بفكر اشتري نيسان صني الشكل الجديد الفئة الاولي اتوماتيك

**trazan** · 11-10-2014 09:30 AM

انا بفكر اشتري نيسان صني الشكل الجديد الفئة الاولي اتوماتيك بس عندي شوية اسائلة ارجو الافادة:
1 - شوفت فيديو كده ان في شكل جديد نزل منها و الفيديو كان في دبي هل الشكل ده بتاع 2015 ولا لا و لو اه طيب هينزل امتي؟
2- هل المشاكل اللي انا قريتها عنها زي الطنابير و الفرامل اتحلت ولا لسا؟
3 - انهي افضل معرض ممكن اتعامل معه و لو التوكيل هستلم بعد قد ايه؟
4 - لو في اوبترا الشكل القديم , هي احسن ولا النيسان؟
5- انا محتاج عربية عالية علي الارض و اتوماتيك و تسيع ناس كتير او يكونوا قاعدين مستريحين و في الفئة السعرية دي هل الاختيار ده صحيح ؟
6 - تفتكروا سعر اعادة البيع ليها كويس و طبعا ده مش قبل 3 او 5 سنين؟

**Muslim pRoud** · 11-10-2014 01:28 PM

مش هقدر افيدك أوى بالشكل الجديد عشان مقولكش كلام غلط
لكن
عاوز اقولك حاجه
النيسان الشكل القديم عربيه محترمه جدا وعمليه جدا جدا ومفيهاش اى مشكله واثبت كفائتها كمان وبقى ليها سوق
وصدقنى
النيسان افضل بكتير من الهيونداى من ناحيه الموتور او الاستحمال او التكنولوجيا اللى فيها ودا عن ثقه وتجربه
خليك فى النيسان
وربنا يوفقك

**Karim tolba** · 11-10-2014 01:54 PM

بص يا باشا من ابو اخر

هتعد تسمع كلام الناس الى هنا الى هيدخلو كمان شوية يسبولك فى العربية

ولا هتاخد المفيد ؟

العربية زى الفل دا لو عايز عربية واسعة وعالية ومريحة جدا من جوا

وكمان وسائل امان مش موجودة فى فئات اعلى منها واغلى منها

عربية محترمة جدا موفرة جدا فى البنزين عكس الشكل القديم سفاحة بنزين

متخليش حد مبيفهمش يلعب فى دماغك ويقولك القديمة احسن والكلام الفاضى دا

القديمة حاجة والجديدة حاجة

لكن من ناحية التكنولوجيا فطبعا الجديدة تكنولوجيا موتورها احدث

خلاصة الكلام العربية جميلة جدا وواسعة جدا

مشكلة الفرامل كانت فى موديلات 2013

لكن 2014 وانت طالع تم حل المشكلة تمام

انا معاية العربية 2014 والحمد لله مظهرش معاية اى عيوب فى الفرامل نهائى بالعكس اى حد بيسوقها منى بيقولى فراملها حلوة

واهة معاية بقالها حوالى 5 شهور والحمد لله بلا مشاكل نهائى وموتور عفى وبتجرى وتجيب ال 200 لو عايز بس طبعا ميفضلش انا عن نفسى جبت بيها 180

**A_H_M_A_D** · 11-10-2014 03:11 PM

الغريب ان الشكل القديم لسه بينزل والاغرب انه نازل اغلى من الشكل الجديد ، بجد احنا شعب مالوش حل

**eng.m7md.ali** · 11-10-2014 03:46 PM

لو جبتها .. رلنا يسترها عليك .. ده اللي بقوله في عقل بالي لما اشوف اي صني خارجة من المعرض

**J A G U A R** · 11-10-2014 04:01 PM

لو هاتجيبها يبقى بلاش تزود عن 120 بالكتير
ولو بتسافر كتير وبتجرى بلاشها
وهاتسمع صوت تصفير التيل هاتغيره
وممكن يظهر حاجات تانيه انت وحظك
وهاتغير الكاوتش ضرورى علشان نوع ردىء اسمه maxxis بتوع الميكروباص كلهم بيركبوه

الخلاصه العربيه دى كويسه جدا لداخل المدينه او للسفر بس بدون سرعه
وتغير الحاجات اللى قولت عليها

**grumby78** · 11-10-2014 09:56 PM

كمالك لموديل 2013 وليها معايا اكتر من سنة ونصف بدون اي مشاكل الحمد لله . لا فرامل ولا غيره وتوكيل محترم . ابعد عن الفتايين تسلم .

**Moh. Elnagar** · 11-10-2014 10:12 PM

بعد سنة مع النيو صني سوبر صالون وسرعة 185 كم\ساعة العربية ممتازة ممتازة ممتااااااااااااااااازة وسيبك من أي كلام لأن كل إللي بيتكلموا مش معاهم العربية وعلى فكرة انا مغيرتش الكاوتش ومفيش منه مشكلة والتيل كل الماركات بقى التيل بتاعها بيصفر لأن كل التيل الجديد بقى فيه نحاس بدل الأسبستوس ومش بتظهر الصفارة إلا عند الفرملة الجامدة

للأسف كل إللي بيشتم في العربية هتلاقيه كاتب نوع عربيته غير الصني ياريت يرحموا نفسهم بقى عشان بقت حاجة تقرف

**A.Roushdy** · 12-10-2014 10:25 AM

زى ما الرجالة قالولك خليك فى الجديدة وان شاء الله مش هتندم
الشكل القيديم جميلة لكن انا شايف سعرها بقى مبالغ فيه علشان اعدادها قليلة والتجار عمالين يزودو فى سعرها
حسبى الله ونعم الوكيل فى جشع التجار

-

الموضوع: بفكر اشتري نيسان صني الشكل الجديد الفئة الاولي اتوماتيك

LinkBack

أدوات الموضوع

عرض

-

-

-

-

المواضيع المتشابهه

رينو لوجان الشكل الجديد ام نيسان صني الشكل الجديد

افضل معرض اشتري منه نيسان الشكل الجديد فين!

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي وكيل

لو انته مكاني تشتري rb اتوماتيك الفئة التانية وكيل 2012 ولا لانسر الفئة الاولي

بفكر اشترى النترا الشكل الجديد اتوماتيك ارجو المساعده من خبراء النترا

الكلمات الدلالية لهذا الموضوع

المفضلات

المفضلات

ضوابط المشاركة