الموضوع: كيفيه تركيب سنسور حراره في تابلوه الفيكترا بي , موضوع حصري

السلام عليكم ورحمه الله وبركاته..
الموضوع ببساطه اني عاوز اركب سنسور حراره يبين درجه الحراره الداخليه للكابينه ومن خلاله اعرف كفاءه التكييف , مع العلم ان الفيكترا فيها سنسور حراره اوريجنال بيبين درجه حراره الجو الخارجي.
نخش في الموضوع..
اشتريت سنسور حراره ديجتال من الناس اللي بتبيع قطع غيار التلاجات واجهزه التبريد , في انواع كتير واشكال وليدات وحجات شكلها حلو قوي , بس انا اخترت ده علشان حجمه مناسب للداش باورد
اشتريته ب25ج , بيشتغل ببطاريه 1.5 فولت , هو عباره عن شاشه قراءه وسلك في اخره مجس الحساس .اسمه digital temp. panel sensor دي صوره طبق الاصل من ع النت

طبعا لونه ابيض , ماينفعش . فكيت الفرام بتاعه ورشيته اسود ماط علشان يمشي مع زراير التابلوه بقي كده

هنبدا نفك الفرام اللي حوالين الداش باورد وخلي الصور تتكلم احسن..

بعد كده في مسمارين ( عليهم سهم احمر ) هنفكهم ونخرج الوحده بره شويه

كده خرجتها بره علشان نعدي سلك الحساس للهوايه اللي فوق علي مجري تيار هواء التكييف

هنحتاج نفك الهوايه برده علشان نعدي السلك جواها من الخلف .

هنعدي السلك اللي في اخره الحساس ونركب الهوايه تاني ونرجع كل حاجه مكانها .
خلي بالك . شاشه الحساس هتركب مكان اول زرار ع الشمال ( طبه زرار) هو طبعا مجرد طبه علشان تركب مكانه اللي انت تحتاجه من كماليات الموديلات الاعلي لو تحب , هتشدها بطرف المفك هتخرج معاك
الشاشه هتركب مكانه لطش من بره . من جوه هنحط لزق دبل فيس من فوق ومن الشمال بس , اليمين في زرار سخان الازاز الخلفي ماينفعش نحط لزق . نضغط ونحط الزرار وراقب بقي درجه الحراره وهي بتنزل وانت مشغل التكييف واتنطط علي اصحابك
ده شكلها النهائي .يارب الموضوع يعجبكم . اي سؤال انا في الخدمه .ماتنسوش الدعاء لوالدتي بالشفاء.