ابتديت رحلة شد العربيه

**smoke_vfx** · 13-10-2014 11:20 PM

عاوز خبراتكم يا جماعه انا دلوقتى الحمد لله بشد العربيه انا لسه شاريها من اسبوعين هى موديل 98 روحت للسمكرى والراجل عامل شغل كويس جدا ربنا يباركله وبعدها مرحلة رش العربيه بس انا كان نفسى اظبط صالونها كمان لكن للاسف الموضوع فتح شويتين فاسمعت عن موضوع انى ممكن اجيب كسوه وتكون كويسه وكده طيب الكسوه دى عباره عن ايه ولازم العربيه تكون معايا ولا عادى هى ليها مقاسات معروفه لو نزلت اقدر اجيبها بسهوله ... ياريت تعرفونى ايه موضوع الكسوه واقدر اجيبها منين واسعارها

**sakr_skoda** · 13-10-2014 11:54 PM

المشاركة الأصلية كتبت بواسطة smoke_vfx

عاوز خبراتكم يا جماعه انا دلوقتى الحمد لله بشد العربيه انا لسه شاريها من اسبوعين هى موديل 98 روحت للسمكرى والراجل عامل شغل كويس جدا ربنا يباركله وبعدها مرحلة رش العربيه بس انا كان نفسى اظبط صالونها كمان لكن للاسف الموضوع فتح شويتين فاسمعت عن موضوع انى ممكن اجيب كسوه وتكون كويسه وكده طيب الكسوه دى عباره عن ايه ولازم العربيه تكون معايا ولا عادى هى ليها مقاسات معروفه لو نزلت اقدر اجيبها بسهوله ... ياريت تعرفونى ايه موضوع الكسوه واقدر اجيبها منين واسعارها

ربنا يقويك وانا تحت امرك فى اى شيئ يخص الكهرباء والميكانية وخلافه لاكن حكاية الكسوة دة بجد انا بلييييييييييييييييييد جدا جدا ونفسى اتعلمها بس حنعمل اخوك غاوى زيت وشحم ودق وفك هههههههه

**smoke_vfx** · 14-10-2014 05:51 AM

المشاركة الأصلية كتبت بواسطة sakr_skoda

ربنا يقويك وانا تحت امرك فى اى شيئ يخص الكهرباء والميكانية وخلافه لاكن حكاية الكسوة دة بجد انا بلييييييييييييييييييد جدا جدا ونفسى اتعلمها بس حنعمل اخوك غاوى زيت وشحم ودق وفك هههههههه

ياعم صبحى دانت خدماتك مغرقانا كلنا ربنا يكرمك بجد دانت من اهم اسباب انى اشترى الفليشيا وحبيتها وبعدين انت بتاع الحاجات التقيله المهمه انما الكسوه والكلام ده حاجات صغيره عليك بجد انت بتاع العقد الكبيره ربنا يخليك لينا ههههههههههههههه

**smoke_vfx** · 14-10-2014 05:56 AM

المشاركة الأصلية كتبت بواسطة amoor89

من اى محل اكسسوار هتلاقى كسوة جلد للفليشيا من 90 ل 150 على حسب الخامة

الف شكر ليك هانزل التوفيقيه وهناك هاسال لانى كمان محتاج اشترى غطاء للعربيه وكوريك تمساح كمان ان شاء الله

**mostafa hassan** · 14-10-2014 10:29 AM

لو عندك مشكله كمان في فرش الباب
انا كنت سالت عليه في عزبه شلبي الباب الواحد 50 جنيه

**smoke_vfx** · 14-10-2014 03:43 PM

المشاركة الأصلية كتبت بواسطة mostafa hassan

لو عندك مشكله كمان في فرش الباب
انا كنت سالت عليه في عزبه شلبي الباب الواحد 50 جنيه

هى عزبة شلبى فين ؟
انا فرش الباب عندى تمام ماعدى الباب اللى جمب السواق مبهدل شويه وكمان الكرسى القاعده اللى تحت الكرسى اللى بيبقى فيها القرص بتاع تحكم الكرى مكسور وشكلها وحش موجوده دى ؟

**awaad8760** · 23-10-2014 04:48 AM

لسه شارى جوز كراسى اللى قدام من عند اسامه النيلى فى الفراهده ب700ج
بس غلبوا امى .....

بعد ماروحت الزقازيق وركبت كرسى السواق لقيته مش مريح ومهرى شويه من الشمال و الحزام مابيخشش فى القفل بتاعه.................!!!!!!!!! اتغميت

تانى يوم فضيتله نفسى وحطيت القفل القديم وبدلت كرسى السواق بالكرسى اللى جنبه وللاسف البكر بقى جنب القوايم مش فى النص

بس الواحد حس ان العربية رجعت 10 سنين ورا ..والكرسيين القدام طالعين خالصانين ضاربهم قطر خصوصا الكرسى بتاعى !!!!الللحامات كلها مقطومه

**Mohamed.Muslim** · 25-10-2014 02:00 AM

مكن اعرف حضرتك اشترتها بكام ؟؟

**smoke_vfx** · 25-10-2014 03:07 AM

المشاركة الأصلية كتبت بواسطة awaad8760

لسه شارى جوز كراسى اللى قدام من عند اسامه النيلى فى الفراهده ب700ج
بس غلبوا امى .....

بعد ماروحت الزقازيق وركبت كرسى السواق لقيته مش مريح ومهرى شويه من الشمال و الحزام مابيخشش فى القفل بتاعه.................!!!!!!!!! اتغميت

تانى يوم فضيتله نفسى وحطيت القفل القديم وبدلت كرسى السواق بالكرسى اللى جنبه وللاسف البكر بقى جنب القوايم مش فى النص

بس الواحد حس ان العربية رجعت 10 سنين ورا ..والكرسيين القدام طالعين خالصانين ضاربهم قطر خصوصا الكرسى بتاعى !!!!الللحامات كلها مقطومه

انا سالت على كرسيين زيك كده عند اسلام فى الوكاله قالى عندى كرسيين حلوين اوى بس مش بتوع سكودا فاقولت انزل بقى الحرفيين او كده اسال لانى عاوز بتوع العربيه ربنا يسهل