الموضوع: محتاج مساعدتكم ونصائحكم في شراء سيستم كامل للسيارة

المشاركة الأصلية كتبت بواسطة yuong313

وارجو الرد علي هذه النقاط للاهمية
وشكرا مقدما

1- اشتري القصة دي كلها من مكان معين يعني محل معين او سوق التوفيقية اشتري من كل حتة حاجة

2- التجميعية اللي تنصحوني بيها البادجت بتاعي 6000 جنيه

3- اركب السيستم عند مين يكون بروفيشنال ومش مشكلة ابدا ياخد اللي ياخده ماهو مش معقولة ادفع المبلغ ده كله وابخل في الفني اللي حيركب ولازم يكون فاهم مش بيوصل ويركب وبس

4- انا عايز صوت البيز يكون محترم وضخم من غير الزنة ويكون اللي داخل العربية مايحسش بيها ولكن اللي برة تخرج ودانه طبعا انتا فاهمني

5- علما باني معايا هيونداي ار بي 2015 عايز اعرف بقي التقطيع في الحديد حيبقي فين بالظبط والحاجات دي حتركب ازاي

اولا القصه دى تشتريها من التوفيقيه هتبقه ارخصلك طبعا
وطبعا هيبقه من كذا محل
ثانيا التجميعه دى هتبقه كالاتى
اولا headunit هتجيبه pioneer double dinعلشان يركب مكان headunit الاصلى وطبعا مينفعش تركب واحد عادى لازم double din عشان شكل التابلوه وسعر headunit ده تقريبا 1200 جنيه من عند ارخصهم او الارخص فى التوفيقيه
ثانيا نيجى للسماعات هتجيب ل اربع سماعات kenwood 500 wattعاديين ودول فى حدود 700 جنيه الاربعه ممكن من توكيلkenwood او توكيل سيمفونى فى التوفيقيه او محل البركه
ثالثا تجيب صبين sony xplod 15 inch 1500 watt وات ودول هتدور عليهم شويه لانهم مش موجودين كثير ومش بينزله دلوقتى خالص وممكن تلاقيهم بس عند حد مركونين عنده من فترة
ودول هيبقو فى حدود 1200 الاتنين وممكن يزيدو شويه
رابعا تجيبلك بازوكتين pioneer 1300 watt او بازوكتين jbl 1000 watt ودول هيبقه فى حدود 1200 جنيه من عند ارخصهم او الارخص
خامسا (gm (amplifier
هتجيب amplifier kenwood 720 wat A4 وده هيركي على الاربع سماعات وده فى حدود 700 جنيه من توكيل سيمفونى فى التوفيقيه
واتنين amplifier symphony 640 watt A4 ودول هيتركب عليهم الصبين والبازوكتين
ودول فى حدود 1200 جنيه من توكيل سيمفونى فى التوفيقيه
وكده انت السوند سيستم بتاعك مفيهوش غلطه ده فى رأيى الشخصى الصوت هيبقه مرعب جدا جدا
نيجى للحسابات
يبقه
1200
+700
1200
1200
1200
يبقه المجموع 5500 ده مجموع حساب العده فقط
وصلات RCA من راديو شاك هتجيب 3 وصلات GOLD BLATED اسمها AUVIO ودول سعرهم 255 جنيه يعنى سعر الوصله الواحده 85 جنيه
وكابلات الكهرباء طبعا تجيبهم مش اقل من 10 مم شعر بس مش عارف دلوقتى سعر المتر كام
وسعر التوصيل بردو مش عارف كام دلوقتى على حسب
وممكن توصل عند ادريان

المشاركة الأصلية كتبت بواسطة yuong313

6- كنت عايز اعرف الفرق بين البازوكا والسابوفر
7- هل اشتري 2 بازكا ولا اتنين سابوفر ولا واحدة بازوكا وواحدة سابوفر

