الموضوع: مساعده في اختيار سماعات ؟ ؟

شوف يا باشا موضوع ان كان جاى فى العربيه سماعات كينود والصوت كان مش كويس
دى حاجه من الاتنين يا سماعات مضروبه يا سماعات الوات بتاعها ضعيف او متوصله غلط
اما السماعات الكينود سماعات ممتازه من ناحية نقاء الصوت وقوة البيز وقوة الصوت يعنى عكس اللى انت بتقوله تماما
المهم السماعات الكينود 500 وات دى 5 واى 90 rms
وفى موديلات نزلت التوكيل جديده 600 و 700 وات عاديين مش دبل بيز شكل جديد كل دول صينى توكيل وكويسين وصوتهم ممتاز اهم شيئ تجيب من توكيل او موزع معتمد عشان فى مضروب فى السوق
نيجى لاماكن البيع موجوده فى جميع توكيلات كينود بالقاهرة ومحلات كلاريون وتوكيل سيمفونى فى التوفيقيه ومحل البركه فى التوفيقيه
الاهم من ده انك توصل عند فنى محترم وكويس فى التوصيل + انك لما تيجى توصل تجيب كابلات الكهرباء الخاصه بالجى ام مش اقل من 10 مم شعر السويدى ووصلة ال rca دى تجيبها من راديو شاك Gold Plated نوعها AUVIO وطولها 3.65 سم وثمنها 85 جنيه بس دى اهم شيئ فى التوصيلات ومتقولش الوصله اللى بتيجى من التوفيقيه ب 35 جنيه دى كويسه وهتقضى الغرض بالعكس دى وصلات زباله وهتعملك زنه ووش فى الصوت وهتقرفك جدا
وده لينك لموضوع التوصيلات والسلوك المستخدمه لعضو معانا هنا فى المنتدى ممتاز
http://www.nilemotors.net/Nile/413111-a.html

ودى صورة الوصله



ودى صور للسماعات الكينود 500 وات الصينى توكيل





ودى صورة من السماعت اللى نازله جديده من على موقع كينود الرسمى

مش هقدر افيدك اوى فى موضوع الاسعار بالنسبه للسماعات الصينى التوكيل بس تقريبا كانت ب 350 جنيه
بس انا سألت مرة كده من فترة فى التوفيقيه عليهم ومحاولتش اسأل تانى عليهم هل بيزيدو او بيقله مش عارف
لكن لو على اسعار الاندونيسى والدبل بيز الفيتنامى افيدك لانى مشترى منهم
وعموما دى اسعار الحاجه اللى جربتها واشتريتها
كينود 500 وات اندونيسى عاديه مش دبل بيز ب 590 جنيه من محل البركه فى التوفيقيه
كينود 400 وات دبل بيز فيتنامى 650 جنيه من توكيل كينود
كينود 600 وات دبل بيز فيتنامى 900 جنيه من توكيل كينود
دول السماعات اللى اشتريتها وعارف اسعارها وتقريبا سعرها ثابت على نفس الشيئ

المشاركة الأصلية كتبت بواسطة ahmed_hamdy

طيب معلشي رايك اركب 4 مساعات كيود 500 العاديين وصب او بازوكا


ولا اركب 4 سماعات دبل بيز كينود ؟؟ من غير صب او بازوكا



معلشي اسئلتي كثرت عليك :]

ركب سماعتين كينود 500 وات بس مع بازوكا بايونير 1300 وات او بازوكا jbl 1000 وعليهم جى ام سيمفونى 640 وات 4 تشانل كورى وتمام كده
لانك لو ركبت اربع سماعات وبازوكا يبقه هتحتاج جى ام 4 تشانل للسماعات وجى ام تانى للبازوكا
انما لو سماعتين وبازوكا يبقه جى ام 4 تشانل هيتوصل علي 2 تشانل السماعتين وال 2 تشانل اللى فاضلين هيتوصل عليهم البازوكا بريدج وكده تمام جدا
والصوت هيبقة كويس جدا جدا ومش هتحتاج تزود حاجه إلا لو انت من هواة الصوت الغير طبيعى زي حالاتى يبقة زود بقه زى ما انت عاوز هههههههه
بس جرب السماعتين مع البازوكا وانا متأكد انك هتبقة مبسوط جدا جدا من الآداء