بخصوص تغيير التابلوه و الايرباج في جيتا 2008

**Ahmed Oraby** · 10-07-2014 06:19 PM

السلام عليكم
دلوقتي العربية عملت حادثة خيشت في رصيف و جابت زيت و الاتنين ايرباج اللي قدام فتحوا
هل صحيح ان لازم التابلوه بالكامل يتغير في الحالة دي ؟؟؟؟
و تقريباً كده سعر التابلوه في حدود كام في التوكيل او في الحرفيين ؟
هل ينفع استخدم التابلوه القديم حتى لو مش عايز الايرباج تاني ؟
و بالمرة سعر فانوس خلفي و الريداتير
و هل في ورشة حد مجربها و ثقة اروحلها في الحرفيين لو لقيت التوكيل اسعاره مبالغ فيها ؟

مستنيكوا و شكراً مقدماً يا جماعة :)

**shiko85** · 10-07-2014 06:24 PM

وعليكم السلام ورحمة الله وبركاته
شوف حضرتك ورشه نايل موتورز فالحرفيين

**Omar Mahmoud** · 10-07-2014 09:02 PM

لو مش عايز تصلح الايرباج ينفع تمشي بيه عادي جدا بس تسد مكان الايرباج
بس المشكلة انك لما تبيعها هتخسر كتير علشان الايرباج اللي اتفتح

**Ahmed Oraby** · 12-07-2014 05:17 PM

شكراً على الرد يا جماعة
التكلفة عالية للاسف و بحاول اقللها بقدر الامكان
انتو متأكدين ان التابلوه مش لازم كله يتغير و ينفع استخدمه تاني و انا مش عايز الايرباج في حاجة
بتأكد بس عشان اي حد اقوله الايرباج فتح يقولي لازم التابلوه كله يتغير !!!
و العربية كده كده مش هنبيعها اصلا
هو الدركسيون اللي شكله لازم يتغير لانه متفرتك من النص تحت الكلاكس كده
الايرباج اللي في يمين التابلوه هي اللي ممكن نقفلها باي حاجة و خلاص

**شاهين - بنز** · 13-07-2014 04:40 PM

هو كان في حد قاعد جمبك ولا كان الكرسي اليمين فاضي ؟ لإن لو الكرسي فاضي المفروض الإيرباج البتاع إللي جمب السواق ميفتحش
و لازم طبعا تغيير التابلوه عشان حاجتين ، أولا إن إللي قاعد جمبك ميبقاش في خطر إفرض لقدر الله حصلت حادثة الشخص إللي راكب جمبك حيتبهدل جامد قوي وممكن كمان يطلع من الإزاز ففداهية الفلوس قصاد السلامة والأمان ، تاني حاجة التابلوه حيبقى شكله قبيح جدا ومرقع لو سديت مكان الإيرباج لإن التابلوه خلاص إتقطع

وبالنسبة للطارة ممكن تغيير الكبسولة بتاعت الإيرباج بس مش اازم الطارة كلها، لكن لو طارتك مش ملتي ولاجلد فيستحسن بالمرة تغيير الطارة كلها وتجبيها جلد وملتي

**ahmed_gamal** · 13-07-2014 05:17 PM

عادي بيتلحم و يترش و مابيفرقش عن الاول في ناس كتير بتصلحوا في الحرفيين بس المهم يكون صنايعي شاطر علشان يعمله صح

**Ahmed Oraby** · 14-07-2014 02:40 AM

المشاركة الأصلية كتبت بواسطة شاهين - بنز

هو كان في حد قاعد جمبك ولا كان الكرسي اليمين فاضي ؟ لإن لو الكرسي فاضي المفروض الإيرباج البتاع إللي جمب السواق ميفتحش
و لازم طبعا تغيير التابلوه عشان حاجتين ، أولا إن إللي قاعد جمبك ميبقاش في خطر إفرض لقدر الله حصلت حادثة الشخص إللي راكب جمبك حيتبهدل جامد قوي وممكن كمان يطلع من الإزاز ففداهية الفلوس قصاد السلامة والأمان ، تاني حاجة التابلوه حيبقى شكله قبيح جدا ومرقع لو سديت مكان الإيرباج لإن التابلوه خلاص إتقطع

وبالنسبة للطارة ممكن تغيير الكبسولة بتاعت الإيرباج بس مش اازم الطارة كلها، لكن لو طارتك مش ملتي ولاجلد فيستحسن بالمرة تغيير الطارة كلها وتجبيها جلد وملتي

كان في حد راكب عشان كده فتح
هو فعلاً المشكلة ان مكان الايرباج اتقطع.....
الطارة مالتي و خشب كده شيك اوي دي اللي مستحرم اكتر اغيرها و الله :(

**Ahmed Oraby** · 14-07-2014 02:42 AM

المشاركة الأصلية كتبت بواسطة ahmed_gamal

عادي بيتلحم و يترش و مابيفرقش عن الاول في ناس كتير بتصلحوا في الحرفيين بس المهم يكون صنايعي شاطر علشان يعمله صح

و الله حضرتك طلعتها في دماغي ....
العربية ميكانيكتها بس تتظبط و ترجع تمشي تاني و اطلع بيها عالحرفيين اشوف هلاقي حد يقدر يعملي الكلام ده بشكل كويس ولا لا

**Ahmed Oraby** · 14-07-2014 02:44 AM

يا استاذ شاهين - بنز

الكبسولة دي تقريبا بيبقى سعرها في حدود كام ؟

و الف شكر يا باشا ريحتني في حاجة من البلاوي اللي ورايا :( :d

**Omar Mahmoud** · 14-07-2014 02:44 AM

المشاركة الأصلية كتبت بواسطة شاهين - بنز

هو كان في حد قاعد جمبك ولا كان الكرسي اليمين فاضي ؟ لإن لو الكرسي فاضي المفروض الإيرباج البتاع إللي جمب السواق ميفتحش
و لازم طبعا تغيير التابلوه عشان حاجتين ، أولا إن إللي قاعد جمبك ميبقاش في خطر إفرض لقدر الله حصلت حادثة الشخص إللي راكب جمبك حيتبهدل جامد قوي وممكن كمان يطلع من الإزاز ففداهية الفلوس قصاد السلامة والأمان ، تاني حاجة التابلوه حيبقى شكله قبيح جدا ومرقع لو سديت مكان الإيرباج لإن التابلوه خلاص إتقطع

وبالنسبة للطارة ممكن تغيير الكبسولة بتاعت الإيرباج بس مش اازم الطارة كلها، لكن لو طارتك مش ملتي ولاجلد فيستحسن بالمرة تغيير الطارة كلها وتجبيها جلد وملتي

مش شرط لان واحد صاحبي عمل حادثة بجولف 6 علي المحور من شهرين و كان لوحده في العربية و كل الايرباج اللي في العربية فتح مش بتاع السواق بس