اشتغالات زيت الفتيس

**adiaa222** · 09-09-2012 07:54 PM

انا عندى الفتيس بينقط زيت
تقريبا كل اربع شهور اروح البنزيمة وازودة وكل مرة اروح اى بنزيمة يقولى انا زوتلك 2 كيلو
سواء رحت بعد ثلاثة اشهر او خمسة اشهر والرقم ثابت 2 كيلو كل مرة ويقولى فتيس الفليشيا كبير بياخد 3.5 كيلوا زيت لزوجة 90
مش عارف ازاى اقدر اعرف هو بيزود اد اية بالضبط عشان ميضحكش عليا
طبعا الاحسن انى ازودة بنفسى بس مش عارف ازاى
ارجوا الافادة من الزملاء الافاضل

**sakr_skoda** · 09-09-2012 08:36 PM

شوف انتا ممكن تزود زيت الفتيس بنفسل اليك الشرح وصورة للتوضيح....

عليك بفك مسمار كتله واير السرعة مسمار 8 وبعد الفك سيظهر لك زور الفتيس مفتوح يكون معاك قمع بلاستيك وفى نهايته خرطوم حط الخرطوم فى الزور واسقب اليت فى القمع وزود براحتك الى ان يظهر الزيت فى حلق الزور بالداخل....

**Land_Cruiser** · 10-09-2012 12:28 AM

لو عايز حل مؤقت اشترى انت الزيت و خللى العامل يحطهولك و اقف على ايده و هو بيزود و لما يرجعلك الزجاجه شوف على المقياس اللى عليها هو حط قد ايه. مبدأيا المفروض ان لو كان فيه عضه فى الفتيس المفروض انها هتروح او على الاقل هتحس بتغيير و لو عايز نصيحتى يبقى دور على سبب المشكله و اكشف على الفتيس و اعرف الزيت بينقص ليه و حل المشكله من اساسها

**benmatar** · 10-09-2012 01:01 PM

فيتيس الفيليشيا بياخد 2.4 لتر بالتمام والكمال وزي ما بيقول الكتاب وزي ما حطينا كتير
والعربية تحطلها زيت الفيتيس وتكون على أرض مستوية وسيبك من ناس تفتي وتقول تكون مايلة لقدام أو ترفع العجلة اليمين الخلفية وكل ده فشر ومش صح بتاتا.
زيت الفيتيس اللي تحطه إما أحادي الدرجة 90 أو زيت 75w90 أو 85w90 مش مشكلة المهم مايكونش 140 الثقيل>
أنصح حضرتك تشتري منتج من شركة ليكوي كمولي جربته بيسد أي شقوق أو تسريبات بسيطة في جسم الفيتيس المانيوال، انبوبة زي انبوبة معجون الأسنان ولون المادة أزرق شبه شفاف وتحطها على زيت الفيتيس عادي خالص من نفس مكان التزويد (مكان سلك السرعة) بس لاحظإنك هتحتاج انبوبتين على الأقل عشان كل انبوبة لواحد لتر وانت عندك 2.4 يعني تجيب انبوبتين ولو عاوز تتوصى اشتري 3. بالنسبالي اشتريت 2
سعرها تقريبا 35ج.م، بس أكد على البياع إنها بتاعة مانع التسريب مش شحم الفيتيس لأن عندهم منتج مشابه بيشحم التروس والمادة لونها رمادي غامق وبرضه حلوة بس خلينا في منع التسريب الأول
النتيجة مش هتيجي من ساعتين، وإنما تمشي بيها كام يوم ويفضل مشاوير طويلة شوية.

**adiaa222** · 10-09-2012 09:17 PM

شكرا لردودكم جميعا

**sakr_skoda** · 10-09-2012 10:44 PM

المشاركة الأصلية كتبت بواسطة exact

اعتقد مش صح طريقة التزويد دي... المفروض فيه مستوى معين ما يزيدش عنه والا الفتيس هيعض...

