تقيم كامل لمزدا 3 2015 بعد التجربة...

**horania** · 24-08-2014 06:14 PM

فداك يا باشا انت برضو لحقت نفسك و ده تصرف ذكى منك . حاول تفكر فى حاجة عملية زى ما الاساتذه نصحو كورولا او هوندا و كمان بيتهيألى الاوكتافيا a7 ممكن تكون اختيار جيد و ربنا يعوضك خير انشاء الله

**ashouhdy** · 24-08-2014 07:05 PM

مش مقتنع بصراحة

120 اية اللى مش بتعديهم !

و شياط اية ؟!!!

و ميكانيكي اية اللى لحق يشتغل في مازدا 3 الجديدة ! و كل اللى جابوها رجعوها !

حضرتك لو عايز عربية جري بس هات السيراتو ذي ماقلت

بس انسي ثبات جودة كواليتي الى اخرة.

**Hegazio** · 24-08-2014 07:41 PM

رأيي اه العربية سعرها مبالغ فيه..بس مش بهذا السوء
و اﻷداء مش حيطلع من العربية غير بعد 3000 كيلو
و نفس أداء السيراتو علي فكرة..يمكن العزل اللي اداك احساس خاطئ

**Hegazio** · 24-08-2014 07:42 PM

و بمناسبة اللي بينصح بكورولا...شرحه
معايا و زيها بالظبط اداءا و عزلا و برضه ماتسواش تمنها

**horas3000** · 25-08-2014 02:37 PM

اولا ربنا يعوض عليك
بس هو انت مسمعتش عن حاجه اسمها تليين
انت كده ظلمت العربيه و طبيعي مش هتاخد منها احسن اداء من الاول كده علي طول
و عموما معروف ان اكبر عيوب العربيه دي ان وجدت انها متور و فتيس بتكنولوجيا قديمه

**kariko** · 29-08-2014 03:57 PM

I tried the new mazda 3, yes the acceleration is poor but i reached 180 easily without any problems!!
I have the old shape and since 2008 & its doing fine, much better than any korean car in the market, in addition to high durability of spare parts. I also have new C class & new Grand Cherokee so i know what im talking about.

And what mechanic knows about the new shape, it's been in the market for less than 60 days so how come he's an expert now!!.

Anyhow, that's just my opinion, and good luck in selling the car or what so ever

**WAEL .H** · 05-09-2014 10:11 PM

المشاركة الأصلية كتبت بواسطة a7m8n

انا مختلف طبعا من ان اليابانى مش بيتطور لا اكيد طبعا اليابانى بيتطور وجامد كمان ممكن تبصو على السيفيك ونظام توفير الوقود الكورولا الجديده شكلا ومضمون متغيره على مستوى الجيربوكس وانظمه السلامه والخامات شوفو الهوندا سيتى 2015 تطور جامد فى الشكل والخامات والجيربوكس بس على فكره ده لايبرر الاسعار الخياليه للعربيات اللى بنشوفها فى مصر المحروسه
انما خلينا فى المازادا او نسخه المازدا المشوهه اللى نزلوها مصر المشكله ببساطه ان اللى نازل مصر مش المازدا الحقيقيه مش دى المازدا اللى بتنزل بره البهوات شايلين الموتور اللى بتنزل بيه وهو موتور اسمه sky active وحاطين الموتور القديم اللى كانت بتنزل بيه من 7 سنين والعزم اللى طالع من الموتور مقداره 145 نيوتن وده رقم ضعيف جدا على وزن وتصميم العربيه والكارثه الاكبر انها برده بنفس الفتيس القديم اتوماتيك 4 سرعات فى حين اقل حاجه لعربيات نفس الفئه 5 سرعات والنتيجه حتبقى مزيد من الاجهاد والتحميل على موتور اصلا ضعيف على البودى الجديد
انا متخيل الوصف اللى بيوصفه صاحب الموضوع لما بيقول انها بتجعر او صوتها عالى بعد 120 لان ببساطه الجير بوكس واخد الغيار الرابع والا ار بى ام حيعلى ومش حينزل لان مفيش غيار خامس عشات ينقل عليه والموتور يهدى المهم كويس انه خلص منها وياربت نحذر الناس من انها تشتريها

على فكرة نسخة المازدا دي مش مشوهة ولا حاجة الموضوع موضوع اسواق والعربية دي نزلة بنفس الموتور 1600 والفتيس 4 غيار في جنوب شرق اسيا وفي امريكا اللاتينية
وبالنسبة لموضوع الموتور فهو مش قديم ولا حاجة في عمر المواتير شوف مثلا الكورولا نزلة بموتور 2008 ولو على عدد الاحصنة شوف الاوكتافيا الجديدة موتوها كام حصان بعد لما رموا الموتور الجديد وشوف السيات التوليدو كام
طيب شوف الكورولا الجديدة نازلة في دول الخليج بفتيس قديم اربع سرعات مع الموتور القديم وشوف اللانسر الشارك الي طالعين بيها السما في الجري موتور 117 حصان وفتيس اربع سرعات برضه
وعندك السيفيك موتور وفتيس نمرة واحد بس العربية واقعة ومحدش بيشتريها خامات داخلية سيئة ومفيش كماليات والوكيل قاعد بينقط السوق الدنيا كلها بتبيع موديل 2015 من شهر 3 وهو لسة جاي يصفي 2013 وبعدين ينزل 2014 شكل قديم برضه
والمازدا رغم الموتور والفتيس القديم وانك مش هاتاخد اداء رياضي ولكنه مقبول زي الاوكتافيا الا انها مازالت تتميز عن منافسيها بصالون هاعتبره اجود صالون في فئتها وكماليات جديدة ومنافسة جدا بالنسبة للسعر وطبعا الهاندلينج الي بتتميز بيه مازدا والشكل الخارجي الجديد
وبعدين يعني الشوارع واسعة وفاضية للجري مفيش الا الصحراوي ولا شرم ودول هاتعمل فيهم كام كيلو في السنة
خلاصة الكلام ان كل عربية صفقة كل واحد يشوف هو يلزمه ايه وما يفرقشي معاه ايه من العربية وانا شايف ان المازدا صفقة جيدة للي ما يفرقشي معاه الجري والشد وبيحب يمشي يدنجل
تحياتي والسلام ختام

-

-

الموضوع: تقيم كامل لمزدا 3 2015 بعد التجربة...

LinkBack

أدوات الموضوع

عرض

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

اية رايكم كيا سول 2015 تانى فئة ولا سيراتو 2015 الفئة قبل الاخيرة sx

بيكانتو 2015 هاي لاين ولا سويفت 2015 هاتش باك

استفسار : رينو لوجان 2015 ولا شيفروليه لانوس 2015

تويوتا كامري 2015 السيارات Toyota Camry 2015

الكلمات الدلالية لهذا الموضوع

المفضلات

المفضلات

ضوابط المشاركة