الموضوع: عاوز أعمل فرش جلد لسيراتو 2015 في الاسكندريه

انا عملت و3 من اصدقائى عند واحد فى الشاطبى كانت التكلفة فى حدود 1300 جنيه جلد المانى لونين ؛ فى شارع اللى امام كلية السياحة والفنادق متفرع من شارع سوتير .اسمه هشام لو عاوز رقم تليفونه اعطهولك.

بس نصيحة لما تعمل فرش اعمله غرزة ( دبل ) يعنى غرزتين بتعطى الفرش شياكة وكمان الخيط اللى حيعملك به الغرز يكون سميك شويه عشان الغرز تكون واضحة .

فى واحد تانى اسمه جابر النوام هو مشهور جدا فى الشاطبى برضه بس معوج حبتين ؛ ولو رضى يعملك الغرزتين الدبل يبقى كويس لان انا سألته ومرضاش يعملها . وسعره برضه فى حدود 1300 جنيه.

فى واحد ثالث فى الشاطبى ايضا فى احد الزملاء هنا عمل شغل عنده وده اللينك بتاعه وصور كمان .

http://www.nilemotors.net/Nile/420353-a.html

واى استفسار انا تحت امرك . ولو عاوز رقم الراجل الاول اللى انا عملت عنده اوك.؟

انا لا اعرف احد فى الاسكندرية بس سعر الفرش فى القاهرة 450 الكراسى جلد امريكى و 350 الارض و الشنطة
بس انصح حضرتك بعدم تركيبة رن انا كان معايا كيا كارينز 2013 و ركبت فرش جلد ورحت اعمل الصيانة قالى المهندس ان انا خرجت العربية من الضمان لانى فعلت تغير على السيارة

مرجان فى الأزريطة أنا كنت عامل فرش البولو لون جملي غامق بتاعةالبى ام المانى و كنت طالب خياطة سبيشيال زى إللى فى الباسات و خد منى ٧٥٠ بس راجل محترم و ١٠/١٠ بعد بنزينا موبيل سوتر تانى شارع يمين

المشاركة الأصلية كتبت بواسطة echo7

شكرا جزيلا ياريت رقم التليفون والاسم والعنوان بالتفصيل

اسمه / هشام
تليفون / 01095064234
عنوانه / شارع سوتير اول شارع يمين بعد تقاطع مع شارع بورسعيد وانت قادم من البحر
انت طبعا من الاسكندرية عارف طبعا كبده ( هو هو ) هو فى الشارع بتاعه اول تقاطع لما تدخل الشارع على اليمين .

ولو ناوى ان شاء الله تعمل عنده الارضية والكراسى والشنطة بـ 1300 جنيه يقولك اكتر من كده فاصل معاه وقوله بأمارة ا/ محمود بتاع العربية اللانسر البومة وارخر عربية عملنها عندك اللوجان الجديدة .

ولو عاوز اى استفسار او مساعدة انا تحت امرك .

المشاركة الأصلية كتبت بواسطة mr.moustafa

هههههه هوهو بتاع الكبده ده لسه عايش !!!!!!
ده اتخرج على ايديه أجيال

هههه ده اتوسع عقبالنا واخد الارض وعمل عليها قاعدة وكراسى وتربيزات وشوايه ... شغل كبير