عاوز اغير الردياتير .. استيراد ولا جديد ؟

**m7nsh** · 14-10-2014 09:52 PM

السلام عليكم يا شباب .. اخباركم ايه ؟ يارب يكون كله تمام ..
اولا باعتذر عن الغياب بس الشغل و ظروفه مش راحمه .. دعواتكم ..

الموضوع ببساطه انى شايف ان العربيه بتسخن بسرعه والمراوح بتشتغل و تطفى كل شويه .. ممكن نقول عادى .. بس اللي مش عادى ان تبقى ماشى على طريق سريع بسرعه اكتر من 100 110 تلاقى العربيه تسخن و تعدى التسعين لحد 95 ..ولو كملت بتعلا اكتر ... ولو مشيت فى حدود سرعه 100 بتفضل على 90 درجه..

لو حد شاكك فى الشكمان رحت كشفت و مفيهوش حاجه ..هل توقعى انه ردياتير صح ؟ مع العلم ان مفيش تسريب و الميه مش بتنقص .. والمراوح شغاله تمام .

رأيكم جديد ولا استيراد ؟ سالت عند واحد قالى موجود اتحاد اوروبى ب 650 بالتركيب ..مواسيره مبططه كدا .. بيقلى ان مواسير الاصلي بتاعنا مدوره و المفروض انها مش بتتسد " المفروض انى كنت سلكته ونضفته من فتره كدا بس حصل فرق بسيط جدا لايذكر " .. هل المبططه احسن ولا المدوره ؟

مستنى ارائكم و مشورتكم .

**hagagatc** · 14-10-2014 10:04 PM

الريداتير عندنا مبطط مش مدور عشان تبريد الميه وزيت الفتيس ويبقي في مساحه للاتنين
الجديد افضل مفيش كلام الاستيراد مش مضمون قوي

**m7nsh** · 14-10-2014 10:11 PM

ده بالنسبه للمانيوال برده نفس الكلام يا استاذ عبد الرحمن ؟؟ تبريد الفتيس دا بتهيالى فالاوتو بس ؟

نسيت اقول نوع العربيه ..فيكترا 97 1600 مانيوال

**بيشوى_رمزى** · 14-10-2014 10:17 PM

بص يا محنش انا لسه جايب طقم تبريد كامل (ريداتير بالسبرنتينة بتاعت التكييف بالمراوح استيراد ريداتيير و تكييف عاملين 1100 قبل الفصال مانيوال برضه و على تجربة )

**hagagatc** · 14-10-2014 10:20 PM

لا الاوتو مبطط
المنيول معرفش والله بس علي ما اعتقد مش لازم مبططه عشان المنيول ملوش تبريد زيت في الريداتير واستني الاستاذ فادي معاه منيول حيفيدك اكتر

**بيشوى_رمزى** · 14-10-2014 10:20 PM

عربيتى مانيوال برضه يا كبير

**rotanamasoud** · 14-10-2014 11:01 PM

الافضل الرداتير الجديل لو فرق الفلوس قليل لو الفرق كبير حاول تشوف واحد استعمال ويكون كويس

المشاركة الأصلية كتبت بواسطة rotanamasoud

بصفه نظريه سخونه مع الجرى يعنى تبديد حرارى ضعيف
كمثال المحرك بيطلع حراره مثلا 1000 واط والرداتير سعه تبريده للحراره 800 واط طول ما انت تحت السرعه اللى المحرك بينتج فيها800 واط الرداتير بيبرد طبيعى اول ما تزود تبدء مشكله عجز تبديد 200 واط فرق(ده لو انت المحرك مظبوط والطرمبه بتقلب صح)
اخر ملحوظه غير مباشره للسخونه راجع على الفرامل لانها لو بتقفش بتسخن العربيه وراجع على الشكمان لانه لو مسدود يسخن العربيه ان شاء الله الموضوع مش حيخرج عن الاحتمالات دى

**فادى محمد** · 14-10-2014 11:37 PM

عربيتي مانوال..
شاريها برادياتير مانوال مبطط بس ماكانش اصلي كان تايواني
غيرته من فتره بواحد جديد صيني اوتو وطببت مكان زيت الفتيس وكان مبطط برده

**haisam ali** · 15-10-2014 12:34 AM

عندى سؤالين بس معلش فى النص كده :-

انتوا ليه شاكين فى الرداتير ؟؟؟ وليه بتقولوا انه بايظ ؟؟؟

وكمان يامحمد معلش انت غسلت السربنتينه بالرداتير من بره بضغط الخرطوم ولا لا ؟؟؟؟

-

الموضوع: عاوز اغير الردياتير .. استيراد ولا جديد ؟

LinkBack

أدوات الموضوع

عرض

عاوز اغير الردياتير .. استيراد ولا جديد ؟ - انشر الموضوع فى :

-

-

-

-

-

-

-

-

المواضيع المتشابهه

شيروكاوى جديد و عاوز اغير ديسك و اسطوانه شيروكى 1997

يا جماعه عاوز اغير كوتش و كل يوم اسمع نوع جديد :(

حد يعرف تمن الردياتير جديد و استيراد ؟؟؟ ميجان 2

عاوز اغير الردياتير

عاوز اغير طنابير اماميه اجيب استيراد مستعمل ولا جديد

الكلمات الدلالية لهذا الموضوع

المفضلات

المفضلات

ضوابط المشاركة