اشتغالات الصنابعيه

**Sherif Mandoor** · 13-09-2014 04:29 PM

السلام عليكم
الحمد لله كنت حلبس فى حيطه وربنا نجانى
الموضوع ان الرادياتير كان بينزل ميه الكلام ده امبارح الجمعه وطبعا اجازه فزودت ميه وكملت مشوارى والحمد لله
انا كنت شارى رادياتير جديد من حوالى سنه وسايبه فى البيت / صناعه تايوانى
المهم اخدته ورحت لواحد معروف فى بورسعيد المهم كشف على القديم الاول وقالى لازم يتغير وريته الجدبد اللى معايا وكانت الطامه الكبرى لقيته بيقولى ده مش حيعيش معاك ده ميستحملش السفر ولا السخونيه ولازم ترجعه
قالى انا عندى الاصلى ب650 جنيه وحباخد اللى معايا ويدفعنى فرق 500 جنيه انا اتلعب فى دماغى مش عارف اعمل ايه
المهم ماشى ياعم خلص لقيته بيفرجنى اللى عنده اقسم بالله اللى معايا برقبته
المهم رجعت فى كلامى وخليته يركب اللى معايا وجربته والحمد لله
عوانا ماشى من عنده عديت على اللى اشتريت الرادياتير من عنده وحكيتله اللى حصل وقالى عليه ده نصاب وحرامى وانه مفيش رادباتير اصلى والصينى ب500 جنيه

الاخوه الافاضل العمليه كلها نصب واشتعالات وتلبيس فى الحيط من الساده الصنايعيه ةحسبى الله ونعم الوكيل

**الاسد المهاجر** · 13-09-2014 04:35 PM

حسبني الله ونعم الوكيل
لما الصنيعي يلاقي الزبون مش فاهم حاجه لبقي عليه العوض احلا اشتغالات بس انته الحمد لله نفت منه

**agaty1st** · 13-09-2014 09:39 PM

للعلم انا ابو ما اشتريت عربيتي الابيزا جبتلها ردياتير صيني من سامح ابيزا و قعد 3 سنين في العربيه منقصش كوباية ميه و بعتها من سنتين لواحد جاري و غيره بعد سنه نتبجة حادثه
يعني حتى لو بتاعك صيني مفيش حاجه اسمها ميستحملش مشوار دول صنايعيه عاوزين الحرق

**lutenit030** · 13-09-2014 10:26 PM

اوعي تصدق الصنايعي خصوصا في موقف زي ده

**Sherif Mandoor** · 13-09-2014 11:44 PM

المشاركة الأصلية كتبت بواسطة agaty1st

للعلم انا ابو ما اشتريت عربيتي الابيزا جبتلها ردياتير صيني من سامح ابيزا و قعد 3 سنين في العربيه منقصش كوباية ميه و بعتها من سنتين لواحد جاري و غيره بعد سنه نتبجة حادثه
يعني حتى لو بتاعك صيني مفيش حاجه اسمها ميستحملش مشوار دول صنايعيه عاوزين الحرق

للاسف بيبقوا عاوزين يقلبو الزبون باى طريقه