استفسار هام عن تغيير زيت الفتيس فى جيتا 2008

**Mohamed Sorour** · 25-09-2014 10:18 AM

ليه فى التوكيل بيقولو ان مفيش حاجة اسمها تغيير زيت فتيس؟ مع ان كل مراكز الخدمة برة التوكيل بتقول العكس؟ ولو عملت صيانة برة التوكيل ازاى اتأكد ان المركز ده بيحط قطع غيار اصلى؟:

**m07mad** · 25-09-2014 11:31 AM

متابع بأهتمام بس انا عاوز انبه حضرتك على حاجه توكيل فولكس بهايم بمعنى الكلمه لان الجيتا هيا هيا الـ a5 و الفاتازيا نفس المتور و الفتيس و لو روحت توكيل سكودا هتلاقيهم محترمين و في صيانة ال٦٠ الف هيغيرولك زيت الفتيس و الفلتر و دي اهم حاجه للحفاظ على فتيس العربيه دي لان حساس بزياده و انا عن نفسي في الصيانات بتعامل مع مراكز صيانه معتمده من ار توك اللي هو توكيل سكودا لان المراكز دي بيبقى توريد قطع الغيار بتاعتها من التوكيل نفسو و انا شفت الكلام دا بعيني و نصيحه مني ابعد عن الحرفين في قطع الغيار نهائياََ وبلاش تتأخر في معاد تغير زيت الفتيس عشان الجو عندنا هنا في مصر حر و اصلا الفتايس دي مش معموله للاجواء بتاعتنا في الزيت بيتعرض لدرجات حراره عاليه جدا

**Mohamed Sorour** · 25-09-2014 12:45 PM

المشاركة الأصلية كتبت بواسطة m07mad

متابع بأهتمام بس انا عاوز انبه حضرتك على حاجه توكيل فولكس بهايم بمعنى الكلمه لان الجيتا هيا هيا الـ a5 و الفاتازيا نفس المتور و الفتيس و لو روحت توكيل سكودا هتلاقيهم محترمين و في صيانة ال٦٠ الف هيغيرولك زيت الفتيس و الفلتر و دي اهم حاجه للحفاظ على فتيس العربيه دي لان حساس بزياده و انا عن نفسي في الصيانات بتعامل مع مراكز صيانه معتمده من ار توك اللي هو توكيل سكودا لان المراكز دي بيبقى توريد قطع الغيار بتاعتها من التوكيل نفسو و انا شفت الكلام دا بعيني و نصيحه مني ابعد عن الحرفين في قطع الغيار نهائياََ وبلاش تتأخر في معاد تغير زيت الفتيس عشان الجو عندنا هنا في مصر حر و اصلا الفتايس دي مش معموله للاجواء بتاعتنا في الزيت بيتعرض لدرجات حراره عاليه جدا

أشكرك على الرد
بس ممكن حضرتك تقولى ايه مراكز الخدمة الى بتعمل فيها الصيانات ومضمونة 100%؟ وحضرتك معاك جيتا موديل كام؟

ولو فيه حد يقدر يفيدنا اكتر عن فكرة عدم تغيير زيت الفتيس فى التوكيل؟

**Mohamedjetta** · 25-09-2014 02:24 PM

المشاركة الأصلية كتبت بواسطة m07mad

متابع بأهتمام بس انا عاوز انبه حضرتك على حاجه توكيل فولكس بهايم بمعنى الكلمه لان الجيتا هيا هيا الـ a5 و الفاتازيا نفس المتور و الفتيس و لو روحت توكيل سكودا هتلاقيهم محترمين و في صيانة ال٦٠ الف هيغيرولك زيت الفتيس و الفلتر و دي اهم حاجه للحفاظ على فتيس العربيه دي لان حساس بزياده و انا عن نفسي في الصيانات بتعامل مع مراكز صيانه معتمده من ار توك اللي هو توكيل سكودا لان المراكز دي بيبقى توريد قطع الغيار بتاعتها من التوكيل نفسو و انا شفت الكلام دا بعيني و نصيحه مني ابعد عن الحرفين في قطع الغيار نهائياََ وبلاش تتأخر في معاد تغير زيت الفتيس عشان الجو عندنا هنا في مصر حر و اصلا الفتايس دي مش معموله للاجواء بتاعتنا في الزيت بيتعرض لدرجات حراره عاليه جدا

كلامك مظبوط
الي صاحب الموضوع انا كان عندي عربيه النترا 2010 في سلطنه عمان وطبعا سألت عن تغيير زيت الفتيس قالولي لا مش بيتغير الزيت ولا فلترا المهم جيت انا جمركت العربيه من شهرين ونص و قومت مغير زيت الفتيس والفلتر و كانت العربيه ماشيه 115 الف تخيل انت العربيه قعدت 115 الف من غير تغير الزيت اللي مفروض يتغير ع الاربيعين الف في الاالنترا و مقدرش اقولك ع كميه الزيت المحروووق لونه اسوووووود غااامق
واحب اقول حسبي الله ونعم الوكيل في الوكلاء الغشاشين اللي في الدول العربيه

**manlook1** · 26-09-2014 01:07 AM

غيره ياباشا انا غيرته في جيتا 2007 في مركز الالمانية في المنصورة الكيلو ب 275 وغيرت الفلتر بتاع الفتيس كمان

**islamaboelnaga** · 28-09-2014 04:48 PM

هل توكيل اسكودا بيعمل صيانه لجيتا ؟؟ و ايه احسن وكيل فيهم لو سمحت ؟؟

**m07mad** · 29-09-2014 03:53 PM

المشاركة الأصلية كتبت بواسطة islamaboelnaga

هل توكيل اسكودا بيعمل صيانه لجيتا ؟؟ و ايه احسن وكيل فيهم لو سمحت ؟؟

هو توكيل سكودا نفسو طبعا لأ مش هايرضى يدخل العربيه بس حضرتك ممكن تروح مراكز معتمده من توكيل سكودا نفسه و مفيش فرق بينها و بين التوكيل بالعكس احيانا كتير بتبقى احسن لانك ممكن تتناقش مع المهندس اللي جوه و عربيتك بتبقى قدامك مش زي التوكيل العربيه بتختفي و في الاخر يجي واحد يقلك والله اصل العربيه مش عارف فيها ايه و محتاجه ايه تيجي تقولو ايه السببب يقولك اصل المهندس اللي كشف شايف كده ،،، انا عن نفسي مبحبش اتعامل مع التوكيلات غير في الكشف و معرفه سبب المشكله مش اكتر غير كده المراكز المعتمده دي بيجلها قطع الغيار الاصليه من التوكيل لانو بيبقى تابع ليه