الموضوع: أنا اسف بس مش هسكت !!!

المشاركة الأصلية كتبت بواسطة amr_8800

والله معاك حق
طول مهو في حد بيدفع في عربيه مستعمله اكتر من ثمنها وهي زيرو متستناش اي حاجه من السوق ده
وعلى ذكر الكورولا ٢٠٠٧ احنا سعب بيجيد صناعة الفرعون صنعنا سوق الكورولا والان بنعبدها
رغم انها عربيه عاديه جدا
طبعا مش بقلل منها والله بس السوق بيتعامل معاها على انها مرسيدس ولا فولفو

بالظبط كدة

لسة واحد فى الجروب عارض كورولا 2006 ماشية 200 الف كيلو ب 125 الف جنيه
ههههههههههههههههههههههههه وزعلان ان الناس مش عاجبها و بيقولهم انتو بتحقدوا عليا هههههههههههه

المشاركة الأصلية كتبت بواسطة amr_8800

يا فندم اسؤلو هو كان شاريها زيرو في٢٠٠٦ بكام

عربيه في الشارع بقالها اكثر من ٨ سنين وماشيه ٢٠٠٠٠٠ كيلو
انا عن نفسي مدفعش فيها فلوس اصلا

الرد معروف مسبقا وجاهز .... دى يابانى تقفيل بلادها يا بيييييييييييه ... قلتله طب انا اشتريها و بعد 3 سنين تبقى عاملة 300 الف كيلو وموديل 10 سنين فاتت ؟؟ لا و كمان ثباتها سئ جدااااا ... يعنى هو عزقها 8 سنين ببلاش واجى انا اشيل قرفها و اكتر من السعر اللى هو اشتراها بيه ؟؟

كلامكم صح سوق المستعمل بقى حاجه الواحد مش عارف يضحك و لا يبكى عليها
بتسمع و تشوف أسعار عجيبة علشان (سمعة ماركة ما كويسه), و التوكيلات برضو بتعمل نفس الكلام مع الجديد
الكيا برايد أول منزلت كانت بـ 14000 و الناس عماله تتريق و تقول كورى و كلام فاضى دلوقتى بتتباع مستعمله من 97 و بـ 30000 !!!!
و اللوجان كانت بـ 55000 و الناس كانت عماله تقول هيا و لا اللادا, علشان قطع الغيار, أول ما شمت نفسها عدت الثمانين ألف و شرخت !!!

المشكله هنا فى إن مفيش قاعده للتحكم فى سوق المستعمل (و لا الجديد حتى) يعنى أى حد بيضرب أى سعر و اللى جنبه بيقلده و هكذا , ييجى التوكيل يلاقى المستعمل رفع يقوم رافع سعرة هو كمان, و لو حاولت تقاطع علشان أنت راجل شقيان و عارف الفلوس بتيجى إزاى هتلاقى مليون واحد غيرك فى البلد دى عايشين فى الفته و لا عندهم أى مشكله انهم يشترو (أى عربيه) بأى سعر, دى مشكلة طبقية بتخلى دايماً فى إقبال على السلعة مهما كان سعرها غير متوافق معاها, و متوسط و محدود الدخل هو اللى بيدفع الثمن.