الموضوع: تقيم كامل لمزدا 3 2015 بعد التجربة...

فيه تقارير كتير في المنتدى قالت ان الموتور ضعيف جدا على العربية ياريتك كنت قرتها قبل ما تشتري

المشاركة الأصلية كتبت بواسطة ahm.mega007

اولا احب اعرفكو اخواتى فى المنتدى نايل ماتورز .. ا
..انا اشتريت العربية دى بظبط من 13 يوم وللاسف ولله مكملت معايا الى يوم 16 للاسف طلعت اشتغالة وحشة اوى ....اول حاجة انى العربية منظرها يخليك تقول انها بجد عربية بس الى اكتشفتو انى لما اشتريت العربية لقيت انى بعد 120 للاسف مش بتكملهم غير وانت بتسمع صوت ماتور مقطورة مثلا
اتخميت فيها اولا العربية مفيهاش سحب نهائيا عامله زى الكروز لو حد ساقها شكل فقط وللاسف عفشتها ناشفة جدا مع العلم انى خسرت فيها الى 15 الف جنية فى 16 يوم بعد مستلمتها
وبعدين العربية مكنشى فية زباين خالص تتفرج عليها بس للاسف انا ختها منظر وقولت يبانى بس العربية الخلجى بتاعها الى موجود برا ماتور وبودى وكلو لكن الى عندنا شكل فقط لاغير
العربية فيها رعشة جامد وصوت الماتور وحش جدا فعلا ومبتجريش خالص ولله وبعد 120 بتحس بريحه شياط من المكنه مع العلم انها زيرو ولما بتعدى الغيار الثالث وبتيجى عندى الرابع بتسمع صوت غريب جدا
روحت لمكنيكى مزدا حبيبى قالى رجـع العربية دى علشان كل الى اشتروها ندمو وملحقتش اسئلو رجعتها علطول حتى فى المعرض لحظت انها مش بتتباع خالص ومع العلم انهم مكنوش عاوزين يرجعو العربية خالص كانهم مصدقو خلصو منها مع انهم رجعو لزبونه عربية فيرنا وبدلتها بى اوبل بس للاسف عزلجو معايا فى المزادا فجد يا جماعه كل الى بيفكر يشترى مازدا 3 الجديدة خسران بمعنى الكلمه وعن تجربة ولله
الى بيفكر يشترى مازدا وبى 217 الف لا يروح يشترى كيا سيراتو الجديدة وبرقبتها وعربية بجد محترمه جدا او الالنترا الشكل الجديد الى هينزل قريب لئما يشترى بيهم كرولا او اوبل استرا
مترموش فلوسكو فى الارض ع عربية شكل وليست اداء نهائيا وشوفو نسبة بيع العربية هتلقوة قليل جدا فى مصر... (..والمازدا فسدة ولو بعد حيــن ولله بجد ..) الله اما بلغت ........

الواحد من كتر ما اتقرص اتعلم ما يشتريش اي موديل عربيه يكون لسه نازل لانه ببساطه بياخد وش القفص في العيوب
لدرجة اني بقيت اشتري قبل ما الموديل يتغير و ده فعلا حصل معايا في اخر عربيتين بعد ما اتقرصت قرصه جامده لما كنت فرحان اني اول واحد في مصر يركب باسات tsi
في رائيي الياباني ينحصر في السيفيك و بعديه الكورولا
و بعدين بصراحه اللي معاه ٢١٧ الف حرام يحطهم في ياباني اصلا دول يتزود عليهم حاجه بسيطه و يتجاب بيجو ٥٠٨ او اوبل انسجنيا فئه اولى ركوبه عاليه جدا
ربنا يعنيك و انشاءالله الموضوع يعدي على خير

المشاركة الأصلية كتبت بواسطة monamize4

ياباشا انت كدة قولت الخلاصة
و خصوصا الجزء الخاص بالشكل (عارفكوا ياللى بتهمتموا بالشكل بس )
العربية فعلا ماتسواش تمنها دا خااااااااااااالص

بس انا حاسس ياباشا انك متحامل على العربيه شويتين
و دا مفهوم طبعا بالنسبة لواحد خسر 15 الف 16 يوم

بالنسبة لجزئية ضعف السحب و الصوت الموتور العالى ,,
انا ركبت المازدا القديمة و هى نفس ال powertrain اللى ف الجديدة
وال 2 قريبين ف الوزن اوى من بعض و كانت بتوصل لل120 عادى جدا
و الصوت مكانش مقطورة و لا حاجة و مفهوم طبعا انها 4 سرعات فامش هتريح الموتور اوى

مع العلم ان الaerodynamics ف الجديدة ممتاز جداااااااا و دا بيدى تسارع احسن
drag coefficient 0.26 و هى كدا اصلا عدت عربيات كتير زى الجولف مثلا drag coefficient 0.27

عارف ايه معنى ان الواحد يرجع عربيه زيرو و يرمي ١٦ الف جنيه على الارض ؟
اقول لحضرتك
معناه ببساطه انه نفد من مقلب عمره بمعنى الكلمه
انما حضرتك هتقوله ايروديناميك بيدي تسارع و الشيب القديم ( ايه اللي دخل الشيب القديم في الموضوع )
الكلام ده مش عملي خالص
رائيي الشخصي معظم الياباني اللي بينزل السوق المصري عموما توقف بيه الزمن عند ٢٠٠٨ نفس المواتير و تصميمات اي كلام و فخامه منخفضه
حد كان يتصور ان فيه شريحه كبيره بتدفع في السيراتو اكتر من الياباني
ولا الاوروبي اللي كان بيمتاز بالفخامه و الثبات فقط في مفابل الاداء و التسارع للياباني يتطور في الجزئيه دي كمان و الياباني محلك سر
و اكرر تاني انا بتكلم على فئه معينه من الياباني مش كله
تحياتي

المشاركة الأصلية كتبت بواسطة monamize4

انا متفهم طبعا ياباشا ان الراجل زعلان على خسارة ال16 الف ,, و حقه طبعا
بس مش عشان حد خسر مبلغ ف عربيه ,, يبقى وصفه للعربية انها ضايعه اوى كدا
انت مثلا ياباشا خسرت 60 الف ف الباسات و ااكيد كنت زعلان جدا على خسارتك
و مع ذلك ماجيتش مثلا تقول ان الباسات سحبها ضايع او ان ثباتها اى كلام

فى مبالغه ف بعض الكلام زى ((العربية مفيهاش سحب نهائيا ))
و هتكتشف دا لو حسبناها بالورقه و القلم من غير حتى ما نجربها
و دا اللى انا كنت بتكلم عنه ان موتور و فتيس المازدا الجديدة متجربين
ف الشكل اللى قبله و اللى قبله و كان سحبهم كويس ,,
بالعكس دا حتى الايرودينامكس ف الجديده افضل و اعتقد كمان ان وزنها اخف

لا ياباشا مع احترامى ليك انا مش ببالغ وله حاجه ممكن حضرتك تاجرها يوم وتحكم وتعرف وانا خلال ليه بقولك المزاد زباله مع احترامى ليك الى قلبها متنساش انها كانت أوسخ
وعربيه للاسف فاشله