الموضوع: استفسار بخصوص c4

المشاركة الأصلية كتبت بواسطة محمد المليجى

متشكر جدا على الاهتمام
العربيه مانيوال بس حاسس ان الفتيس فيه سنه بوش صغيره دى مقلقه ولا عادى ؟؟؟
وعموما كده كده انا هروح اكشف فى التوكيل
وليه بتقولى اخلينى 2007 2008 هى 2009 فيها مشاكل ؟؟؟؟

لا يا باشا طبعا ٢٠٠٩ حلوه جدا الكلام ده لواحد تانى بلنسبه الفتيس التوكيل هيقولك كل حاجه الكشف بيبقى شامل

المشاركة الأصلية كتبت بواسطة mando7980

شكرا ليك جدا يا باشا
للاسف مش حينفع اعلي بالموديل اكتر من ٢٠٠٦ و في الغالب كمان حتبقي ٢٠٠٥ علشان تبقي حالتها كويسه
بس انا للاسف مش معايا غير ٦٠ الف لاني شايل في حدود ٥ الاف علشان الحاجات اللي حتتفير في العربيه
لاني بصراحه اول ما حشتري حغير الدينامو و الموبينه و البوجيهات و حشيك علي الفتيس من اوله لاخره و علي جميع الحساسات علشان اضمن العربيه ال ٦ شهور اللي جايين
بس انا عندي استفسار صغير
انا عارف ان العربيات الاوروبي متقلقش من ماوتيرها حتي لو عامله ٣٠٠ الف طالما صيانته كويسه و في مواعيدها و خصوصا الالماني ( اخويا لسه جايب bmw موديل ٩٢ و ماتورها عامل ٣٦٠ الف بس ايه بحالته ولا اكن فيه اي حاجه
فيا تري الفرنساوي كده ولا ايه
انا زمان كان معايا بونتو موديل ٩٥ و بصراحه الماتور كان عالمي و عملت بيها لحد ٢٢٠ الف كيلو لحد ٢٠٠٢ بس كهربتها زباله بدأت تفتح بؤها بعد ال ٢٠٠ الف
فموضوع ان العربيه عامله عداد كتييير ديه ايه ظروفها في الفرنساوي
انا قدامي عربيه حالتها من جو و بره تحفه اوتو موديل ٢٠٠٥ بس عداد عامل ٢٢٠ الف و معمولها جميع الصيانات
و في واحده تانيه عايزه اكصدام و رفرفين و فانوسين امامي بس سعرها تحفه و ديه مش حادثه ولا حاجه ديه سواقه ستات و متصلحتش و انا شوفت دواخلها بنفسي و كان معايا السمكري بتاعي و قالي دي خبطات عاديه و مش مقصره علي حاجه في الحوض او الصدر بس للاسف مينفعش تتسمكر علشان الرفارف ضعيفه جدا و الاكصدام اشتري واحد ارخص من تصليح القديم
المهم ان اللي عامله ٢٢٠ طالب ٦٠ و تتهز جامد طبعا لان داه كلام من غير فصال
التانيه كان طالب ٥٣ و لسه مافصيلتش معاه في حاجه
ايه رأيك في ظل امكنياتي

بص يا باشا انا معاك الالمانى مفيش فى مشكله فى الكيلو متر لكن الفرنساوى بصراحه مش عارف بس كل حاجه هتبان فى الكشف لأنهم بيكشفوا على كل حاجه وعلى قوه المتور واهم حاجه معلش الكشف يكون فى مكان كويس زى عز العرب مينفعش ميكانكى أو سمكرى لان العربيه دى كمبيوتر وان شاء الله تلاقى حاجه كويسه

المشاركة الأصلية كتبت بواسطة tottihr

بص يا باشا انا معاك الالمانى مفيش فى مشكله فى الكيلو متر لكن الفرنساوى بصراحه مش عارف بس كل حاجه هتبان فى الكشف لأنهم بيكشفوا على كل حاجه وعلى قوه المتور واهم حاجه معلش الكشف يكون فى مكان كويس زى عز العرب مينفعش ميكانكى أو سمكرى لان العربيه دى كمبيوتر وان شاء الله تلاقى حاجه كويسه

