاعها وهو تمنه ف حدود تلت تمن العربيه .. هو خاف ليجرالها اي حاجة ويدبس في تصليحها ف باعها علطول سعر البيع بتاعها كان في حدود ال 65 الف وهو اشتراها اقل من تمنها عشان كان جايبها حوادث بس كانت حادثه بسيطه مضرتش الماتور ولا اي حاجة كله كان ف البدي ..
خلاصه الكلام لو حضرتك مناسب ليك سعر قطع الغيار وتعرف حد بيفهم فيها كويس توكل علي الله :)
وبالنسبه للي تكشف عليه .. اساسي تكشف ع البدي انه مش مخبط او ملحوم وتكشف من تحت العربيه عشان المطبات متكنش اذت العربيه من الاسفل .. و ارفعها في اي محطه بنزين بتكشف علي العربيات وافحصها كويس ..
اهم حاجة في رايي انك تتاكد علي الكمبيوتر بتاعها انه سليم كيفيه التأكد انا معرفش والله ازاي :/
اتمني اكون افدتك ب اي معلومه واذا ما أفدتكش ف سامحني .. انا حبيت اقولك كل اللي اعرفه عنها الحلو والوحش

المشاركة الأصلية كتبت بواسطة Mido Casper

وعليكم السلام ورحمه الله وبركاته ..
انا هحاول افيدك باكبر قدر عندي ويارب ينفعك بس اكيد في ناس هتفديك احسن مني ان شاء الله ^_^
الستروين c4 كانت مع قريبي وجربتها و كانت كويسه جدا والرفاهيه فيها عاليه ماشاء الله والضوضاء نسبتها قليله من الداخل ومتحسش بتعب خالص وانت سايقها بالعكس تحب المشاوير تطول عشان تستمع اكتر بسواقتها سرعتها وتجميعها كويس .. الباور ملوش حل والتلاجه الداخليه والتكييف والعداد والشكل الانسيابي والشنطه السينسور كلها مميزات بصراحه .. نيجي لمشاكلها واللي خلاها متقعدش مع قريبي كتير وسوقها قليل في مصر وهي ان سحبها للبنزين عالي جدا .. مصاريف قطع الغيار غير متوافرة بسهوله وبالتالي سعرها غالي عن العادي وخصوصا لان الراجل دا مكنش بيخرج بره الدايو ف كانت بالنسباله مكلفه جدا .. تالت حاجة وتعتبر الاخيره الكمبيوتر بتاعها وهو تمنه ف حدود تلت تمن العربيه .. هو خاف ليجرالها اي حاجة ويدبس في تصليحها ف باعها علطول سعر البيع بتاعها كان في حدود ال 65 الف وهو اشتراها اقل من تمنها عشان كان جايبها حوادث بس كانت حادثه بسيطه مضرتش الماتور ولا اي حاجة كله كان ف البدي ..
خلاصه الكلام لو حضرتك مناسب ليك سعر قطع الغيار وتعرف حد بيفهم فيها كويس توكل علي الله :)
وبالنسبه للي تكشف عليه .. اساسي تكشف ع البدي انه مش مخبط او ملحوم وتكشف من تحت العربيه عشان المطبات متكنش اذت العربيه من الاسفل .. و ارفعها في اي محطه بنزين بتكشف علي العربيات وافحصها كويس ..
اهم حاجة في رايي انك تتاكد علي الكمبيوتر بتاعها انه سليم كيفيه التأكد انا معرفش والله ازاي :/
اتمني اكون افدتك ب اي معلومه واذا ما أفدتكش ف سامحني .. انا حبيت اقولك كل اللي اعرفه عنها الحلو والوحش

الف شكر ليك استاذ mido
و اتمني من مالكي العربيه ان يزودوني بالمعلومات الكافيه
و اتمني تحديد متوسط سعر للعربيه للموديلات 2005 و 2006 بحياديه علشان الواحد مايجيش علي حد و لا اي حد يضحك عليه
و شكرااا ليك جدا استاذ ميدو

بص ع الانترنت ومواقع السيارات المستعمله ال 2005 من 60
وال 2006 من 64 ل 70
دا غير الحالات الشاذه بس في نظري ان كل عربيه وحالتها يعني سعر السوق هو بيقيمها يعني ممكن تكون عربيه كسر زيرو او مرفوعه متتقارنش بالعادي و ممكن تكون عربيه طالع عنيها وتتقارن بنفس سعر العربيه العاديه وهكذا ..
وان شاء الله حد يرد عليك من القسم ويفيدوك اكتر :) وربنا معاك ويكتبلك اللي فيه الخير ان شاء الله وتلاقي الحاجة اللي تعجبك :)

انا لسه هشترى ستروين c4 كوبيه 2009 ماشيه حوالى 94000 وصاحبها عايز 80000 السعر ده كويس ولا ايه ؟؟؟ مع العلم ان العربيه سليمه وحالتها كويسه .

انا لسه شارى العربيه مين شهرين العربيه كويسه بس اهم حاجه اكشف عليه كويس جدا و اكشف على الدينامو و طرمبه البنزين و الفتيس و بقيت الكشف العادى من الأفضل تكشف فى عز العرب فى العجوزة الكشف غالى شويه بس هتطمن على كل حاجه وقطع الغيار كله موجوده فى أماكن كتير و سعره متوسط و فى ناس كتير بتفهم فيها بس اهم حاجه الدينامو و طرمبه والفتيس لان دول اكتر مشاكل فى ستروين

الأسعار من 65 الى ٧٥ و خليك أحسن فى من ٢٠٠٧ ل ٢٠٠٨ و ادخل على كونتكت كار هتلاقى كتير

المشاركة الأصلية كتبت بواسطة محمد المليجى

انا لسه هشترى ستروين c4 كوبيه 2009 ماشيه حوالى 94000 وصاحبها عايز 80000 السعر ده كويس ولا ايه ؟؟؟ مع العلم ان العربيه سليمه وحالتها كويسه .

لو العربيه سليمه وانت متأكد طبعا حلو السعر ديه ل ٢٠٠٩

متشكر جدا على الاهتمام
العربيه مانيوال بس حاسس ان الفتيس فيه سنه بوش صغيره دى مقلقه ولا عادى ؟؟؟
وعموما كده كده انا هروح اكشف فى التوكيل
وليه بتقولى اخلينى 2007 2008 هى 2009 فيها مشاكل ؟؟؟؟