نيسان نيو صنى او لانسر بومة 1300 او شيفروليه افيو او متسيوبيشى اتراج زيرو

**hanyyacot** · 12-10-2014 01:53 AM

السلام عليكم .
لو سمحتوا يا جماعة عندى صديق عايز يشترى عربية زيرو اوتوماتيك بسعر من 105 الى 115 الف بالكتير . هو عايز عربية عائلية و قطع غيار مش غالية وتكون واسعة وقليلة المشاكل والاعطال ومش هايبيع قبل 4 او 5 سنين انشاءالله . المتاح قدامه العربيات اللى تم ذكرهم فى العنوان . هل يجيب الافيو عشان واسعة ومنتشرة مع العلم ان فيها مشاكل كتير وهل المشاكل لسه موجودة لحد دلوقتى . ولا نيو صنى اللى سمع ان فيها مشاكل فى الفرامل . ولا ميتسوبيشى اتراج اللى محدش جربها و عرف اسعار قطع غيارها عالية اوى وده مايناسبهوش . ولا يجيب لانسر بومة اللى معروفة باعتماديتها العالية وجودة اليابانى بالرغم من انها بقت قديمة ومفهاش اى تجديد . هو سواقته هادية ومش بيمشى على سرعات ابدا . ارجو من اللى ليه خبرة او مالك لاى نوع من الانواع دى يفيدنا ويصححلنا اى معلومة لو كانت غلط . واثق فى ارائكم وحياديتكم انشاءالله وشكرا

**hanyyacot** · 13-10-2014 01:52 AM

ايه يا جماعة . 52 مشاهدة و ولا واحد رد او ادلى بدلوه . فين الوحوش . فين الخبرات

**iso_loma** · 13-10-2014 09:28 PM

طبعا الميتسوبيشى لانسر البومه 1300 عربيه ممتازه جدا و قطع غيارها متوفره و اعطالها قليله جدا لكن طبعا بقيت قديمه جدا و مفيهاش جديد وده اللى بيميز النيسان صنى انها جديده و امكانيتها اعلى لكن موضوع الفرامل ياريت تسال عليه انا جربت الاتوماتيك ماكنش فيها مشاكل و الافيو انصحك بالبعد عنها و مينفع تتحط فى مقارنه مع العربيات دى فى وجهه نظرى اما الاتراج بصراحه مجربتهاش لكن الاعضاء هنا بتشكر فيها و انصحك بالزيرو عشان توفر معاك مصاريف و تريحك