إستفسار سريع عشان هاشتري بكره

**Fouad Ezz** · 19-10-2014 11:15 PM

السلام عليكم

معروض على كيا كارينز الشكل القديم موديل 2013 هاي لاين ... بس فى كام إستفسار لو سمحتم؟

أولا السيارة عاملة 26 ألف كيلو ... وشكل صالونها من جوة محترم جدا وغير مهان ...
لكن العربية مرشوشة من برة .. صاحبها بيقول .. تجاريح وخرابيش وتم رشها فى التوكيل على حساب التأمين
الشيء ده مقلقنى ,, وخاصة أنه طالب فيها 145 ألف ... ودة أقل من المطلوب فى مثيلاتها على النت .. ماأعرفش أسعر الواقع إية؟

ثانيا السيارة ليس بها باكتيات نيكل أو أكر نيكل أو مرايات ضم
فقط بها إشارات بالمرايات وتحكم طارة ... كدة تبقى هايلاين؟

ثالثا .. لوحبيت أكشف عليها فى التوكيل ... إية أقرب توكيل من مدينة نصر وهل لازم حجز قبلها ولا لأ؟

أرجو إبداء الرأي والمشورة سريعا

**eng.khater** · 19-10-2014 11:35 PM

مبروك ان شاء الله اما اقرب فرلع ليك عندك فرع لكيا عند مصنع بتروجاس اول طريق العين السخنة قبل ماتعدي الطريق الدائري و ممكن تكلم التوكيل تحجز و هتاخد معاد تروح فية اما السعر دا نقدرش افيدك فية الصراحة بس ان شاء الزملاء يفدوك

**ENG.MaRk** · 20-10-2014 12:01 AM

أنا شايف إن سعرها مناسب و مش أقل من مثيلاتها بفارق كبير (وارد صاحبها يكون مسافر مثلا و محتاج يبيعها بسرعة) ...إخواتها معروضين ب 160,000 و ده سعر مبالغ فيه أوي ...لو فابريقة فعلا يبقي ده مكسب ليك بس اكشف عليها كويس ... أعتقد ديه تاني فئة أوتو عشان الهاي لاين كانت معايا و كان المرايات ضم كهرباء و كان فيها حساسات ركن و كاميرا و نواكل !!!

**ahmed9003** · 20-10-2014 12:50 AM

فيه مركز معتمد لكيا فى التجمع التالت لماتدخل من الدائرى من جنب اكاديمية الشرطة وتاخد الطريق لاخره وتاخد اجبارى يمين وبعدين اول يوترين شمال وتسأل عن توكيل حتلاقيه على بعد 250 متر من اليو ترين جوا محطة بنزين

ونصحيتى لحضرتك بلاش التسرع فى الشراء .. لو العربية من نصيبك حتستناك عشان كده اكشف عليها براحتك واسأل عن السعر مرة واتنين واستخير عشان تبقى مطمن وانت بتشترى

وربنا يوفقك للى فيه الخير ان شاء الله

**hesham fawzy h** · 20-10-2014 06:21 AM

فى واحد على طريق السويس تحت كوبري الجيش على ناصية داخلة 4.5

**hesham fawzy h** · 20-10-2014 06:22 AM

مكتوب علية كيا بس معرفش دة اية

**Mohamed_Ayman** · 20-10-2014 07:47 AM

المشاركة الأصلية كتبت بواسطة hesham fawzy h

مكتوب علية كيا بس معرفش دة اية

ده القاهرة اوتو .. مركز خدمة معتمد.. وهو كويس على فكرة .. وعندهم خدمة الكشف عن السيارات المستعملة.. بالتوفيق ان شاء الله.

**Sherif Khalifa** · 20-10-2014 08:49 AM

غالية جدا على انها 2013 مرشوشة

**amr011111** · 20-10-2014 09:07 AM

عربيه مستعمله موديل 2013 ب 145 الف جنيه
انا عندى اقتناع ان الواحد يجيب عربيه مستعمله سعرها الزيرو غالى زى البى ام
انما الاحسن لك انك تضشوف عربيه زيرو ب 145 الف جنيه وتبقى اول واحد تركبها وعارف تاريخها ولا كشف ولا بتاع

**Fouad Ezz** · 20-10-2014 03:11 PM

المشاركة الأصلية كتبت بواسطة amr011111

عربيه مستعمله موديل 2013 ب 145 الف جنيه
انا عندى اقتناع ان الواحد يجيب عربيه مستعمله سعرها الزيرو غالى زى البى ام
انما الاحسن لك انك تضشوف عربيه زيرو ب 145 الف جنيه وتبقى اول واحد تركبها وعارف تاريخها ولا كشف ولا بتاع

مفيش زيها بـ 145 زيرو
الموجود سيدان عادي

الموضوع: إستفسار سريع عشان هاشتري بكره

LinkBack

أدوات الموضوع

عرض

إستفسار سريع عشان هاشتري بكره - انشر الموضوع فى :

-

-

-

-

-

-

-

المواضيع المتشابهه

إستفسار سريع من وحوش فليونس

إستفسار سريع

رايح بكره الصبح و محتاج رد سريع .. فين مرور الشروق ؟

إستفسار سريع عشان كنت هاغير الجنوط ورجعت بسبب اللخبطة في المقاس

برجااء الأفاده في سعر البونتو كلاسيك عشان ان شاء الرحمن هاشتري بكره

الكلمات الدلالية لهذا الموضوع

المفضلات

المفضلات

ضوابط المشاركة