صني ولا سانديرو ستب واي ولا بيجو 301 ؟

**ISCO** · 16-09-2014 10:38 AM

دلوقتي انا محتار بين ال 3 عربيات دول والمشكلة ان لو مثلا العربية حلوة ممكن التوكيل زفت ولو التوكيل حلو العربية مش مساوية للفلوس بتاعها فرأيكم احسن عربية في التلاتة من ناحية التقييم النهائي ايه انا اللي معايا اخره 125 دلوقتي ده بالترخيص بكل حاجة وانا عايز العربية مانيوال عشان مبرتحش في الاوتو لو حد عنده خبرة في الموضوع ياريت يفيدني ويبقي جزيل الشكر ليه

**adel_edrees** · 16-09-2014 10:50 AM

مبدئيا كده أحذف النيسان صنى و خليك فى البيجو

**.Mohamed Abdo** · 16-09-2014 03:15 PM

واقع فى نفس الحيرة بس نصيحه لو حتفكر تبيع البيع فى المانيوال بيخسر عن الأوتو الرغبه فى الأوتو أكتر أكيد
إيه هو عيب الصنى القاتل ده ؟؟

**.Mohamed Abdo** · 16-09-2014 03:18 PM

المشاركة الأصلية كتبت بواسطة adel_edrees

مبدئيا كده أحذف النيسان صنى و خليك فى البيجو

ليه هى الصنى فيها عيب ولا إيه ؟؟ أنا أسمع عن الفرامل و الثبات مش أوى فيه حاجه تانيه ؟

**ISCO** · 16-09-2014 03:51 PM

المشاركة الأصلية كتبت بواسطة .mohamed abdo

واقع فى نفس الحيرة بس نصيحه لو حتفكر تبيع البيع فى المانيوال بيخسر عن الأوتو الرغبه فى الأوتو أكتر أكيد
إيه هو عيب الصنى القاتل ده ؟؟

انا عندي مشكلتين في الوتو اولها الوالد طول عمره مانيوال ومصر اني اتبع خطواته حتي لو هيطلع عيني تاني حاجة انا عمري ماسقته وخايف اجيبه ابوظه من اولها ودي اكتر حاجة مخوفاني من البيجو عشان الفئة المانيوال مافيهاش حاجة والاوتو بتاعها حاسس انه معقد وشغل تفكيك قنابل اللي مضايقني في الصني انهر خفيفة جدا علي السريع وواحد صاحبي معاه قالي لو هتسوق علي السريع كتير بلاشها

**Omar Mahmoud** · 16-09-2014 03:53 PM

بيجو 301 هي الافضل

**ISCO** · 16-09-2014 04:00 PM

طب التوكيل ايه نظامه انا في الاسكندرية هل بيفهمو ولا يغرقو ؟

**.Mohamed Abdo** · 16-09-2014 07:47 PM

المشاركة الأصلية كتبت بواسطة isco

انا عندي مشكلتين في الوتو اولها الوالد طول عمره مانيوال ومصر اني اتبع خطواته حتي لو هيطلع عيني تاني حاجة انا عمري ماسقته وخايف اجيبه ابوظه من اولها ودي اكتر حاجة مخوفاني من البيجو عشان الفئة المانيوال مافيهاش حاجة والاوتو بتاعها حاسس انه معقد وشغل تفكيك قنابل اللي مضايقني في الصني انهر خفيفة جدا علي السريع وواحد صاحبي معاه قالي لو هتسوق علي السريع كتير بلاشها

أستخير ربنا و شوف ربنا هيهديك لإيه بس نصيحه اشترى الأوتوماتيك لأن المانيوال بجد بيخسر فى البيع و مش أى حد بيفضل مانيوال و حتت إنه يبوظ يعنى تفائل بالخير إن شاء الله ميبوظش ولا حاجه ما شاء الله العربيات الأوتوماتيك ماليه البلد ما شاء الله متقلقش حافظ إنت بس و خد بالأسباب و إن شاء الله خير

**Omar_4ever** · 18-09-2014 01:17 AM

بيجو اكيد احسنهم وتكون اوتوماتيك واسعار قطع غيارها معقولة لكن الناس بتشتم في التوكيل

الصني معقولة جدا بالنسبة لسعرها والتوكيل جيد - قطع غيار معقولة

السانديرو عربية كويسة وصحابي بيشكروا فيها لكن قطع غيار الميكانيكا مش بيلاقوها بسهولة وغالية

استخير ربنا ، وانا برشح البيجو وتكون اوتوماتيك وتحافظ عليها