الموضوع: عاوز اغير طنابير اماميه اجيب استيراد مستعمل ولا جديد

الافضل تجيب جديد واصلي لانه دي حاجه مهمه ف العربيه وبلنسبه للاسعار ح نشوف رد الشباب هنا

الجديد جديد و الغالى تمنو فيه و بعدين الطنابير ممكن تكون جديدة و مش معووجة بس ممكن تكون ضعيفة من تكوينها الداخلى نتيجة لتغيرات درجات الحرارة و تاثير الحرارة عليها قتضعف و ممكن تتشرخ انما الجديد هيستحمل و لو جرا حاجة هتعرف تاخد حقك

يبقى خلينا فى الجديد بس عاوزين اسعار وايه الانواع النضيفه يارجاله

يا ريت فعلا الاسعار؟
انا داخل على تغير طنابير اماميه برضه

سيبك من الاستيراد هتها جديدة افضل بكتير امامك عدت اختيرات فى الاصلى ودة غالى اوى وفى البدايل فى نوع ايطالى فى السوق متجبوش مضروب وفى نوع برزيلى بردة مضروب فى نوع كويس هو المانى بس مش فاكر اسمة ممتاز وفى الصينى طبعا متجبوش طنبورة وحشة جدا منصحكش بيها خالص وفى الفيبى بس للاسف الفيبى نزل لية حجات مضروبة بعض التجار دربو العلب بتعتها لو ضمنة هاتة السعر هشفلك واقلك وبالمرة هشفلك الانواع بالمرة

طبعا زي ما قالو خبراء العصابة الجديد افضل

المشاركة الأصلية كتبت بواسطة abdelaziz-waleed

السلام عليكم ورحمة الله وبركاته
اعزائي اعضاء رابطة عشاق الأوبل

ديه اسعار شوية قطع غيار جديدة لسيارتي الأوبل فكترا 1997 1600CC مانيوال

طقم طنابير امامي SK الماني --------> 200
طقم طنابير خلفي Febi اماني -------> 440
طقم تيل امامي SK الماني ----------> 90
طقم تيل خلفي Febi الماني --------> 180
طقم مساعدين امامي الماني ---------> 625
طقم مساعدين امامي GM اصلي ----> 725
طقم مساعدين خلفي اماني ----------> 525
طقم مساعدين خلفي GM اصلي ----> 625
طقم جلب مقصات خلفي (4 زيت) ---> 4*60 = 240
طقم جلب مقصات خلفي (2 فخاد) ---> 2*90 = 180
قاعدتين موتور الماني ------------> 2*225 = 450
قاعدة فتيس الماني --------------> 190
الحاجات ديه جبتها من الشيماء اللي في التوفيقية (12 شارع سيد درويش (ذكي سابقا) - التوفيقية) تيليفون 25752001
وممكن لو حابيتو تعرفو اسعار محلات تانية. ديه تيليفونات محلين اوبل في شارع شمبليون
شركة سرور 25758011
شكة امريكان ستار (39 و 46 شارع شمبليون ت: 25791402 - 25791403 - 25777408)
وفي محل في التوفيقية اسمه عواد (46 ش سليمان الحلبي ت : 25754924)

اما بالنسبة للقطع اللي جبتها من التوكيل

طقم مساحات زجاج GM اصلي ---------> 90
بكرة تعديل ظهر الكرسي ----------> 40
اويل سيل اسبراتير ---------> 73
كتاوت فانوس اشارة او شبورة --------> 42
فلتر بنزين GM مصري --------> 35
فلتر زيت GM الماني --------> 27
طقم كاوتش كوبلن داخلي --------> 60

ان شاء الله كل ما اشتري او اعرف اسعار اي حاجة هابلغكم



[/

ده اقتباس من موضوع قطع غيار اوبل فكترا
الاسعار ديه بالضبط من سنة يعني ممكن تكون اتغيرت شوية

شكرا استاز وليد معلومات ميه ميه خلينا فى sk الالمانى