الموضوع: حجر في منتصف الطريق

المشاركة الأصلية كتبت بواسطة عماد تامر

الاخوة الافاضل
اثناء ما انا ماشي على الطريق السريع فوجئت بحجر ضخم في منتصف الطريق تقريبا كان حد واقف على الطريق وبيغير فردة كاوتش وكان حاطه علشان يأمن بيه نفسه علشان ماتخبطش فيه العربيات على الطريق لحد كده ممكن نقول مفيش مشكله لاكن بعد ما يصلح عربيته يمشي ويسيب الحجر في نصف الطريق هو ده التصرف السيئ اللي بسببه حصل اللي حصل معايا الحجر كان في منتصف الطريق وعلى جانب الطريق ترعه فاضطررت ان امسك فرامك قدر الامكان واستمر دون الانحدار الى جانب الطريق فالتالي مر الحجر اسفل السيارة وسبب خبطة في كوعة الشكمان اسفل الفرن وايضا خبطه اسفل صندوق التروس كما واضح في الصورة
الحمد لله على كل شئ
سؤالي للاخوة الافاضل اين اجد قطعة غيار الشكمان وكم سعرها
في الصورة يوجد رشح زيت اسفل صندوق التروس لا اعرف هل بسبب الخبطه او هذا الرشح كان موجود من قبل ذلك مع العلم لم اري اي بقعة زيت اسفل السيارة في اليوم التالي مجرد رشح فقط
ما تأثير هذا الرشح وما هي طريقة منعه وهل هذا الرشح يسبب نقص في زيت الفتيس وكيف اعرف ان زيت الفتيس مظبوط
شكرا لكم

الاخ الصديق / الاستاذ عماد
اولا: ما اصابك ما كان ليخطئك وما اخطأك ما كان ليصيبك قدر الله وما شاء فعل .
ثانيا: الف حمدلله على سلامتك واللى معاك اى حاجة فى الحديد تتصلح ما تزعلش.
ثالثا : موضوع الشاكمان ده اي واحد بتاع شاكمانات ح يغير لك الكوعة التالفة دى ومش ح تتكلف كتير.
رابعا : موضوع الفتيس حضرتك ح ترفع العربية وتغسل مكان رشح الزيت با الماء والصابون جيدا وتفحصه جيدا ايضا من الكسر والشروخ لا قدر الله.. وان شاء الله يكون خير ... ومقاس زيت الفتيس, يوجد من ناحية العجلة الشمال طبتان(2 طبة) مفتاح النكية 8 مم واحدة تحت ودى اللى بتفضى منها الزيت فى حال تغييره.. والثانية اعلى منها ودى اللى بتزود منها الزيت وفى نفس الوقت هى المقاس عند ما ترجع الزيت فهذا معناه ان الفتيس اتملى و زيت الجيربوكس تمام.