إستفسار سريع عشان كنت هاغير الجنوط ورجعت بسبب اللخبطة في المقاس

**D . a .\ AYMAN** · 30-12-2010 02:17 PM

دلوقتي مقاس الجنوط الأصلية عندي 13 ... وراكب عليها كاوتش مقاس 145/70/13 ... لما جيت عشان أغير الجنوط كان في دماغي إني هاجيب 13 برضه عشان ما أبعدش عن المقاس الأوريجينال بتاع العربية .. بس إتلخبطت بقى في كيفية حساب مقاس الكاوتش اللى هايركب عليه

لأنى كنت عايز أركب 155/70/13 ... بحيق إن كل اللى عايزه هوة إني أعرّض الكاوتش أقل شيء ممكن بدون ما ألعب في إرتفاعه عن الأرض

لاقيت الراجل بيقولى .. لأ .. ماينفعش ولازم تركب 155/65/13 ... عشان بمجرد ما العرض زاد يبقى الإرتفاع هايزيد أتوماتيك ... يبقى لازم تقلل من 70 لـ 65

... إيه هو المقاس المناسب بقى ؟

وبعدين لو أنا ركبت نفس المقاس الأصلي بتاع العربية اللة هو 145/70/13 .. هل هايكون مش مناسب على الجنط الإسبور ... لأن الجنط الإسبور طبيعي أعرض من الجنط الحديد الأصلي بتاع العربية ... إيه رأيكوا في الكلام ده ... وتنصحوني بإيه

**M.Osman** · 30-12-2010 03:17 PM

مقاس الكواتش 155/70/13 فعلاً هيزود ارتفاع العربية

لازم تنزل ل65 فعلاً ... كلام الراجل صح و كدا هتحافظ على قراءة عداد مظبوطة و ارتفاع ثابت

TYRESAVE: Tyre Size Calculator

**أبو إياد** · 30-12-2010 03:29 PM

الراجل كلامه مظبوط

**M.Osman** · 30-12-2010 06:32 PM

تمام كده ... بس أنا كده مش فاهم إيه العلاقة اللى بين عرض الكاوتش وإرتفاعه .. ليه لما بزود عرض الكاوتش الإرتفاع بيزيد لوحده

لأن ببساطة ارتفاع الكاوتش او الprofile height اللي هي الـ70% بتكون نسبة من عرض الكاوتش (tread width) ..

عشان كدا لازم نقلل النسبة لو عرض الكاوتش هيزيد :)