تغيير طقم مراوح تبريد كوردوبا 2002 من عباد الرحمن للاستيراد

**ehab_mansour** · 16-09-2014 11:49 PM

السلام عليكم و رحمة الله و بركاته
اليوم و انا راجع من الشغل لقيت عربيتي مش مضبوطه و التكييف أدائه مش كويس بشكل يثير الريبه المهم لما الدنيا زحمت بطلت التكييف لقيت العربية بتكركر مع الغيارات و مش مضبوطة خالص قلت يمكن وساخة بنزين ولا حاجه

وصلت البيت ركنت العربية برده للصدفة بتصنت لصوت الماكينة بعد ما بطلت لقيت صوت خافت ضعيف اكن حاجه دايرة بس ضعيفة !!!!!!!!!!!!!! فيه شيء مريب اكبر دامغي ولا افتح الكبوت ؟؟؟؟ فضلت متردد للحظات و الاخر فتحت الكبوت لقيت مروحة التبريد الصغيرة دايرة بسرعه بطيئة علي غير عادة دورانها + الكبيرة مش دايرة من اساسه حاولت الفها بايدي لقيتها قافشة ... قلت اهلا و سهلا

المروحة دي صوتها خشن من يوم شرائي للعربية لكن بقت مزعجة قوي بقالها ييجي سنة كده او اقل و انا مكبر دماغي قلت لما تسكت خالص و اهي سكتت

فكيت الطقم و اخدته الشقة فوق و فكيت الموتور البايظ عشان احاول اغيرله بلي و للاسف اكتشفت فعلا ان بليته قافشة لكن لما بيتفك مش بيرجع يتقفل تاني للاسف لأنه علي شربونات + قلب بملفات + اقطاب مغناطيسية دائمة فلما بيتفك الشربونات بتطلع من مكانها و مش بتعرف ترجعها تاني و تظبطها علي الكليكتور و الظريف اني واخد اجازة و مسافر المنصورة اساسا الفجر فمافيش وقت للاختراعات .... التغيير وجب اولا و بعدين نبقي نتصرف في دول

بدأت اعمل اتصالات لقيتها جديد عند اليسر هنا في اكتوبر الموتور ب 500
اتصلت بالراجل بتاع الوكاله قلي ب 600 الطقم كامل مروحتين بالشاسيه باسلاكهم بفيشهم او 350 الموتور لوحده بمروحته
اتصلت بأيمن جمعه صاحب محل عباد الرحمن قعد يشتكيلي من المنتدي و ان احنا سوءنا سمعته و بتاع المهم ياعم المروحة ... طيب الطقم ... معنديش .... قلتله ماليش فيه انا عايز مروحة ... قلي لأ تاخد طقم مراوح كامل بالشاسيه بالفيش بكان ياعم قلي عشان خاطرك انت و انت حبيبي ب 300 طب ينفع طب مينفعش قلي هما 300 و تعالي خده دلوقتي

نزلت روحلته جبت الطقم ب 300 متجرب و شيلت طقمي خالص و الحمد لله جربته تمام و زي الفل و هدووووووووووووووء خالص بعد الدوشة اللي شغاله عندي بقالها سنة مع تشغيل التكييف
و الحمد لله

فيه ملحوظة أخري اني اتفقت مع أيمن عشان نشتري منه يلزمنا اسعار كويسه + حاجه نضيفه علي التجربه + مصداقية في التعامل و يسيبه من شغل التحوير شوية

و قد كان و اتفقت معاه علي شورت بلوك ب 2500 للتغيير كبديل للمحركات ال 1000 سيسي للابيزا موديل 2000 الي 2002 عشان كان كلمني استاذ وائل عطيه و فيه اكتر من واحد محتاجه و ده سعر نهائي

اللي عاوز الشورت بلوك ده يكلمني و انا هتفق معاه و يروحله بميكانيكي يختار من المكن اللي هناك اللي يعجبه و يحاسب و يمشي طبعا دي محاولة مني للتظبيط مع احد التجار لمنفعة اعضاء المنتدي

و بالتوفيق للجميع و ده رقمي للي محتاجه 01272001177

**hossamalsadik** · 17-09-2014 01:36 AM

ألف مبروك ياهندسه الطقم الجديد
بتروح من ورانا لايمن هههههه
لابجد الراجل تعامله معيا كويس جدا أو يمكن انا بعرف اتعامل معاه وأنا اهم حاجه عندى أن الحاجه تكون سليمه ونمره واحد والسعر مبختلفش عليه كتير طلما مش مبالغ فيه قوى يعنى لان الحاجه زى ما الكل عارف معمره جدا وبرضوا كل الى جبته منه سابقا كان سعره كويس جدا من عنده وعمتا كويس أنك لفت نظره فى موضوع الاسعار وده فائده عامه للجميع
بس انتا تقصد ان الطقم فى الوكاله ب 600ج وعند ايمن ب 300 لو كان كده يبقى الفرق جامد
ومواتير ال 1000cc قليله شويه هوا عنده منها ولاتقصد البلوكه 1400cc

