كيفيه قياده الفيكترا سي بالفتيس الايزي ترونيك؟؟

**Dr-Daly** · 05-01-2013 03:35 AM

السلام عليكم؛
زي منتوا عارفين انا بشتري في فيكترا سي ٢٠٠٨ حاليا وربنا يسهل وتتم علي خير ان شاء الله دعواتكم بقي :)
علشان كده كنت عايز أعرف ياشباب لو تسمحوا ازاي يتم القيادة بإستخدام الفتيس الايزي ترونيك ..
يعني النقل ازاي وامتي تنقل والتنقل من الأوتوماتيك للمانيوال إزاي وكيفيه إستخدامه في حاله الغرز لو إضطريت لها وانتا بتعدي مثلا وكمان أهم مميزاته وأخطر عيوبه،
وهل هو أفضل أم فتيس إم إم تي للكورولا الجنوب أفريقي؟؟؟
وشكراً ليكم مقدماً

**nagy wassef** · 06-01-2013 11:32 AM

شوف يا دوك انا هقولك بالنسبة لسواقتى انا عشان انا سواقتى هادية شوية.
انت بدوس بنزين عادى و تخف رجلك عند ار بى ام 2.6 (انا بشيل رجلى خالص) هتنقل بمنتهى السلاسة و مع الوقت مش هتحتاج تبص على الار بى ام. و بالنسبة للحرق لما تعمل كيك داون هتسحب جامد معاك و الار بى ام هيعلى عشان مش هتنقل فى هذه الحالة. و بالنسبة للنقل من اوتو لمانوال هتجيب الفيتيس عادى شمال حتى و انت ماشى عادى و تنقل السرعات بزقة لفوق او لتحت.بس مش هتحتاج للمانوال خالص فى راي.و استنى بردوا استاذ احمد فهمى يفيد اكتر عشان هو عامل ماجيستير فى الفتيس ده :)
و بالنسبة للعيوب و المميزات انت لو اتعودت عليه هيبقى مفيهوش عيوب يعنى هتاخد سحب و اداء المانوال واستهلاك بنزينه و فى نفس الوقت راحة الاوتوماتك غير انه ارخص ميت مرة من الاوتوماتك يعنى احسن من الاثنين.الف مبروك مقدما

**Hesham.H** · 06-01-2013 11:46 AM

متابع

**Dr-Daly** · 07-01-2013 12:54 AM

المشاركة الأصلية كتبت بواسطة nagy wassef

شوف يا دوك انا هقولك بالنسبة لسواقتى انا عشان انا سواقتى هادية شوية.
انت بدوس بنزين عادى و تخف رجلك عند ار بى ام 2.6 (انا بشيل رجلى خالص) هتنقل بمنتهى السلاسة و مع الوقت مش هتحتاج تبص على الار بى ام. و بالنسبة للحرق لما تعمل كيك داون هتسحب جامد معاك و الار بى ام هيعلى عشان مش هتنقل فى هذه الحالة. و بالنسبة للنقل من اوتو لمانوال هتجيب الفيتيس عادى شمال حتى و انت ماشى عادى و تنقل السرعات بزقة لفوق او لتحت.بس مش هتحتاج للمانوال خالص فى راي.و استنى بردوا استاذ احمد فهمى يفيد اكتر عشان هو عامل ماجيستير فى الفتيس ده :)
و بالنسبة للعيوب و المميزات انت لو اتعودت عليه هيبقى مفيهوش عيوب يعنى هتاخد سحب و اداء المانوال واستهلاك بنزينه و فى نفس الوقت راحة الاوتوماتك غير انه ارخص ميت مرة من الاوتوماتك يعنى احسن من الاثنين.الف مبروك مقدما

طبعا بشكرك لردك التفصيلي الممتاز ومستني ردود باقي الزملاء لو فيه إضافات معينه

**احمد فهمى** · 07-01-2013 02:26 AM

متشغلش بالك ومتفكرش الموضوع اسهل مما تتخيل وهتركب وهتسوق عادى جداً بس اهم حاجه ضغط العجل عندك ميقلش عن 31 بكل الاشكال وده مكتوب على القايم عندك عشان تريح العربيه فى نقلاتها وفى موضوع عاملو عشور مثبت عن الفتيس الايزىترونيك لو عايز تعرف شغال ازاى

**Dr-Daly** · 07-01-2013 11:38 AM

الله المستعان وانا قريت الموصوع الخاص بفتيس الايزي ترونيك طبعا بس كان الكلام معظمه ميكانيكال مش أسلوب القياده اللي انا محتاج أعرفه
انا محتاج أعرف إزاي النقل وإزاي أنزل بالنقله تاني علي الأوتوماتيك وإمتي أجيب المانيوال وحاجات من دي ملهاش علاقه بميكانيكيه الفتيس ﻷنها متهمنيش قوي أنا مقتنع قوي بمبدأ التخصص و لما العربيه بيحصل فيها حاجه بوديها لمتخصص في الحاجه دي ايا كانت

**ULTRA** · 08-01-2013 11:10 AM

انا مش فاهم حاجة خالص

**Dr-Daly** · 08-01-2013 12:37 PM

المشاركة الأصلية كتبت بواسطة ultra

انا مش فاهم حاجة خالص

؟؟ مش فاهم ايه حضرتك طيب؟؟
عايز أعرف طريقه النقلات بشكل تفصيلي فين الصعوبه في الفهم هنا

**ULTRA** · 20-01-2013 11:33 PM

انا مش فاهم هو الايزي ترونيك يعني فتيس اتوماتيك و مانيوال فى نفس الوقت و فية دبرياج و لة اية

-

الموضوع: كيفيه قياده الفيكترا سي بالفتيس الايزي ترونيك؟؟

LinkBack

أدوات الموضوع

عرض

-

المواضيع المتشابهه

هو الفتيس الايزي ترونيك بيتغرله الزيت امتى ؟

كمبيوتر نقلات الفتس الايزي ترونيك.

كمبيوتر نقلات الفتيس بتاع الايزي ترونيك

الفتيس الايزي ترونيك

بص علي الايزي ترونيك

الكلمات الدلالية لهذا الموضوع

المفضلات

المفضلات

ضوابط المشاركة