الف مبروك تغيير البوابة
التفكير في البدائل عين العقل
طالما عارف حاجتك كويس اوي يبقي تقدر تركب اللي يناسبها حتي لو كان بتاع بيجو
تحياتي
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
السلام عليكم و رحمة الله و بركاته
احبابي و اخوتي في نايل موتور حابب اشارككم تجربتي في تغيير بوابة الحقن الالكتروني الخاص بسيارتي و اللي هي بتسمي بوابة كهرباء ببكرة و كهرباء بواير (يعني الاتنين مع بعض )
اولا :- بوابة عربيتي منذ شرائي لها و لها بعض السقطات كانت تحدث للمحرك و عدم انتظام للسلانسيه و طبعا انا كنت عارف ان المشكلة من البوابة نفسها و مكبر دماغي حتي تنتهي تماما ابقي اغيرها
ثانيا :- منذ ستة اشهر بوابة عربيتي قفلت تماما و مكنتش عايزه تفتح سلانسيه ففكيتها و نظفتها جيدا و فكيت غطاها الفبر كمان و نظفت حساس ال tps و كل حاجه من الداخل و اشتغلت وقتها شوية كويس حتي من اسبوع
ثالثا :- منذ اسبوع البوابة عندي قفلت تاني تماما و مش عايزه تفتح سلانسيه يعني لما تدور الصبح بتدور العربية علي ار بي ام واطي جدا حوالي 400 الي 500 لفة في الدقيقة بدلا من 1300 الي 1400 عند التسخين
عملت فيها نفس التنظيف و المراجعة ولا حياة لمن تنادي
حطيت العربية علي الجهاز عندي لقيتها مدياني الايرور ده :-
Control Module Part Number: 6K0 906 030 H Component and/or Version: MARELLI 1AV S106
1 Fault Found:
- : Throttle Position Actuator (V60)00282
36-00 - Open Circuit
و ده معناه ان الشيء اللي بيفتح البوابة اطرافه مفتوحه و ده معناه ان مش شغال
عشان نعرف كويس بنتكلم عن ايه يبقي لازم نعرف مكونات البوابة ايه اساسا :-
1- ستييبر موتور صغير stepper motor و ده المسئول عن فتح البوابة في السلانسيه و ده اللي هو throttle position actuator
2- مقاومة متغير علي جزئين potentiometer و دي المسئوله عن تعريف الكنترول بنسبة و زاوية فتح البوابة في كل الاوضاع و دي اللي بتسمي ايضا tps اللي هو throttle position sensor
3- لماستين نحاس بيقفلوا علي بعض لما البوابة بتقفل و دول عشان يقولو للكنترول ان انت في وضع السلانسيه دلوقتي و ده اسمه idle position switch
4- شوية تروس و توصيلات و فيشه خارجيه و جسم البوابة و بس
الايرور بيقول ان الموتور بالسلامه ... مات .. اللي بيفتحها سلانسيه
ففكيتها تاني و فعلا قيست الموتور و بين اطرافه لقيته بيعطي مقاومة مالانهاية و ده معناه ان اطرافه مفتوحة و ده معناه انه ملفه اتحرق او فصل يعني ... مات
بحثت علي الانترنت و اسشرت الكثير من الاصدقاء التقنيين حول نوعية البوابة و بدائلها محدش افدني بكثير غير اني لازم اغير نفس النوع بالبارت نمبر و ده صعب جدا يمكن مستحيل لأني عارف ان نوع محرك عربيتي ال 1000 سيسي 16 فالف ده نزل قليل جدا و منزلش في اوروبا اساسا و ليه بعض قطع الغيار قليلة
