بيجو 308 sw

**aboadham** · 05-09-2014 06:44 PM

السلام عليكم.
ايه رأى السادة الأعضاء فى البيجو 308sw. اخبارها ايه فى السفر الطويل. انا باعمل مشاوير فلكية. من اسكندرية لأسوان بدون مبالغة.ياترى قطع الغيار متوفرة ولا لأ و اسعارها ايه. و الأعطال المشهورة فى الموديل ده.العربية المعروضة للبيع موديل 2011 جنوط حديد بانوراما بدون مثبت سرعة و بدون مرايات ضم.المشكلة انى باسافر كتير و على طرق صحراوية لايوجد بها حتى اصلاح للكاوتش.الى انا عارفه من النت ان الموتور بتاعها اسمه prince 14 و ده موتور تصنيع مشترك بين BMW و بيجو. هل الموتور ده VTi ولا عادى. و الفتيس الأتوماتيك 6 سرعات ولا 4 سرعات.باختصار اى حد من السادة ملاك هذه السيارة ينقل تجربته. انا معايا نيسان صنى 2009 EX . وكل اللى باعمله فيهاالصيانات الدورية بانتظام فى التوكيل. وفقط لاغير.ماشاء الله عمرها ماعملت اى حاجة تزعلنى فلى السفر. هو التوكل على الله اولا ثم البنزين و يالا بينا

**hesham fawzy h** · 05-09-2014 07:04 PM

انا كنت عايز اجيب ال 307sw من فترة برضو و كانت عجبانى جدا.. بس كل الناس قالتلى لا بلاش بيجو .. قطع غيارة غالية .. و فى ناس قالتلى فى مشاكل فى الكنترول بتعها ..

**aboadham** · 05-09-2014 07:16 PM

المفروض ان المشاكل الموجودة فى 307 تم علاجها فى 308 ولكن السؤال هنا العربية دى فعلا تستاهل ثمنها ولا ﻷ.فى ناس اصدقائى معاهم 307 و مبسوطين منها جدا. و ناس تانية شايفة منها حاجات مش كويسة و اعطال تحرق الدم.هل 308 كسيارة من بيجو العظيمة فعلا يعتمد عليها كما اوضحت فى بداية المشاركة ام لا

**blazer** · 05-09-2014 08:02 PM

انا راى لو عاوزه تتجة للفرنساوى اشترى رينو فلونس الشكل الجديد الفيس ليفت
عربيه فرنساوى بس بماتور وفتيس يابانى
بس إكشف فى الوكيل عشان تتفادى العربيات الى فيها عيوب فى الماتور الى ظهرت فى بعض العربيات بتاكل زيت

**aboadham** · 05-09-2014 09:40 PM

البيجو اوسع فى الصالون و الشنطة و ده مناسب جدا لمتطلباتى من ناحية الاولاد و طبيعة شغلى و غير كده شكلها حلو جدا من وجهة نظرى.ياريت حد من السادة الاعضاء يحكى لنا عن تجربته مع هذه السيارة.

**aboadham** · 07-09-2014 11:28 AM

الواضح من عدم وجود ردود من السادة الأعضاء ان هذا الموديل غير منتشر و المعلومات المتاحة عنه قليلة جدا .

**Nour_Peugeot** · 09-09-2014 04:00 AM

السلام عليكم

بص يا باشا المختصر المفيد ( عربية هتديك كل التتمني لكن في المقابل )
يا التوكيل يا بلاش او بمعني اصح يا مختص بيجو فاهم جدا يا اما هتكره اليوم الاشتريت فيه العربية

كهرباء متطور جدا و في المقابل المستوي التعليمي في مصر وحش فا عدم الفهم بيسبب مشاكل و غير كده كل قطع الغيار متوفرة بس اساعار توازي مثلا اسعار سياره تويوتا 2014 في التوكيل و الفكره كلها القيمة الي السعر

يبقي نستانتج من كده ايه

تلبي متطلباتك و في المقابل الصيانه في مواعيدها بدون اهمال

و ربنا يوفقك ان شاء الله

**aboadham** · 09-09-2014 10:17 PM

انا متفق تماما معاك يادكتور. الصيانة الدورية فى مواعيدها من اهم الاشياء اللى بتحافظ على السيارة و مستوى الاداء و لكن هل البيجو حتبقى زي اليابانى فى اعتماديته بفرض عمل الصيانات المطلوبة فى التوكيل.النقطة الثانية اللى باسال عليها هل التوكيل بالكفاءة المطلوبة لصيانة مثل هذه السيارات من واقع خبرتك اذا كنت اتعاملت معاهم قبل كده.انا عارف ان البيجو حتبقى نقلة كويسة عن الصنى ولكن الصنى اصيلة جدأااااا.اكيد كده حضرتك عرفت انا بفكر في الموضوع ازاى

**Nour_Peugeot** · 10-09-2014 02:29 AM

من نحية الاعتمادية اضمنهالك طبعا بالشروط القولتها ثانميا الضمان مضمون لسبب وحيد ان العربيه مجرد با بتتحط علي جهاز الاعطال لو فيها جن ازرق هيقولك مكانه

و في حاجه تانية هي ان مثلا لو حصل عيب و كمبيوتر العربيه ظهرلك العيب ان في خلل او حاجه بتقدر تمشي بالعربية عادي بس الاداء بيقل حبتيين

بس كده الموضوع سهل و بسيط جدا و ان شاء الله خير و تحت امرك في اي وقت