باسات 2008

**sherifasttar** · 04-09-2014 08:53 PM

بعد إذنكم انا بشتري عربية باسات 2008 بيز ﻻين 1600 سي سي بس قدامي عربية تاني موديل 2009 1400 سي سي دبل تربو يا ترى ايهما أفضل ؟ وايه اخبارهم في البنزين وهما أفضل و ﻻ عربية جيتا 2008 كمفورت ﻻين . سوف أكون شاكر ومقدر لسرعة الرد

**m07mad** · 04-09-2014 09:30 PM

الافضل انك تبعد عن الباسات ١٤٠٠ عشان الفتيس ال dsg و بصراحه الباسات عربيه محترمه لكن البيز لاين بحسها فقيره شويه لو قارناها بـ الجيتا الكومفورت و اهم حاجه تكشف عليها عند متخصص و بيفهم في العربيات دي و الافضل طبعا الكشف في التوكيل

**Ahmed Saad** · 04-09-2014 11:55 PM

المشاركة الأصلية كتبت بواسطة sherifasttar

بعد إذنكم انا بشتري عربية باسات 2008 بيز ﻻين 1600 سي سي بس قدامي عربية تاني موديل 2009 1400 سي سي دبل تربو يا ترى ايهما أفضل ؟ وايه اخبارهم في البنزين وهما أفضل و ﻻ عربية جيتا 2008 كمفورت ﻻين . سوف أكون شاكر ومقدر لسرعة الرد

بص ياباشا مبدأيا كدا سيبك من الباسات ال 1400 لأن فتيسها كان من الدفعات الأولى المعيوبه فسيبك منها على الرغم أنها أداء عالي وقوي وأحسن من ال 1600 بكتير نيجي بقى لل1600 مبدأيا كدا العربيه هتبقى موتور fsi وده عيبه انه ساعات بيسقف مع 92 بالذات لو ضغطت على العربيه الموتور ده لازمه 95 علشان يبقى مظبوط معاك بس الباسات عربيه ماتتقارنش بالجيتا عربيه وسع مهول وشنطه كبيره جدا من الاخر عربيه عائليه من الدرجه الأولى وفتيسها حلو اللي هوا الفتيس القديم ال6نقلات أهم حاجه تغيير زيت وفلتر فتيس أصلي كل 60000كم بالنسبه للجيتا عربيه أصغر محترمه موتورها وقطع غيارها كلها زي الاوكتافيا A5 موتورها mpi بيشتغل 92 عادي من غير مشاكل مفيهاش مشاكل مشهورة غير برضه لو سهيت على تغيير زيت وفلتر الفتيس بتجيب فالف بدي واظبت على تغير الزيت في معاده أنسى عموما شوف انت متطلباتك ايه من العربيه لو عايز عربيه تحمل وعائليه وشنطه كبيره اوى خليك في الباسات ده لو انت طويل زي حالاتي مش فارق خليك في الجيتا وبرضه الجيتا مش ضيقه اوى بس ماتتقارنش بالباسات في الوسع عموما لو رسيت على الباسات موضوع التسقيف بتاع الموتور حله في علبه octane Booster تضاف مع كل تفويله بتظبط الموتور ومش بيسقف وربنا يوفقك للاصلح وأي استفسار انا تحت أمرك

**Ahmed Saad** · 04-09-2014 11:58 PM

معلش نسيت اقولك الجيتا عيبها اللعين انها واطيه اوى وبتحك في المطبات وفي ناس بتحطلها جنبين a5 بتعلي وبتبقي زي الفل

**manlook1** · 07-09-2014 08:19 PM

ممكن تعقيب بسيط الجيتا اقسم بالله اوسع من التويوتا 2010 داخليا واعلي منها في المطبات مع الحمولة
لكن واضح ان الفكرة دي عممت بشكل غريب .... بس انا مع التجربة بحمل 3 في العربية معايا مفي مطب عالي او واطي بحك فيه بعكس التويوتا .... ومن جوا اوسع في الكنبة الي قدام والي ورا من التويوتا ...لكن فعلا الباسات اوسع واعلي مع دا كله الي عايز اوصلة ان الجيتا مش بالوطو الي الناس متخيلية او الضيق الداخلي