البازوكا هى صب محطوط داخل تيوب يعنى صندوق على شكل انبوبه ودى بتديلك بيز عميق وبترمى بيز بعيد جدا عن حدود العربيه يعنى الصوت بيبقه مسموع من بعيد وانت جاى من مسافه
اما الصب بيجى لوحده وانت بتشتريله او بتفصله بوكس على مقاسات الكاتلوج بتاعه وده بيديلك بيز جامد جدا داخل وخارج العربيه بس من بره فى حدود العربيه او ابعد من العربيه بمسافه مش بعيد اوى
ودى صورة البازوكا



ودى صورة الصب

المشاركة الأصلية كتبت بواسطة yuong313

اشكرك يابودي علي الرد اللي خلاني دلوقت يزيد الحيرة والاسئلة من جديد

- ممكن اعرف ليه مش حاطط في الاختيارات بايونير غير في الكاسيت بالرغم ان ناس كتير جدا بتشكر في السماعات البايونير والساب بايونير والتويترات البايونير
وانا بفضل البايونير عن اي شيء اخر بحس انهم ماركة محترمة
علي فكرة انا عندي مسرح منزلي في البيت بايونير صوتهم احسن من سينما imax ب 10 الاف جنيه
يعني غاوي اوي
انا جربت قبل كدة ال jbl صوتها ماعجبنيش الصراحة ومش هو ده اللي عايزه
ياريت ترد عليا في التالي

- هل حقطع في الصاج علشان السماعات والسبوفر
- هل اشتري بازوكا واحدة ولا اتنين ولا بازوكا وسابوفر ولا اتنين سابوفر
- هل اتجاه البازوكا وشها للعربية ولا للشنطة ولا بتتحط بالجنب
- ممكن تحط شكل الكاسيت المقترح او موديله او صورته
- انا شايفك كاتب اجيب بازوكتين واتنين صاب هل حضرتك تقصد الاربعة ولا ده اختيار
- وكاتب علي اتنين امبلفاير وهو واحد مش كافي وليه مش مرشح البايونير
- حضرتك مش كاتب حاجة عن التويترات ابدا ؟
- هل الصب السوني افضل من البايونير

معلش الاسئلة كتير بس انا في حيرة

بالنسبه للسماعات البايونير هى كويسه بس الصناعه التايلاندى ودى مش موجوده خالص دلوقتى
وطبعا لو عرفت تجيب ال 440 وات تايلاندى يبقه كويسه جدا بس مش موجوده
وبالنسبه للسماعات الكينود ممتازه جدا
نيجى للجى امات البايونير مش بتستحمل خالص اى تحميل وضعيفه
اما الكاسيتات افضل صوت ونقاء وقوه البايونير بدون منافس
بالنسبه للصاج لو عاوز تقطع فى الصاج عادى جدا لان الموضوع ده مش بيعيب العربيه خالص واللى يقولك كده كذاب وده عشان ينزل من سعر العربيه لو بيشتريها
وممكن تعمل بورده خشب مقلوبه للامام على وش الصاج الخلفى وتحط فيها السماعات لو مش حابب تقطع فى الصاج
بالنسبه للصبات طبعا ال 15 بوصه افضل بكثييييييييييييييييييير من ال 12 بوصه
عشان كده بقولك السونى لان بايونير مش منزله 15 انش خالص وطبعا السونى ال 15 افضل بكثيييييييييييييييييييييي يير فى الصوت من البايونير ال 12 بوصه
نيجى للباوازيك البايونير انا عن نفسى غيرت البازوكا jbl وجبيت بايونير وعندى اتنين فى الشنطه واحده الشكل القديم وواحده الشكل الجديد ويعتبر مفيش فرق بينهم فى الصوت
وصوتهم ممتاز جدا جدا وأداء مرعب
بالنسبه للاعداد انا طبعا موضح بس انت مش مركز ويمكن انا كاتب وبالاسعار
عموما 2 بازوكا بايونير
2 صب سونى 15 انش
3 جى ام
واحد كينود 720 وات 4 تشانل للاربع سماعات
و 2 سيمفونى 640 وات 4 تشانل للصبين والبازوكتين
بالنسبه للتويترات انت مش هتحتاجهم لانك هتشغل السماعات صوت بس فطبيعى الصوت التربلات هتبقه عاليه جدا ومش هتحتاج تويترات وعموما لو انت حابب هات تويترات jbl دول افضل تويترات
ودى صورة موديل الكاسيت وده عشان السعر انت ممكن تجيب حاجه دبل دى فى دى



