الموضوع: فاميه عازل حرارى

صل بحمد الله مساء أمس العازل الحرارى اللى كنت قولتلكوا عليه والحمد لله جبت نوع احسن من اللى كنت قايل عليه وجارى التنسيق مع شركات العزل الحرارى لتحديد واختيار اقل سعر للتركيب لأنى سمعت ارقام تخض بصراحه ولو فى معانا فى الجروب حد بيركب فاميه حرارى ويقدر يسأله التركيب يتكلف كام يبقى كتر خيره
لو فى حد ناوى يعمل معايا الموضوع ده ياريت يبلغنى علشان اعمل حسابه لأن اللى معايا تقريبا يكفى 9 عربيات بس رجاء اللى مش هيعرف يسلك نفسه فى المرور وهو بيرخص أو فى الكماين نصيحه بلاش تركبه لأن حرام تبقى مركب فاميه سعره ممكن يوصل 1000 جنيه ويجى واحد يقطعهولك او يقولك شيله

تم التركيب بحمد الله وتكلفة التركيب 80 جنيه

بعد اذنك يا باشا انا متابع الموضوع معاك من الاول وكنت عاوز حضرتك تقولي بقي بعد ما ركب الحمد لله اكلف كام وعملت كل العربية ولا لا ونوعه ايه وفاتح ولا غامق وجبته منين ويا تري لسه في معاك منه ولا لا معلش انا سالت كتير بس بجد انا عاوز اعرف كل حاجة عن الموضوع علشان ناوي ان شاء الله

المشاركة الأصلية كتبت بواسطة eng-mohamed

بعد اذنك يا باشا انا متابع الموضوع معاك من الاول وكنت عاوز حضرتك تقولي بقي بعد ما ركب الحمد لله اكلف كام وعملت كل العربية ولا لا ونوعه ايه وفاتح ولا غامق وجبته منين ويا تري لسه في معاك منه ولا لا معلش انا سالت كتير بس بجد انا عاوز اعرف كل حاجة عن الموضوع علشان ناوي ان شاء الله

اسأل براحتك ولا يهمك....الفاميه ده نوعه (llumar atr15%) امريكى ومشتريه من كندا هو غامق مش فاتح لأنه فاميه عادى بس الزياده عليه انه بيعزل الحراره وتركيبه اتكلف 80جنيه للاربع ابواب والزجاج الخلفى والفاميه اتكلف 525 جنيه لأن عربيتى خدت 3متر والمتر ب 175جنيه يعنى كله بالتركيب 605 وفى منه معايا تانى لأنى جايب رول كامل من هناك

باشا انا نزلت انهاردة مخصوص سموحة واكيد حضرتك سمعت عن الناس بتاع سموحة بيجيبو التايهة المهم سالت علي العازل ده وقالي عنده ال 3 m تامة وفرجنى عليه علي عربية bmw واقفة وبعد كده قالي حاجه غريبة اوى ان العربية كلها بتاخد 12 متر وسالته على النوع الى حضرتك قولت عليه الى هو لامار ده وقالي انه قطري مش امريكي انت ايه رايك في الكلام ده وبغض النظر هو صناعته انت ايه رايك فيه وحسيت بفرق فعلا ولا لا

المشاركة الأصلية كتبت بواسطة eng-mohamed

باشا انا نزلت انهاردة مخصوص سموحة واكيد حضرتك سمعت عن الناس بتاع سموحة بيجيبو التايهة المهم سالت علي العازل ده وقالي عنده ال 3 m تامة وفرجنى عليه علي عربية bmw واقفة وبعد كده قالي حاجه غريبة اوى ان العربية كلها بتاخد 12 متر وسالته على النوع الى حضرتك قولت عليه الى هو لامار ده وقالي انه قطري مش امريكي انت ايه رايك في الكلام ده وبغض النظر هو صناعته انت ايه رايك فيه وحسيت بفرق فعلا ولا لا

موضوع 12 متر ده ممكن يكون عرض الفاميه عنده صغير و3ام كويس زى لومار (الامريكى) بس الفكره هى فئة ايه؟ وانا بعت لحضرتك على الخاص على فكره.