السلام عليكم و رحمة الله
انا امتلك مؤخرا بيجو 504 - مش اول عربيه ليا لكن انا لسه جديد عليها
هى اصلا كانت بتاعت والدى عليه رحمة الله و هى اللى اتعلمت عليها السواقه زمان لكن ماكنتش بدوس فيها فى الميكانيكا

من 3 ايام كنت ملاحظ تسريب فى زيت الباكم فى بستم دواسة الدبرياج .. و الميكانيكي غير البستم و غير الاتياش بتاع الدبرياج و قالى جرب -اول مره الفتيس بيعض و ماخدتشى اى غيار اصلا
بعد كده هو عمل حاجه كده و لا قيته قالى جرب و الموضوع ظبط .. بس هو قالى ان الاتياش اللى جايبه قصير (رغم انى جايب الاصلى و كان نفس طول الاتياش اللى راكب)

تانى يوم الصبح طلعت بيها مشاوير غلسه و طبعا كانت رجلى على الدبرياج كل شويه
حسيت فى اخر اليوم ان الدبرياج واطى اوى معايا لدرجه انى علشان اجيب المارشدير لازم ادوس على الدواسه لغايه لما تلزق فى الارض وبرضه كنت بسمع صوت التروس و هى بتعشق - بصيت على زيت الباكم ماكنشى ناقص و لا حاجه و ماكنشى فيه تسريب ملحوظ فى الدواسه
خرجت بيها باليل و كان الدبرياج واطى برضه بس مش بنفس الغباء بتاع الصبح ده
هل الدبرياج كده طبيعي و لا فى العادى بيبقى اعلى من كده ؟؟؟ انا مش متذكر بالظبط بس يتهيألى زمان كان الدبرياج اعلى من كده
هل ممكن يبقى فيه هواء فى دورة الزيت ؟؟
و هل فيه رجلاش للدبرياج ؟؟

فياريت حد يساعدنى