**Mahmoudelsayed** · 17-09-2014 10:24 AM

الحمد لله .... خير ان شاء الله

**Karim Ibiza** · 17-09-2014 09:00 PM

عميد قسم سيات
مبروك المروحة الجديدة وشكرا لنقل التجربة
بس عايزين صور ياحج ايهاب

موضوع ايمن ده فعلا هيفيد القسم جامد بس اهم حاجة انه يبقى سالك ويبطل حوارات التجار دى

**ehab_mansour** · 20-09-2014 02:54 PM

المشاركة الأصلية كتبت بواسطة hossamalsadik

ألف مبروك ياهندسه الطقم الجديد
بتروح من ورانا لايمن هههههه
لابجد الراجل تعامله معيا كويس جدا أو يمكن انا بعرف اتعامل معاه وأنا اهم حاجه عندى أن الحاجه تكون سليمه ونمره واحد والسعر مبختلفش عليه كتير طلما مش مبالغ فيه قوى يعنى لان الحاجه زى ما الكل عارف معمره جدا وبرضوا كل الى جبته منه سابقا كان سعره كويس جدا من عنده وعمتا كويس أنك لفت نظره فى موضوع الاسعار وده فائده عامه للجميع
بس انتا تقصد ان الطقم فى الوكاله ب 600ج وعند ايمن ب 300 لو كان كده يبقى الفرق جامد
ومواتير ال 1000cc قليله شويه هوا عنده منها ولاتقصد البلوكه 1400cc

ولا بروح لوحدي ولا من وراكو ولا حاجه انا فقط لما بحتاج الحاجه بحاول قدر المستطاع اتصرف بنفسي دون ان ازعج احد ... بس
اما ايمن فأنا برده بعرف اتعامل معاه و بجيبهاله علي بلاطه و عجبني الحاجه و سعرها بشيلها معجبنيش خلاص
اما ما يخص طقم المراوح ففعلا كلمت عبده نصر و قلي علي 600 المهم ضغطت عليه شوية قلي بس لما تيجي انما ايمن جبها علي بلاطه و قال 300 و عجبني فاشتريت

هو عنده مواتير كاملة 1400 شبه اللي عندك بس ال 1400 و شكلها نضيف و قلي اي شورت بلوك منهم ب 2500 بس من غير نقاش تاني لأني جبتهاله برده من الاخر و اللي عجبه يقلي و اهلا و سهلا و اللي يلاقي سعر في اي مكان تاني فهو اولي بيه

المشاركة الأصلية كتبت بواسطة agaty1st

ألف مبروك
معاملة ايمن و اخوه من مكفرات الذنوب

ربنا المستعان ... هنعمل ايه يعني مضطرين نتعامل معاهم و كل التجار كده و اسوء

**ehab_mansour** · 20-09-2014 02:59 PM

المشاركة الأصلية كتبت بواسطة karim ibiza

عميد قسم سيات
مبروك المروحة الجديدة وشكرا لنقل التجربة
بس عايزين صور ياحج ايهاب

موضوع ايمن ده فعلا هيفيد القسم جامد بس اهم حاجة انه يبقى سالك ويبطل حوارات التجار دى

ربنا يكرمك يا كيمو ... ولا عميد ولا حاجه ربنا يسترنا في الدنيا و الاخره
موضوع الصور للاسف صعب معايا لأني مافيش حاجه بعملها بمزاج للاسف بكون مضطر و مستعجل و مافيش وقت دايما و ربنا المستعان

موضوع ايمن اتمني نستفيد منه قدر المستطاع و ربنا الموفق و انا فهمته كده فعلا

المشاركة الأصلية كتبت بواسطة mohammad isdf

كويس جدا بس كويس انه عرف أهمية المنتدى وانه اتغر فى نفسه وظن ان هيمشى الناس على مزاجه وميعرفش ان فى عشرات غيره ممكن نجيب منهم اللى عايزينو

أنا سعيد يا ريس انك عملتلنا المبادرة دى بس يا رب يطلع صادق هو واللى معاه

ربنا يكرمك يا استاذ محمد و يهديه

المشاركة الأصلية كتبت بواسطة mahmoudelsayed

الحمد لله .... خير ان شاء الله

الحمد لله

المشاركة الأصلية كتبت بواسطة a_7akam

مبروك يابشمهندس

الله يبارك فيك و فيكم جميعا

-

-

-

-

الموضوع: تغيير طقم مراوح تبريد كوردوبا 2002 من عباد الرحمن للاستيراد

LinkBack

أدوات الموضوع

عرض

تغيير طقم مراوح تبريد كوردوبا 2002 من عباد الرحمن للاستيراد - انشر الموضوع فى :

-

-

-

-

-

المواضيع المتشابهه

تغيير طقم دبرياج كامل لعربيتي ..كوردوبا 2002

تقرير تغيير بوابة الحقن الالكتروني - كوردوبا 2002 - معلومات فنية حول البوابات

مقابلة سريعه - عباد الرحمن للاستيراد - كل الشكر لحسام بيه

مراوح تبريد الموتور

الكلمات الدلالية لهذا الموضوع

المفضلات

المفضلات

ضوابط المشاركة