المهم حسب فهمي لأنظمة المحركات و الكنترول فلدي قناعة ان اي بوابة ليها نفس مقاس فوهة البوابة اللي هو مدخل الهواء و بنفس النوع ( واير و كهرباء ) و بنفس الفيشة هتشتغل بدون مشاكل لأنها مافيش جواها شيء مبرمج ولا اي حاجه غير الحساسات اللي ذكرتها فوق دي و دي طالما المقاسات زي بعضها هتبقي متطابقة و لا فرق .. لذلك عرفت ان فتحة البوابة بتاعتي 44 ملليمتر زيها زي بوابة المحرك ال 1000 ال 8 فالف زيها زي بوابة ال 1400 و 1600 حتي 75 حصان و موديلات حتي 2002 فقط و لكن تختلف فقط في وجود فتحة زيادة لمبخر البنزين في اي نوع من دول و الفتحة دي مغلقة عندي تماما و فيه جزء بين البوابة و الماينفولد هو ده اللي فيه الفتحة دي (طبعا كنت مصور صور و لكن منفعتش و هرفعكلم المتاح ) ... لذلك فقررت اني هشتري بالبلدي بمقاس فوهة البوابة و الفيشة و الهيكل العام و التثبيت و هنسي تماما موضوع البارت نمبر ليقيني تماما اني مش هلاقي نفس البارت نمبر اللي عندي و قد كان
بدأت رحلة البحث ان بوابة جديدة و ايهما تناسب سيارتي و سألت الكثير من الاخوة و منهم مهندس محمد سيد ربنا يباركله و هو سألي عنها عند واحد بيبيع استيراد و قلي ب 500 جنيه و اتصلت ب ابو شهد في الحرفيين و قلي ب 650 جنيه !!!!!!! يا نهار ...... بوابة اخر معرفتي بيها انها كانت ب 250 الي 300 جنيه قلت حرام كده كتير جدا جدا جدا
المهم جه عندي مشوار شخصي يوم الجمعه الماضيه و مضطر اسافر و كمان بسرعه و محتاج اغير البوابة لأن الجو حر و تراب و عايز اشغل التكييف و ده مش نافع مع بوابة بايظة عشان اول ما تقف سلانسيه التكييف بيبطل العربية
نزلت مشوار داخل القاهرة و لقيت نفسي قريب من الوكالة و فيصل و مش عارف اوصل لأي حد يعرف حد في فيصل او الوكالة قمت راكن قرب الوكالة و دخلت سألت ناس دلوني علي واحد اسمه عبده نصر قلتله علي البوابة و دخلت بنفسي قلتله هي دي زي بتاعتي بس فيها فتحة مبخر زيادة عايز اقفلها اداني جزء خرطوم من واحده تانيه و قلي اقفله قلتله تمام ... بكام باعم ..... ب 250 !!!!!!! هههههههههه يا نهار ابيض قلتله طيب ده كده كتييييييييير و انت لازم تنزلي شوية (بهرج طبعا ) قلي اللي تدفعه و خد الكارت اهه و عنينا ليك في اي حاجه قلتله لا اللي هتقول عليه قلي 230 دفعتهم و اخدتها قلتله العربية علي الكورنيش هركبها حالا و اجربها لو فيها حاجه... قلي جرب ولو منفعتش تعالي خد اللي يعجبك
خرجت من عنده مبسوط جدا و ركبتها و نضفتها تنظيف خفيف و جربت كله تمام و الحمد لله قفلت شغلي و سافرت بيها المنصورة و لما رحت هناك عملت ريسيت للايرور بالكمبيوتر و كله زي الفل و الحمد لله
و نسألكم الدعاء بالتوفيق و السداد و ربنا يهديها عليا بقه كفاية كده ههههههه
و دي صورة شبيهه لبوابة عربيتي بالضبط
و دي صورة البوابة اللي انا ركبتها فعليا و اغلقت مكان الفتحة اللي هي من الصباع الاصفر النحاسي اللي جنب الفيشة ده
م / إيهاب منصور
SEAT CORDOBA 2002 1.0 16V AVZ
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
الف مبروك تغيير البوابة
التفكير في البدائل عين العقل
طالما عارف حاجتك كويس اوي يبقي تقدر تركب اللي يناسبها حتي لو كان بتاع بيجو
تحياتي
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 41971
تاريخ التسجيل : 06Jun2009
المشاركات : 3,465
النوع : ذكر
الاقامة : heliopolis
السيارة: ......