ودى صورة لكاسيت تانى بس ده غالى شويه

المشاركة الأصلية كتبت بواسطة yuong313

استاذ بودي اولا انا اسف علي التاخير في الرد امبارح كان اليوم مقفوا فمعرفتش اكتب اي رد
انا نزلت امبارح التوفيقية
روحت ارخصهم سألت علي الاسعار
وحكتبلك الاوبشن وانتا قولي ايه رايك

الكاسيت
- موديل 2650 ب 550 جنيه
- موديل 5450 ب 1000 جنيه بيقول انه جرافيك وفي موديلين تاني بس اغلي تقريبا ب 1400 جنيه

السماعات
- بايونير 400 وات ب 500 جنيه 3 واي دبل بيز
- بايونير 600 وات ب 520 جنيه 5 واي مش دبل بيز

بازوكا
- بايونير 1300 وات ب 620 جنيه

صب ووفر
- بايونير 12 مل 1200 وات ب 350 جنيه
- بايونير 12 مل 1400 وات ب 450 جنيه

بالنسبة للجي ام مالقتش عنده غير البايونير ال 800 وات والي 400 مارضيتش حتي اساله عنه

عمتا اللي واقف هناك واضح انه مش فاهم وعايز يلبسني كاسيت سوني وبياكد انه احلي من البايونير قلت كدة اول القصيدة كفر وشكله مش فاهم
فبيتكلم معايا في انواع تاني وانا بسمع وبفوت من ودني التاني لاني مش واثق منه اصلا بس كنت عايز اخد اسعار الحاجات اللي ممكن اختار منها وارجع ليكم اخد رايكم

شوف يا باشا لو نات ناوى تجيب كاسيت عادى مش دبل دن يبقه عندك موديلين ممتازين
واحد موديل deh-x3650ui
والثانى موديل deh-x6650bt
الموديل الاول بيعمل 750 جنيه
الموديل الثانى بيعمل 1200 جنيه
والاتنين نفس الامكانيات ونفس الشكل بالظبط ماعدا ان الثانى فيه بلوتوث زياده فقط
ده بالنسبه للكاسيت لو مش عاوز حاجه عريضه عشان شكل الطابلوه بتاع العربيه
بالنسبه للسماعات متجبش غير كينود 500 وات عاديين هما غالبا هيبقه صينى توكيل
او هات 400 وات دبل بيز او 600 وات دبل بيز فيتنامى دول متوفرين فى التوكيل لو مش حابب تجيب حاجه صينى مع العلم ان الصينى اصلى بردو بس تجيبهم من التوكيل عشان فيه مضروب
اما لو عاوز بايونير يبقه 440 وات تايلاندى ودول هتدور عليهم مستعملين لان مش موجودين جداد
نيجى للباوازيك البايونير ممتازه جدا جدا جدا والسعر كويس
اما بالنسبه للصبات زى ما قولتلك دور على حاجه 15 انش مش 12 انش هيفرق معاك جدا فى الصوت والقوة جدا جدا
اما شركة بايونير مش بتنزل غير صبات 12 انش
انا بقولك على الصح وانت حر طبعا لو عاوز تجيب وتجرب مفيش اى مشكله بس ده كله هيبقه على حساب انك هتخسر لو سمعت حاجه زى اللى بقولك عليها وحبيت تغير لان الحاجه دى بتتباع مستعمله بنصف ثمنها
دى صوره للكاسيت 3650


ودى صورة الكاسيت 6650



ودى صو للسماعات كينود 400 وات دبل بيز








ودى صور للسماعات الكينود 600 وات دبل بيز






[url=http://nileup.com/up/][/url

ودى صورة السماعات الصينى التوكيل كينود 500 وات


ودى صورة السماعات الكينود 500 وات الاندونيسى