الموضوع: برجاء المساعده في شراء جيتا زيرو

المشاركة الأصلية كتبت بواسطة Mohamedjetta

الانتشار بتاعها يعتبر معدوم واللي منتشر باسات اولي فئه
نيجي لفتيس لحد الان عيوبه مش معروفه اوي وفيه ناس بتشتكي منه وفيه ناس لا ..الحل انك تخلي الفتيس علي المانويل او سبورت مود .. في الاشارات تجبها علي n

امتى تحديدا اخلى الفتيس على المانويل او سبورت مود وامتى استخدم الd ؟ واستخدم الاسبورت مود احسن ولا المانويل ؟ والى اعرفه ان السبورت مود بتاع الشد والمانويل بتاع مناورات ولا ايه ؟.. وهل دا علشان يخلى الفتيس ينقل متأخر ويطول فى النقله الوحده شويه ولا علشان ايه ؟ طيب ودا مش بيكون حمل على الفتيس ولا عادى ؟.. ياريت توضيح مفصل لوسمحت ؟ لانى عاوز الاستخدام الامثل للفتيس واللى ثبت فعلا انه بيحافظ عليه من ناس استخدمته وعاش معاها .. وشكرا

المشاركة الأصلية كتبت بواسطة Mohamedjetta

تستخدم المانويل او الاسبورت مود لما تشوف زحمه.... تستخدم d لما الطريق فاضي.... المانويل والاسبورت مود بالنسبالي واحد يعتبر لان الاسبورت بتاع فتيس dsg كأنك راكب عربيه مانويل.......... انا بستخدم الاسبورت مود عشان يأخر النقلات بدل ما ااتعب ايدي واخليه مانويل..... لا مش حمل ولا حااجه .. الفتيس اصلا بتاع شد وغير كده الجيتا موتور tsi يعني متخفش

الاستخدام الامثل كل اللي قلته وجاوبت عليه واوعي تنسي في الاشارات انك تجيب n
لا شكر علي واجب
الاسبورت مود بيأخر النقله حسب دوسك و لما تخليه مانويل برضو بتضطر تأخر النقله عشان متنقلش نقلات كتير عشان الكلتشات
بالطرق دي انسي ان الكلتشات تتغير الا بعد 60 الف ومفيش اصلا مشاكل في الفتيس .. العيب الوحيد اللي في الفتيس هي الكلتشات اللي بتغيير حسب الاستخدام يعني ممكن بالطريقه اللي قلتلك عليها ممكن تقعد معاك الكلتشات 60 الف وممكن اكتر ولو مش بتستخدم الطريقه دي ممكن تقعد الكلتشات 30 الف
اختصار طريقه السواقه هي في الزحمه الاسبورت مود و الاشارات n ولما الطريق يكون فاضي نجيب d

متشكر جدا على معلوماتك القيمه وعلى فكره انا معايا a7tsi والحمد لله جميله وفارقه كتير عن الmpi1600 ال نزلوها .. بس سؤال تانى ..دلوقتى لو ماشى فى طريق فاضى بس كل شويه مطب فبهدى وابدأ من اول زى طريق مدينة العبور بعد محور الشاذلى او شارع التسعين فى التجمع .. بيتهيألى امشى على d عادى لان كدا هتبقى العمليه واسعه اوى وكل المشى على الاسبورت او المانويل ولا ايه رأيك ؟ وكمان انا النهارده مشيت فى زحمه على الاسبورت والطريق مشى شويه فدوست بنزين العربيه صوتها على ومنقلتش وخفت اقرص عليها فهل لو كنت كملت هينقل بعد استمرار الدوس والصوت هيهدى .. ولما الطريق يفك من الزحمه وكنت على الاسبورت برجع وانا ماشى على d عادى ؟ وهل النقل كل شويه من الdللاسبورت غلط او من الd الى المانويل حسب حالة الطريق لان ممكن بكون زحمه وبعد كدا يفك وبعد كدا يزحم تانى فهل دا عادى ؟ وانا آسف تعبتك معايا وشكرا على ذوقك

انا عربيتي اللي فاتت كانت جيتا. مشاكل الفتيس انتهت تقريبا من 2011 و مافاضلش الا حالات عيوب التصنيع القليلة زي اي عربية. مشكلة العربية الفعلية هي انها واطية جدا و قريبة من الارض. وانت لوحدك او معاك صاحبك مفيش مشكلة. لكن لو الاسرة وكدة حتحك في معظم المطبات حتي لو بالجنب. غير كده هي ركوبة تحفة. عشان كدة لما بعتها جبت التيجوان وبنفس الفتيس.

المشاركة الأصلية كتبت بواسطة mohamedjetta

لو قدامك مطب والطريق مفهوش زحمه يبقي خليك علي d والمانويل والاسبورت متستخدمهوش في الطرق الفاضيه..... صوتت العربيه علي عندك بسبب ان العربيه علي s و كانت بتأخر النقله وعلي فكره لو قعدت دايس زي ما انت كانت نقلت والصوت الموتور بقي عالي بسبب تأخير النقله والتربو ماشاء الله.... اه عادي انك ترجع الفتيس d لما الطريق يفك....لا مفيش مشاكل من انك كل شويه تجيب من d الي s ويفضل طول ما انت عارف ان الطريق ده بيبقي زحمه يبقي تجيب الفتيس علي s ...... متنقلش الفتيس علي d الا لما الطريق يفك خالص
تعبك راحه حضرتك والعفو

استفسار تانى يااستاذ محمد .. وانا ماشى فى الزحمه بجيب الفتيس مانويل وانا ماشى على الاول او التانى الشاشه بتقولى لازم انقل للنقله اللى بعدها .. انقل بقى واسمع الكلام ولا اتقل شويه علشان تأخير النقل وهل ده مش غلط على الغيار يعنى مش حمل على الاول قبل ما انقل للتانى مثلا ويضر الفتيس لانى بحرق الغيار .. والافضل امشى سبورت مود ولا مانويل فى الزحمه .. وهل فعلا القياده بالصوره دى صحيحه وكويسه للفتيس والموتور ولا ليها اضرار بس اهون من الاضرار الكبيره اللى انت عارفها بتاعت الفتيس ..