الف شكر ليك يا باشا و ربنا يوفقني و الاقي حاجه كويسه

و ياريت يا رجاله اي حد معاه c4 موديل 2005 او 2006 يفيدني عن العربيه و احوالها معاه ايه و خصوصا موديل 2005

والله ياحماعه انا بشكركوا جدا على الايجابيه دى وجزاكم الله خير انا خلصت فى العربيه النهارده وكشفت عليها فى مركز صيانه امير وجوزيف فى مصر الجديده ناس محترمه بصراحه

الف مبروووووووووك يا باشا و ربنا يكفيك شرها و عقبال ال ds5
ممكن اعرف منك خلصتها علي كام و ايه اهم حاجه قالولك عليها في امير و جوزيف تخلي بالك منها
و قولنا انطباعك عن العربيه

الله يبارك فيك يا معلم
العربيه خلصت على 79000 جنيه... السعر ده كويس ولا ايه ؟؟
, ورحت كشفت عليها وغيرت زيت وفلتر زيت وفلتر هواء + كشف بيع اتكلفت 800 جنيه , ورحت سجلت العقد بتاع البيع اتكلف 1255 جنيه ..
وانا بكشف قالى العربيه تمام اساسيتها كويسه والموتور تمام بس هى رشه عتبه يمين والطنابير محتاجه تتغير بعد 5000 كيلو واهم حاجه عشان تحافظ على العربيات الاوروبى بالذات الصيانه فى مواعيدها وبلاش تستخصر فى الصيانه بالذات وبالنسبه للزيت انا كنت فاكر موبيل كويس بس نصحنى بزيت توتال احسن للستروين بالذات والكومبيوتر مطلعش اى مشاكل فى الموتور خالص الحمد لله ...
التكييف تمام بس اعتقد انو محتاج يتشحن انا كنت ماشى بيها النهارده الضهر وكان ضعيف شويه بس يمكن عشان النهارده الحراره عاليه شويه بس بالليل التكييف كان تمام .. تقريبا دى كل معلوماتى عن العربيه النهارده ..

المشاركة الأصلية كتبت بواسطة محمد المليجى

والله ياحماعه انا بشكركوا جدا على الايجابيه دى وجزاكم الله خير انا خلصت فى العربيه النهارده وكشفت عليها فى مركز صيانه امير وجوزيف فى مصر الجديده ناس محترمه بصراحه

يا ريت يا باشا تفكك من امير و جوزيف عشان مش بيفهموا و غالين على الفاضى انا صارف عندهم فى أسبوعين مبلغ محترم وفى ناس كتير هنا فى المنتدى مش يبرحوا امير و جوزيف بجد حرامية ومش فاهمين اسءل مجرب

المشاركة الأصلية كتبت بواسطة محمد المليجى

الله يبارك فيك يا معلم
العربيه خلصت على 79000 جنيه... السعر ده كويس ولا ايه ؟؟
, ورحت كشفت عليها وغيرت زيت وفلتر زيت وفلتر هواء + كشف بيع اتكلفت 800 جنيه , ورحت سجلت العقد بتاع البيع اتكلف 1255 جنيه ..
وانا بكشف قالى العربيه تمام اساسيتها كويسه والموتور تمام بس هى رشه عتبه يمين والطنابير محتاجه تتغير بعد 5000 كيلو واهم حاجه عشان تحافظ على العربيات الاوروبى بالذات الصيانه فى مواعيدها وبلاش تستخصر فى الصيانه بالذات وبالنسبه للزيت انا كنت فاكر موبيل كويس بس نصحنى بزيت توتال احسن للستروين بالذات والكومبيوتر مطلعش اى مشاكل فى الموتور خالص الحمد لله ...
التكييف تمام بس اعتقد انو محتاج يتشحن انا كنت ماشى بيها النهارده الضهر وكان ضعيف شويه بس يمكن عشان النهارده الحراره عاليه شويه بس بالليل التكييف كان تمام .. تقريبا دى كل معلوماتى عن العربيه النهارده ..

مبروك يا كبير و ربنا يبركلك فيها