دبرياج الاوبل 95

**HISHAM80** · 20-07-2007 03:35 PM

عندى مشكلة فى دبرياج الاوبل 95 انه تفيل اوى دى مشكلة عامه ولا عندى بس مع انى مغير ديسك واسطوانة وبلية ووير دبرياج وبفكر اعدله وركب نظام هيدروليك مكان الوير ينفع :(

**Ahmad** · 20-07-2007 03:59 PM

يا تري كشفت علي الدواسة نفسها من جوة الصالون؟
أنا كان عندي المشكلة دي في الابيزا, و رحت مغير طقم الدبرياج و السلك, بس لقيت الدواسة لسة ثقيلة. الميكانيكي فكهالي لقي في أجزاء حول الدواسة مكسرة و تعوق حركتها. رحت للخراط عمل الاجزاء دي و ركبتها و الدواسة بقت زيرو.

**Omar M** · 20-07-2007 04:25 PM

السلام عليكم
سؤال للأستاذ أحمد هو أيه قصدك بطقم الدبرياج ؟ و الأجزاء المكسرة دى من جوه الصالون ؟
معلش أصل عندى نفس المشكلة فى الابيزا و شكرا

**hazem_khidr** · 20-07-2007 08:25 PM

دبرياج الاوبل عموما بيبقي تقيل مش خفيف زي الياباني مثلا.بس اعمل زي ما الاخ احمد بيقولك يمكن يكون دا الحل رغم اني اول مره اسمع الاكلام دا

**HISHAM80** · 21-07-2007 03:21 PM

ممكن يكون العيب فى الابيزا لان دواسة الدبرياج مش حديد نوع من الباغة بس اعتقد ان فى مشكلة تانية فى الاوبل

**icetak** · 22-07-2007 01:08 PM

ana garabt abl keda sheel el sosta men el dowasa beta3t el debriag men gwa el saloon
7'aly el michanicy yfok el 3'ata ely fo2 el dwasat we ydwar hayla2y sosta fe el debriag
bas 7'od balak 3alashan el dwasa hatb2a sayba (hat3ml taka kol lama tedos we momken tetla3 lefo2 kol shwaya )
bas rag3taha any we lama afda hafokaha we adwar 3ala sosta a7'af
garb we 2oly

**hazem_khidr** · 22-07-2007 01:40 PM

علي فكره غلط انك تشيل سوسته الدبرياج و بكده ممكن تبوظ اسطوانه الدبرياج بسبب ان السوسته دي مهمتها انها ترفع البدال و ما تحملش علي الاسطوانه ف انت بكده بتحمل ولو بدرجه خفيفه علي الاسطوانه و بالتالي عمرها حيقصر معاك

**HISHAM80** · 22-07-2007 03:34 PM

طيب ممكن اركب نظام هيدروليك وده موجود فى بعض العربيات ذى الاكسنت

**hazem_khidr** · 22-07-2007 03:39 PM

ما اعتقدش انه ينفع علشان الموديل بتاعك كله بنظام الواير مش باكم غير كده بترجع لطبيعه الفتيس نفسه.و لعلمك الباكم برضه ليه مشاكله يعني بيتاخد الهوا بتاعه و ليه خزن برضه زي الفرامل بالضبط و اهم عيوبه بقي انه لو فصل مش بتعرف تحرك العربيه بعكس الدبرياج الواير انه حتي لما يتقطع ممكن تعشق العربيه و تدورها و تمشي