السيارة[2]: sieena
دراجة بخارية: no
الحالة :
مبروك البوابة و حسن التصرف...
يا رب لك الحمد ، يارب نسألك من فضلك ،يا واحد يا احد يا حنان يا منان
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
رقم العضوية : 25845
تاريخ التسجيل : 22Nov2008
المشاركات : 916
النوع : ذكر
الاقامة : Cairo,Eg
السيارة: الحمد لله
السيارة[2]: Seat Ibiza 2000
دراجة بخارية: No
الحالة :
مبروك يا ايهاب بك
[img2]http://www.nileup.com//uploads/images/s7080affcc2.jpg[/img2]كل شيء زائل و نحن الذين نعطيه قيمته و أهميته .. ثم نتألم و نتعذب من أجل هذه الأهمية المزعومة
رقم العضوية : 126634
تاريخ التسجيل : 25Jun2012
المشاركات : 687
النوع : ذكر
الاقامة : المعادى - القاهرة
السيارة: لا يوجد
السيارة[2]: Ibiza 98
دراجة بخارية: no
الحالة :
الف مبروك تغير البوابة وبرافوا عليك فعلا الاستغلال وباء منتشر بين تجار الاستيراد والجديد وخصوصاً للسيارات الاوربية
[grade="00008B FF6347 008000 4B0082"]IBIZA 98 - 1.4 Engine[/grade]
رقم العضوية : 125812
تاريخ التسجيل : 07Jun2012
المشاركات : 2,519
النوع : ذكر
الاقامة : Dammam-KSA
السيارة: Lada 2105 1984 Sold
السيارة[2]: Ibiza 6K 101 HP
دراجة بخارية: لا يوجد
الحالة :
مبروك يا ايهاب تغيير البوابة
بصراحة الواحد كل يوم بيكتشف انه كان بيتعامل مع بصمجية مش ميكانيكية والافتاءات الرهيبة اللى كنت بسمعها منهم
اكيد طبعا مش كلهم كدا
بوابتك نفس فكرة بوابة الـ vr6 كابل وكهرباء مع بعض بس طبعا مع اختلاف الحجم
وبالنسبة للراجل اللى انت جبت منه البوابة ياريت نقع لنا على كام واحد زيه كده بدل السفاحين اللى فى الحرفيين
وغالبا اللى كده ده هتلاقيه فى مكان منعزل وفاتح مع نفسه وما بيصدق يلاقى زبون
ربنا يباركلك
Karim Samy - Business Development
Fiat 128 Model 1983 1100cc
Lada 2105 Model 1984 1200cc & 1300cc
Nissan Tiida Model 2007 1600cc
SEAT ibiza 6k Model 1998 1000cc AER , 1400cc AEX & 1600cc AFT
Toyota Corolla Model 2013 1600cc
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
م / إيهاب منصور
SEAT CORDOBA 2002 1.0 16V AVZ
رقم العضوية : 102423
تاريخ التسجيل : 06Jun2011
المشاركات : 139
النوع : ذكر
الاقامة : cairo
السيارة: seat
السيارة[2]: mazda
دراجة بخارية: لا
الحالة :
الف مبرووووك وشكرا على المعلومات القيمه والاسلوب الرائع في الشرح
Eng.Abd El-Fattah Hamdy
Seat Ibiza 2001 1400cc 75HP
رقم العضوية : 146785
تاريخ التسجيل : 01Aug2013
المشاركات : 150
النوع : ذكر
الاقامة : طنطا
السيارة: ابيزا
السيارة[2]: ابيزا 2001
الحالة :
عنوان ورقم التاجى لو سمحت
المفضلات