[color="darkred"][font="arial black"][b][i][color="purple"]
ياريت حضرتك تعرفنا طريقة تزويد زيت الفتيس وازاى نعرف مستوى الزيت فى فتيس الفليشا واهو نتعلم برضوا....*

**المنسي** · 11-09-2012 11:13 PM

المشاركة الأصلية كتبت بواسطة adiaa222

انا عندى الفتيس بينقط زيت
تقريبا كل اربع شهور اروح البنزيمة وازودة وكل مرة اروح اى بنزيمة يقولى انا زوتلك 2 كيلو
سواء رحت بعد ثلاثة اشهر او خمسة اشهر والرقم ثابت 2 كيلو كل مرة ويقولى فتيس الفليشيا كبير بياخد 3.5 كيلوا زيت لزوجة 90
مش عارف ازاى اقدر اعرف هو بيزود اد اية بالضبط عشان ميضحكش عليا
طبعا الاحسن انى ازودة بنفسى بس مش عارف ازاى
ارجوا الافادة من الزملاء الافاضل

زيت الفتيس للفليشيا 2.5 لتر وزى ما الاستاذ صقر شرح بيتفك مسمار 8 او 9 تقريبا ويكون معاك خرطوم وفى نهايته قمع وتفك واير السرعة وتزود لغاية ماتشوف الزيت قدام عينك وبعدين تقفل اما موضوع التسريب ممكن يكون من الكاوتشة اللى ناحية الفتيس لو عرفت تجيب واحدة اصلى انا غيرتها مرتين الاولى طلعت مضروبة والتانية الحمد لله اصلية ومفيش تسريب لغاية دلوقتى ولله الحمد

**ehab_mansour** · 12-09-2012 11:39 AM

المشاركة الأصلية كتبت بواسطة benmatar

فيتيس الفيليشيا بياخد 2.4 لتر بالتمام والكمال وزي ما بيقول الكتاب وزي ما حطينا كتير
والعربية تحطلها زيت الفيتيس وتكون على أرض مستوية وسيبك من ناس تفتي وتقول تكون مايلة لقدام أو ترفع العجلة اليمين الخلفية وكل ده فشر ومش صح بتاتا.
زيت الفيتيس اللي تحطه إما أحادي الدرجة 90 أو زيت 75w90 أو 85w90 مش مشكلة المهم مايكونش 140 الثقيل>
أنصح حضرتك تشتري منتج من شركة ليكوي كمولي جربته بيسد أي شقوق أو تسريبات بسيطة في جسم الفيتيس المانيوال، انبوبة زي انبوبة معجون الأسنان ولون المادة أزرق شبه شفاف وتحطها على زيت الفيتيس عادي خالص من نفس مكان التزويد (مكان سلك السرعة) بس لاحظإنك هتحتاج انبوبتين على الأقل عشان كل انبوبة لواحد لتر وانت عندك 2.4 يعني تجيب انبوبتين ولو عاوز تتوصى اشتري 3. بالنسبالي اشتريت 2
سعرها تقريبا 35ج.م، بس أكد على البياع إنها بتاعة مانع التسريب مش شحم الفيتيس لأن عندهم منتج مشابه بيشحم التروس والمادة لونها رمادي غامق وبرضه حلوة بس خلينا في منع التسريب الأول
النتيجة مش هتيجي من ساعتين، وإنما تمشي بيها كام يوم ويفضل مشاوير طويلة شوية.

سؤال لحضرتك
انت عندك التسريب كان من اولسيل اللي حوالين الوصلة اللي بتتركب في عصاية الفتيس و اللي خارجه من الفتيس ولا كان من حاجه تانية ولما استخدمت منتج ليكوي مولي منع التسريب نهائيا و خف ولا ايه اللي حصل ارجو منك الافاده

لأني عندي تسريب من الاولسيل ده و غيرته 3 مرات و برضه بيسرب هل الماده دي هتنهي المشكلة دي

و جزاك الله خيرا

-

الموضوع: اشتغالات زيت الفتيس

LinkBack

أدوات الموضوع

عرض

-

-

-

-

-

المواضيع المتشابهه

موضوع الابراج ... حقيقي و لا اشتغالات ... و ليه ؟

من غير تريقة و من غير اشتغالات !!!

ماستر الدبرياج و اشتغالات

سعر الاوبل وقع ولا اشتغالات

صيانة 10 و 40 الاف دة اشتغالات من التوكيل

الكلمات الدلالية لهذا الموضوع

المفضلات

المفضلات

ضوابط المشاركة